Luke 2:37 - Yak'usda Ooghuni

³⁷ Ndun tsandilh, ꞌen lhkꞌu dit whunizyat ꞌon ꞌat dit be yus kꞌut atꞌen (84). ꞋAw lugliz whucho whuchꞌa lhiyal. Dzenis ꞌinkꞌez ꞌulhdzis ibulh soo hooni ꞌinkꞌez tenadudli whe Yakꞌusda ba neꞌutꞌen-un unli.

Luke 2:37 Iomraidhean Croise

Luke 5:33

ꞋEt huyoodulhkut, “Dahoontꞌoh huwa John yugha hodulꞌehne, lhat soo hóohoonih ꞌinkꞌez tenahududli? ꞋInkꞌez Phariseene bugha hodulꞌehne cha nduhútꞌen. ꞋEt hoontsꞌi nyun ngha hodulꞌehne, ꞌuhaꞌalh chaꞌ hutꞌen ꞌinkꞌez ꞌuhutnai chaꞌ hutꞌen?”

Acts 13:3

ꞋEt doo cha za soo húhoni ꞌinkꞌez tenahudidli whe butsi kꞌúdalni ꞌinkꞌez whébahalhꞌaꞌ.

Acts 14:23

Ndet Jesus Christ gha ꞌilhozdílne hoonli-un dune tso whudilhdzulhne buba ꞌutahahánla. ꞋEt tenadudli ꞌinkꞌez soo húhoonih, ꞌinkꞌez neMoodihti tlꞌábahanla whe Jesus soo hitꞌa nínintan.

Acts 26:7

Whunizyat ꞌon ꞌat nawh didowhne dune, ꞌenne ndi khuni butsꞌú yoosdzi bugha ítaltsꞌulh ꞌet hukwa tse huhooli dzin ꞌinkꞌez ꞌulhdzis whulh Yakꞌusda tsꞌu téniꞌ ꞌuhunilhdzun whutoh ꞌinkꞌez lerwe díntiꞌ-un, ndet ndunne Lizwifne, hukwa tse húhooli-un si cha hukwa tse hoosdli, ꞌet hukwa skꞌehúhoonꞌai.

1 Timothy 5:5

Ndun soo tsꞌihꞌun tsandilh unli-un ꞌinkꞌez oonat ꞌe hooloh de, Yakꞌusda tꞌanintan yulaꞌ titꞌelh huba. ꞋEt dzin ꞌinkꞌez ꞌulhdzis ibulh Yakꞌusda tsꞌun teniꞌ nilhdzun whe tenadudli.

Revelation 3:12

Mbene la ndi ꞌutꞌen untsiꞌ-i chꞌaꞌ ꞌulhdehne, nduntꞌohne sYakꞌusda oolugliz whucho whutꞌah nainꞌa-i ubutiselh. ꞋInkꞌez ꞌaw tenálhotisdulh. SYakꞌusda booziꞌ, ꞌi bukꞌeyítasgus. ꞋInkꞌez sYakꞌusda ookeyoh whuti-un ooziꞌ, ꞌandit-un Jerusalem huwhutni, ꞌi cha bukꞌeyítasgus. Yakꞌuz tsꞌe sYakꞌusda ootsꞌu ha ootiltsꞌulh. ꞋInkꞌez ꞌandit-i sooziꞌ, ꞌi cha bukꞌeyítasgus.

Revelation 7:15

ꞋEt huwa Yakꞌusda ookwꞌutsꞌuzda cho diztiꞌ-i hinat núdilhya. ꞋInkꞌez dzin ꞌinkꞌez ꞌulhdzis ibulh hilugliz whucho hiba neꞌutꞌen. ꞋInkꞌez ndun ndi kwꞌutsꞌuzda cho diztiꞌ-i yukꞌut usda-un, ꞌen butoh ꞌuntꞌoh ꞌinkꞌez bughu tileh.