Luke 2:35 - Yak'usda Ooghuni

³⁵ ꞋInkꞌez nyunchꞌoh nzul saluzti be huyuzgwut leꞌ tinelh. ꞋInkꞌez lhane dudzi be daja huninzun, tsꞌiyanne nalhtsꞌet ha ootiltsꞌulh.”

Luke 2:35 Iomraidhean Croise

Luke 2:34

ꞋEt Simeon Yakꞌusda tsꞌu hukwaꞌ daniꞌ butsꞌun óozooꞌ ha. ꞋInkꞌez ooloo Mary ꞌen njan ndi yulhni, “Ndet huba ndun tsꞌoodun Yakꞌusda ꞌen buba ꞌutahayálhti-un ꞌuntꞌoh, ꞌet nyudutasnelh. Israel ootsꞌu hainzutne, ꞌen gha lhane nahutikulh ꞌinkꞌez lhane dunahudutádulh. ꞋInkꞌez highu tꞌeooninzun ꞌet hoontsꞌi hichꞌaz yatilhduk.

Luke 2:36

ꞋEt ꞌilhoghun tsꞌeketi, Anna huyulhni, Yakꞌusda be nus hooꞌen. Phanuel ootseꞌ, ꞌinkꞌez Asher bubulh didowh-un, ꞌilhoghun ꞌuntꞌoh. Tube yoo ꞌun uzulh. Ki titꞌelh whutso, ꞌaw dune tꞌenuszun-un ꞌuntꞌoh. Lhtakꞌantꞌit yus kꞌut duki zih indaꞌ.

John 19:25

ꞋEt Jesus ootulalhgus soo be nghoh ꞌet ooloo usyin. Ooloo bulhtus cha, ꞌinkꞌez Mary Clopas ooꞌat cha, ꞌinkꞌez Mary Magdala whutꞌen cha.

1 Corinthians 11:19

ꞋEt nohtoh lhelhtsꞌun unꞌa didohne hinli ꞌet whuz unꞌa ꞌet dó tanelh. ꞋEt whe la mbene nohtoh Yakꞌusda ba unzoone, ꞌenne tsꞌiyanne tꞌebuntizeh wheꞌ hoontꞌoh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.