Luke 2:36 - Yak'usda Ooghuni

³⁶ ꞋEt ꞌilhoghun tsꞌeketi, Anna huyulhni, Yakꞌusda be nus hooꞌen. Phanuel ootseꞌ, ꞌinkꞌez Asher bubulh didowh-un, ꞌilhoghun ꞌuntꞌoh. Tube yoo ꞌun uzulh. Ki titꞌelh whutso, ꞌaw dune tꞌenuszun-un ꞌuntꞌoh. Lhtakꞌantꞌit yus kꞌut duki zih indaꞌ.

Luke 2:36 Iomraidhean Croise

Genesis 30:13

ꞋEt Leah ꞌutni, “Hoonústꞌiꞌ, tsꞌekoo ꞌenne soo hoonzoo-un sgha whultsꞌut-un sodoniꞌ lah.” ꞋInkꞌez nyoon duneyaz Asher yulhni.

Luke 2:35

ꞋInkꞌez nyunchꞌoh nzul saluzti be huyuzgwut leꞌ tinelh. ꞋInkꞌez lhane dudzi be daja huninzun, tsꞌiyanne nalhtsꞌet ha ootiltsꞌulh.”

Luke 2:38

ꞋOh whuya hoozulh whe daninya ꞌinkꞌez Yakꞌusda dílhtiꞌ. Jerusalem dilhtsꞌine, nabootakulhne, ꞌenne hika ítisꞌen, ꞌen ghun Anna budániꞌ.

Acts 2:18

ꞋInkꞌez ꞌoh de sba ꞌutꞌenne, ꞌenne hoontsꞌi dune cha tsꞌekoo cha tsꞌiyawh syughi si sgha ꞌenne buye ídutiltsꞌulh ꞌet huwa ꞌenne cha nus daóotanelh-un huwu yahutilhduk.

Acts 21:9

ꞋInkꞌez Philip ꞌen la dine ootseꞌke, ꞌaw dune tꞌenuszun unline, ꞌenne la Yakꞌusda be nus hooꞌenne hinli.

1 Corinthians 11:5

ꞋEt mbe la tsꞌeke ootsi kꞌulheꞌibal whe tenadudli ꞌinkꞌez kꞌus nus hooꞌen de, ꞌet de mbe la tsꞌeke ando ꞌuntꞌoh-un, ꞌen yooya yilhꞌi. ꞋAntsꞌi ootsighaꞌ hooloh leꞌ titꞌelh ꞌet huwa.

1 Corinthians 12:1

ꞋEt ꞌawet sulhutsinke dantꞌoh-i Ndoni negha yúꞌaih, ꞌi ghun ꞌet cha tꞌeóonóhzin nohba hukwaꞌ nuszun.

1 Timothy 3:2

ꞋInkꞌez Yakꞌusda ba huwunli-un, ꞌaw dune hoonli whe tankꞌus lheꞌoostꞌeꞌ. ꞋIlhoghun za ooꞌat ooleꞌ. Duba whutnih. Tsꞌihꞌun ni nizulh. Dune yoh dalih. Soo dune hodulhꞌeh-un unli,

1 Timothy 5:9

Tsandilh lhkꞌu tat whunizyat ꞌon ꞌun be yus kꞌut (60) de, ꞌinkꞌez ꞌilhoghun za ghindaꞌ de, ꞌen za booziꞌ ꞌukꞌoguz hubaꞌ hoontꞌoh.

Revelation 7:6

Asher bulh didowhne tsꞌu haindene, 12,000ne bube hoodatꞌen bubuhulhtsi. Naphtali bulh didowhne tsꞌu haindene, 12,000ne bube hoodatꞌen bubuhulhtsi. Manasseh bulh didowhne tsꞌu haindene, 12,000ne bube hoodatꞌen bubuhulhtsi.