Luke 2:2 - Yak'usda Ooghuni

² ꞋEt ꞌoh daꞌ ꞌoh whuya whudizulh whutoh, ꞌilhoghun dune Cyrenius huyulhni, ꞌen yun kꞌut Syria whumoodih inleꞌ. ꞋEt whudizulh ꞌet whutsꞌun bubooziꞌ ꞌukꞌewhe hininguz.

Luke 2:2 Iomraidhean Croise

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Luke 2:1

ꞋEt ꞌoh daꞌ Caesar Augustus huyulhni-un, whunilhchoh keyoh dilhtsꞌine, khuni bunalh yutulhuhizyeꞌ. Tsꞌiyanne bubooziꞌ ꞌukꞌeooges ha.

Luke 2:3

ꞋInka tsꞌiyanne dukeyoh tse whehandil bubooziꞌ ꞌukꞌehuyitagus ha.

Luke 3:1

ꞋEt Caesar Tiberius, ꞌen yun kꞌut ndulcho whe lerwe inleꞌ. Whunizyat ꞌon ꞌat kwulat yus kꞌut (15) ꞌantꞌeꞌ. ꞋEt Pontius Pilate, Judea yun kꞌut whumoodih unli. Herod, Galilee yun kꞌut whumoodih unli. Bulhutsin Philip, ꞌen Iturea ꞌinkꞌez Trachonitis yun kꞌut whumoodih unli. ꞋInkꞌez Lysanius, Abilene yun kꞌut whumoodih unli.

Acts 13:7

ꞋInkꞌez noo kꞌut whumoodih, Sergius Paulus huyúlhni, dune beni hoonli-un ꞌuntꞌoh, ꞌen ndun neꞌdulhdeh-un ooyadan unli. ꞋEn la Barnabas Saul bulh, “ꞋAnih,” hubudániꞌ Yakꞌusda ooghuni dutátsꞌo hukwaꞌ ninzun ꞌet wheni.

Acts 18:12

ꞋEt yun kꞌut Greece huwhútni, ꞌet Galio Roman moodih huyulhtsi. ꞋInkꞌez Lizwifne ꞌalhgoh lhtahundil ꞌinkꞌez Paul huyílhchoot ꞌinkꞌez nahiyilh-un but néhinilhti.

Acts 23:26

“Felix yun moodih díztiꞌ-un si Claudius Lysias ntsꞌó kꞌeꞌusges, hadih.

Acts 26:30

ꞋEt ꞌawet lerwe, ꞌinkꞌez yun kꞌut moodih, ꞌinkꞌez Bernice, ꞌinkꞌez ꞌuyoonne cha tsꞌiyawh dunahudidil,

Acts 5:37

ꞋEt hukwꞌelhꞌaz ꞌuyoon dune cha nduja, Judas Galilee whutꞌen-un huyúlhni, ꞌet dune naoolto whe ꞌet ninya. ꞋEt cha lhane dune hitsꞌú nedindil. ꞋEn cha hizilhghi ꞌinkꞌez yutsꞌú nedindil ínleꞌne, ꞌenne cha tsꞌiyawh yanahadil.