Luke 20:14 - Yak'usda Ooghuni

¹⁴ ꞋEt hoontsꞌi ndunne bughu whulhꞌaine hitilhꞌen whe ꞌet ꞌulhodutni, ‘Ndun ꞌen ha níyeh kꞌet oochꞌeꞌ-un ꞌen ooyeꞌ ꞌútꞌen. Tsꞌuzoolhghelh! ꞋEt de la ndet la ootsꞌó tiltsꞌulh-un tsꞌiyawh ꞌet ndúwhulcho whe netsꞌó tooltsꞌit.’

Luke 20:14 Iomraidhean Croise

Matthew 16:7

Lhulh yawhehunilhduk, “ꞋAw lhes lhtsꞌíꞌal ꞌet huwa ꞌutni.”

Matthew 21:25

Ntsꞌenꞌa John dune too be ꞌúlhꞌen? Mbe yutlꞌa honꞌai dune too be tilhꞌelh huba? Yakꞌuz tsꞌe tilah ha hóoltsꞌut, kꞌus dune tilah tsꞌu ha hóoltsꞌut?” Dichꞌoh lhtoh howu yahalhduk ꞌinkꞌez ꞌuhutni, “Yakꞌuz tsꞌe ha hóoltsꞌut tsꞌutni de, ꞌet la ꞌunedóneꞌ, ‘Di ha John nohba ꞌalha lheꞌdusni?’

Matthew 21:34

Oonujin-un neooninzut whe yun whumoodih de ꞌulhnane, whuz whe balhꞌaꞌ ꞌinkꞌez ꞌutꞌenne, butsꞌun mai hitalhchulh ha.

Luke 19:47

ꞋInkꞌez ꞌet lugliz whucho dzin totsuk dune hodulhꞌeh. ꞋEt hoontsꞌi soo ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, ꞌinkꞌez dune tso whudilhdzulhne cha, tsꞌiyawh hituzilhghelh-un hukwa hitísꞌen.

Luke 20:13

ꞋEt ha níyeh kꞌet whutꞌi-un ꞌutni, ‘Daoosneh cha há la? Sichꞌoh syeꞌ ookwꞌesiꞌ-un, ꞌen butsꞌítoosꞌaꞌ. ꞋEn la hiyanꞌen de, ꞌuntꞌoh-un kꞌunꞌa néꞌyiyoolhꞌen,’ ni.

Luke 20:15

ꞋInka njan ha níyeh kꞌet tenáhinino ꞌinkꞌez hizilhghi. ꞋEt huwa ha níyeh kꞌet oochꞌeꞌ hoonli-un, dábooleh suba?

Luke 20:19

Lizwif lubret bumoodihne, ꞌinkꞌez ndunne Moses be ꞌudustlꞌus ꞌukꞌu nunáguzne cha, ꞌet soo ꞌet sadzi hunitꞌo-un, ꞌenne Jesus hiyólhchoot hukwaꞌ hutꞌen. ꞋEt hoontsꞌi dune bubé hunuljut ꞌet huwun ꞌaw ꞌuhooneh ꞌaitꞌoh. Tꞌehoninzun ndi khuni bé whutsꞌodulꞌeh-i, didut buchꞌaz yalhduk whe ꞌutni ꞌet huwa.

Luke 20:5

Dichꞌoh lhtoh howu yahalhduk ꞌinkꞌez ꞌuhutni, “ꞋEt yakꞌuz whutsꞌun ha hóoltsꞌut tsꞌutni de, ꞋEt di ha John nohba ꞌalhaꞌ lheꞌdusni, nedóniꞌ la.

Luke 22:2

ꞋInkꞌez ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, Jesus whe hituzilhghelh-un, ꞌet hukwa hunuta. ꞋEt dunene bube hunuljut ꞌet huwa whunistꞌi be néꞌhutꞌen.

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

Acts 3:15

ꞋInkꞌez mbe oogha tsꞌúkhuna-un, ꞌen úhla súlhghi, ꞌet hoontsꞌi Yakꞌusda nahuyílhnaꞌ ꞌet ndulcho whe wheni nena be tsꞌuhonꞌen.

Romans 8:17

ꞋInkꞌez Yakꞌusda buzkeh unlíne, ndai la Yakꞌusda butsꞌú yoozi-i, ꞌi buchꞌeꞌ whutaleh. ꞋEt whuz unꞌa Christ bulh ꞌúztitꞌelh, Christ bulh dzoh nutsꞌuzut de, ꞌen bulh uzdutátiꞌ ꞌet huwa.

Hebrews 1:2

ꞋEt njan ꞌandit ꞌudekꞌez dzin whe Yakꞌusda duYeꞌ ꞌen be nebulh yaílhduk. ꞋEn ooBá yutꞌi-i, ꞌi tsꞌiyawh oochꞌeꞌ yutileh, ꞌet whuz unꞌa ooBá yutlꞌa hónꞌai. OoYeꞌ ꞌen be ꞌuja tsꞌiyaitsuk ꞌuhóonla.