Luke 2:7 - Yak'usda Ooghuni

⁷ ꞋInkꞌez ꞌudechoo ooyaz whuzdliꞌ. Layin naih yugháꞌ ozduz ꞌinkꞌez musdoos yez ꞌaꞌalh-i be yalhti. ꞋAw tsꞌuztez bayoh nahuhóꞌalh ꞌaitꞌoh, tsꞌiyantsuk whudizbun ꞌet huwa.

Luke 2:7 Iomraidhean Croise

Genesis 42:27

ꞋEt nehunina ꞌilhoghun nyoo ꞌeꞌuzdla-i kꞌunayanꞌuk, nyoon dughunaꞌ yughaꞌ tiꞌalh ha, nehunina-un soo ꞌudedo nyoo sooniya ꞌet usdzai yutilhꞌen.

Genesis 43:21

ꞋEt ꞌuhooja, nenatsꞌuntatus naztisdil whe ndi ꞌeꞌuzdla-i ookwꞌunatsꞌunꞌuk ꞌinkꞌez ꞌilhoghun tsinli whe nezoonuyaꞌ nyo ꞌezdla-i be yuzdzai whe, ꞌinka ndi sooniya whusanatsꞌandzai.

Matthew 1:25

ꞋUdechoo ooyaz whutileh tꞌeoonanzin ꞌet whutsꞌun ꞌaw yutꞌálhasnai. OoYaz whuzdli, ꞌet ꞌandit za soo yughusda. ꞋInkꞌez Tsꞌoodun booziꞌ yughá dinꞌai Jesus yulhni.

Matthew 13:55

ꞋAlhaꞌ iloh lakw yoh ꞌuwhulhꞌen-un, ooyeꞌ ꞌuntꞌoh? ꞋInkꞌez ooloo Mary? Bulhutsinke iloh lakw James, Joses, Simon, ꞌinkꞌez Judas?

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Luke 10:34

Yughu ninya ꞌinkꞌez khe cha yukailhdzo ꞌinkꞌez tsꞌekoo tooꞌ cha, ꞌinkꞌez yukaꞌ dalhꞌoo. ꞋInkꞌez dughunaꞌ kꞌéyilhti ꞌinkꞌez dune ꞌuztez bayoh tsꞌú yoolhti ꞌinkꞌez ꞌet yughinle.

Luke 2:6

ꞋEt huzke whe ooyaz whutaleh-un bulh ꞌet neoodinzut.

Luke 2:8

ꞋEt keyoh za ꞌusbai ghunline tlꞌo kꞌut ꞌet huwhutꞌi, ꞌinkꞌez ꞌulhdzis nduwhulyiz whe dughunaꞌ highunli.

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

2 Corinthians 8:9

NeMoodihti Jesus Christ, ꞌen ye unzoo-i ooghu tꞌeoonáhzun ꞌet huwa. Dalcho-i be la hoonzooꞌ ꞌuntꞌoh, ꞌet hoontsꞌi nohni nohba telꞌen suliꞌ. ꞋEt whe ndai la ye telꞌen-i, ꞌi nohni be hoonzooꞌ oohneh.

Galatians 4:4

ꞋEt hoontsꞌi whusahóoltsꞌut whe Yakꞌusda duYeꞌ whusayálhꞌaꞌ. Tsꞌeke ꞌen yulhtsi, Moses be ꞌudustlꞌus yukꞌúneꞌtitꞌen ha.