Luke 2:4 - Yak'usda Ooghuni

⁴ ꞋEt Joseph cha yun kꞌut Galilee ꞌinkꞌez keyoh Nazareth, ꞌet whe dinya ꞌinkꞌez David ookeyoh, Bethlehem huwhutni, whuz whehanꞌaz Joseph David tsꞌu hainzut whe ꞌuntꞌoh ꞌet huwa.

Luke 2:4 Iomraidhean Croise

Genesis 35:19

ꞋEt Rachel dazsai ꞌinkꞌez Ephrath tsꞌu wheti-un (ꞌet Bethlehem ꞌuhoontꞌoh), ꞌet ꞌahuyalhti.

Genesis 48:7

ꞋEt si keyoh Padden tsꞌe hasya, Rachel szih ꞌet Canaan yun kꞌut dazsai, tsꞌidulh whe keyoh Ephrath ꞌawet nilhduk suliꞌ whe ꞌet, ꞌinkꞌez Ephrath tsꞌu ti (Bethlehem tsꞌuwhutni-un) ꞌet ꞌasti.”

Matthew 1:20

ꞋEt howu nuninuzut whe huwa nusúti whe neMoodihti oolizas ꞌen yulhni, “Joseph David ootsꞌuhainzut-un inli. Wheniljut iloh whe Mary nꞌat tileh. Ndun tsꞌoodun Ndoni be yuchainya whe ꞌuntꞌoh.

Matthew 2:23

Whuz hoozdil whe keyoh Nazareth ꞌet hudutáltsꞌilh. Nus hooꞌenne daja hutni la, ꞌoh túneꞌ whustꞌen whe njan duhútni, “ꞋEn Nazareth whutꞌen-un hidutánelh.”

Luke 2:3

ꞋInka tsꞌiyanne dukeyoh tse whehandil bubooziꞌ ꞌukꞌehuyitagus ha.

Luke 2:5

Mary yughu tidalh whe yutsꞌu nahizya-un, tsꞌoodun ba ꞌuntꞌoh whe yulh whinꞌaz bubooziꞌ ꞌukꞌehuyítagus-un ha.

Luke 4:16

ꞋEt keyoh nizyai-un, Nazareth, whuz whinya. ꞋEt dzin dune nalyis-un dzin ꞌuhoontꞌoh, Lizwifne bulugliz whe nidudinya. ꞋEt whuz unꞌa dichꞌoh be ꞌutꞌen kꞌoh ꞌuhoontꞌoh. ꞋInkꞌez buba ꞌukꞌu yatilhduk ha dudinya.

John 1:46

ꞋEt Nathanael ꞌutni, “Ntsꞌenꞌa suba hoonli ꞌuzooꞌ-i Nazareth tsꞌu ha óoltsꞌit?” ꞋEt Philip ꞌutni, “ꞋAnih, sulh ínꞌus ꞌinkꞌez whunolhꞌen si!” yúlhni.

John 7:42

Yakꞌusda ooghuni ꞌukꞌu nusguz-i, ꞌi ndutni, David yutsꞌu ha kédanzut-un, ꞌen keyoh Bethlehem huwhútni, David ookeyoh ínleꞌ, Christ whuz de ha tíyalh,” hutni.