Luke 2:40 - Yak'usda Ooghuni

⁴⁰ ꞋInkꞌez tsꞌoodun ꞌawet nuyeh ꞌinkꞌez ooyughi be ulhtus súliꞌ. Ye whunih-i be dizbun ꞌinkꞌez Yakꞌusda ye unzoo-i bulh ꞌuntꞌoh.

Luke 2:40 Iomraidhean Croise

Luke 1:80

ꞋEt tsꞌoodun John, ꞌen nuyeh ꞌinkꞌez ooyughi ulhtus suliꞌ. ꞋInkꞌez ndet la Israel ooduneꞌne bunalhtsꞌet ha ooyaꞌ dunábuntiltun ha, ꞌet whutsꞌun ntsꞌe la dune lhuhootꞌih tsꞌe indaꞌ.

Luke 2:47

Yuditsꞌone tube buba hooncha. Tsꞌiyantsuk tꞌewhunínzun ꞌinkꞌez tsꞌiyawh tsꞌihꞌun unꞌa ubúlhni.

Luke 2:52

ꞋInkꞌez Jesus ꞌon nus whunih cha lheh ꞌinkꞌez nus lhuniyelh. Yakꞌusda yuba hoontꞌiꞌ, ꞌinkꞌez dunene cha hiba hoontꞌiꞌ.

John 1:14

ꞋEt ndi khuni Yakꞌusda unli, ꞌi dune suliꞌ ꞌinkꞌez netoh dune inleꞌ ꞌet whe dádiltiꞌ la tsꞌonalhꞌen. Ndi yé díztiꞌ, ꞌi Yakꞌusda ꞌilhoghun za ooYeꞌ yé diztiꞌ-i ꞌuntꞌoh. Ye unzoo-i ꞌaw oola tanalhuhóoꞌoh ꞌinkꞌez khuni ꞌalhaꞌ ꞌuntꞌoh-i za be yálhduk.

Acts 4:33

ꞋAw lhoníljut whe whelꞌaꞌne soo khuni ulhtus-i be, “ꞋAlhaꞌ hoontꞌoh whe Jesus neMoodihti ꞌen dunadija,” hutni, ꞌinkꞌez Yakꞌusda tube butsꞌun únzoo.

Ephesians 6:10

Sulhutsinke, ndi khuni ꞌudekꞌez-i ꞌuntꞌoh ꞌi be nohbulh yatisduk. NeMoodihti, ꞌen bé tsꞌilhtus. Yé ulhtus-i, ꞌi be tsꞌílhtus.

2 Timothy 2:1

ꞋEt huwa syeꞌ nyun Jesus Christ ye unzoo-i, ꞌi be soo ilhtus ónleꞌ.