Luke 20:13 - Yak'usda Ooghuni

¹³ ꞋEt ha níyeh kꞌet whutꞌi-un ꞌutni, ‘Daoosneh cha há la? Sichꞌoh syeꞌ ookwꞌesiꞌ-un, ꞌen butsꞌítoosꞌaꞌ. ꞋEn la hiyanꞌen de, ꞌuntꞌoh-un kꞌunꞌa néꞌyiyoolhꞌen,’ ni.

Luke 20:13 Iomraidhean Croise

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Luke 18:2

ꞋInka ꞌubulhni, “ꞋEt ꞌilhoghun keyoh, ꞌet nahíyilh-un, ꞌaw Yakꞌusda élhniljut, ꞌinkꞌez ꞌaw dune cha lheꞌílhꞌi.

Luke 18:4

ꞋEt ꞌaw yoozólhtsꞌaiꞌ ꞌaitꞌoh. ꞋEt hukwꞌelhꞌaz naꞌdudútni ‘ꞋAw Yakꞌusda be lhnuzjut ꞌinkꞌez dune cha ꞌantsꞌi sba hinli.

Luke 20:12

ꞋEt búlh tane dude ꞌustle-un butsꞌú whilhꞌaꞌ. ꞋEn cha ka húyulhtsi ꞌinkꞌez tenáhinino.

Luke 20:14

ꞋEt hoontsꞌi ndunne bughu whulhꞌaine hitilhꞌen whe ꞌet ꞌulhodutni, ‘Ndun ꞌen ha níyeh kꞌet oochꞌeꞌ-un ꞌen ooyeꞌ ꞌútꞌen. Tsꞌuzoolhghelh! ꞋEt de la ndet la ootsꞌó tiltsꞌulh-un tsꞌiyawh ꞌet ndúwhulcho whe netsꞌó tooltsꞌit.’

Luke 9:35

Kwꞌus toh tsꞌe khuni huduztsꞌai, “Ndun sYeꞌ ookwꞌesiꞌ-un ꞌuntꞌoh. ꞋEn oozóolhtsꞌai,” ni.

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

Romans 8:3

Neyustꞌe lubeshi tsꞌu níntꞌi, ꞌet huwa Moses be ꞌudustlꞌus ꞌaw nela ꞌooneh ꞌaítꞌoh. ꞋEt hukwꞌelhꞌaz Yakꞌusda duYeꞌ netsꞌítilhꞌaꞌ. ꞋEn ooyustꞌe neyustꞌe ndultꞌoh, ꞌet hoontsꞌi neyustꞌe ꞌi lubeshi bulh ꞌúntꞌoh. ꞋInkꞌez datítsah-un whutlꞌaꞌ dudilti ndi yun kꞌut dune bulubeshi kꞌelha whutilhtselh ꞌet wheni.

Galatians 4:4

ꞋEt hoontsꞌi whusahóoltsꞌut whe Yakꞌusda duYeꞌ whusayálhꞌaꞌ. Tsꞌeke ꞌen yulhtsi, Moses be ꞌudustlꞌus yukꞌúneꞌtitꞌen ha.