Luke 2:9 - Yak'usda Ooghuni

⁹ ꞋInkꞌez whunilhꞌen, neMoodihti oolizas bubut usyin. ꞋInkꞌez neMoodihti ootsꞌu ha yanduz-i, ndulcho whe bunat bube dindi. ꞋInkꞌez tube whe hunilhjoot.

Luke 2:9 Iomraidhean Croise

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Luke 1:28

Lizas yutsꞌo whusainya, ꞌet njan ndúyulhni, “Whunílhni! Yakꞌusda ntsꞌun unzoo! Nemoodihti nyulh ꞌuntꞌoh ꞌet huwa tsꞌekoo toh ꞌukꞌenus hoontꞌiꞌ-un inli!”

Luke 2:8

ꞋEt keyoh za ꞌusbai ghunline tlꞌo kꞌut ꞌet huwhutꞌi, ꞌinkꞌez ꞌulhdzis nduwhulyiz whe dughunaꞌ highunli.

Luke 24:4

Buba wheꞌ hooja hooyoh ꞌet dáhooja whusuba ꞌuhoontꞌoh. ꞋEt khuntsul nane dune buzih huzyin. Bunaih tube busaoolkalh.

John 12:41

ꞋEt Isaiah Yakꞌusda yé diztiꞌ-i yunalhꞌen whe ꞌet yughun ndutni inleꞌ.

Acts 12:7

Khuntsul neMoodihti oolizas be nghun be hóodiltsai, yoh cha hootꞌen suliꞌ. ꞋEt lizas Peter ꞌún be yúlhni whe tsꞌe nainílhzut ꞌinkꞌez, “Soo ꞌah dudinyaih!” yúlhni. ꞋEt ꞌaho nyoo lhuztih tlꞌool be yulhghel-i oola ootsꞌu ha yánkat.

Acts 27:23

Yakꞌusda oochꞌeꞌ usdli-un, ꞌinkꞌez ooba neꞌustꞌen-un, ꞌen ꞌulhdzis daꞌ oolizas ꞌen szih be hóodiltsai

Acts 5:19

ꞋEt hoontsꞌi la ꞌet ꞌulhdzis neMoodihti oolizas ꞌahaꞌ dinla-un dáhaꞌ dantan, tenábuninla ꞌinkꞌez ubúlhni,

2 Corinthians 3:18

ꞋEt wheni tsꞌiyawh nenin ootsꞌoh lheꞌibal whe be naꞌuzdunulꞌen ꞌi be tsꞌonilhꞌen, ꞌet whuz unꞌa neMoodihti yé diztiꞌ-i, ꞌahoolhyiz uznilhꞌen. ꞋInkꞌez ndi ꞌukꞌeguz-i uznilhꞌen-i, ꞌet ꞌi kꞌunꞌa ꞌutsꞌuja. NeMoodihti yé diztiꞌ-i, ꞌi ꞌon nus yé diztiꞌ-i kꞌunꞌa ꞌutsꞌintꞌoh. Dzin totsuk nusyaz za lhéꞌtsꞌitꞌelh. ꞋInkꞌez neMoodihti ooyughi, ꞌen gha whuz unꞌa ꞌuhóoja.

2 Corinthians 4:6

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Hebrews 12:21

ꞋInkꞌez hohonꞌen whe tube whe húnilhjoot. Moses ꞌen hoontsꞌi, “Whenuzjut ꞌinkꞌez dustlut,” ni.

Revelation 18:1

ꞋEt ndo ho hukwꞌelhꞌaz ꞌuyoon lizas yakꞌuz ndus de útꞌo whe tísꞌen. Soo ulhtus whe kꞌúneꞌ ꞌutꞌen doútꞌen. Ootsꞌu há nuyuzduz-i ndi yun kꞌut be hóotꞌen.

Revelation 20:11

ꞋEt ꞌawet ulhyul-i kwꞌutsꞌuzda ncha-i cho diztiꞌ-i, ꞌinkꞌez mbe yukusda-un tísꞌen. Ndi yun kꞌut ꞌinkꞌez yatꞌah cha Yakꞌusda usda-un, ꞌet oochꞌa whúzkat, ꞌi ꞌinkꞌez tsꞌiyawh gak whuzdliꞌ.