Luke 2:14 - Yak'usda Ooghuni

¹⁴ “Yakꞌusda ꞌudedo yakꞌut, ꞌen uzdilhtiꞌ. ꞋInkꞌez ndi yun kꞌut nedzi doghel, ꞌi be tsꞌiyanne dune butsꞌun hoonzoo holeꞌ!”

Luke 2:14 Iomraidhean Croise

Matthew 21:9

ꞋEt ꞌawet ꞌilhunaoodilhne whulohne ootso ꞌinkꞌez whulohne ookꞌoh tsꞌe hidulh ꞌinkꞌez tube cho huhuyih whe nduhutni, “David ootsꞌu haínzut-un ba tsꞌodilhtiꞌ! NeMoodihti booziꞌ be whuz de úyalh. ꞋEn ꞌukꞌenus hoonzoo-un oogha whultsꞌut. ꞋEt soo yoodughi hidílhtiꞌ!” hutni.

Luke 1:79

Tsalhgus yo dilhtsꞌine ꞌinkꞌez datsahne cha, ꞌenne tsꞌiyawh ubeídutadih. ꞋInkꞌez lhutiyalh-un whe nedzi sooꞌ hotꞌeꞌ, ꞌet ntsꞌe whe honꞌa-un, ꞌet whuneuntilhtun. ꞋEt huwa Yakꞌusda be nus honꞌen-un nyo dutanelh,” ni Zacharias.

Luke 19:38

ꞋInkꞌez ꞌuhutni, “Lerwe ꞌen Moodihti booziꞌ be whusainya-un, ꞌukꞌenus hoonzoo-un oogha whultsꞌut! Ndo yakꞌuz whudutághel, ꞌinkꞌez ꞌudedo kꞌus whudutatiꞌ.”

Luke 2:13

Khuntsul lizas ꞌinkꞌez lhane lizas lhuganne, ꞌenne ndus de ha handil. ꞋEt whe Yakꞌusda ꞌon nus hiba oodílhtiꞌ whe nduhutni,

Luke 2:15

ꞋEt ꞌawet lizasne yakꞌuz tsꞌe bugho whenáhidil. ꞋUsbai ghunline ꞌilhodutni, “Dugweꞌ Bethlehem tsꞌuztoodilh. ꞋInkꞌez dahooja-un ꞌet neMoodihti nedaniꞌ, ꞌet la tsꞌonoolhꞌen!”

Luke 3:22

ꞌinkꞌez Ndoni dutꞌai, dove huyulhni, ꞌi kꞌunꞌa ndus de hátꞌoh ꞌinkꞌez yukꞌítoh. ꞋEt yakꞌuz khuni huduztsꞌai, ꞌi njan ndutni, “Nyun sYeꞌ ookꞌesiꞌ-un ꞌintꞌoh. Tube nyulh hoonústꞌiꞌ.”

John 14:27

Be nedzi dizghel-i, ꞌi nohghu nenánustꞌai. ꞋI sichꞌoh be sdzi dizghel-i, ꞌi nohgha núsꞌai. Ndi be nedzi dizghel nohgha núsꞌai-i, ꞌi ꞌaw yinka whuduneꞌne nohgha húyuꞌaih-i, ꞌi ndúlhiltꞌoh whe ꞌuntꞌoh. Khun te nohdzi úndoodaꞌ ꞌinkꞌez noolhjut júnih!

John 17:4

ꞋUtꞌen sgha nínꞌai-i ꞌawet lhadúsdla whe ndi yun kꞌut mba whudástiꞌ.

John 3:16

Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh.

Acts 10:36

Israel ootsꞌu hainzutne bubulh ꞌúdahtsꞌo la dahúja whe khuni unzoo-i butlꞌa díltsꞌut ꞌinkꞌez Jesus Christ, ꞌen gha, dahúja whe ndi khuni unzoo-i be budzi dinghel, ꞌen tsꞌiyanne dune buMoodihti unli whe ꞌuntꞌoh ꞌet huwa.

Romans 5:1

Yakꞌusda daja nedániꞌ ꞌet neba ꞌalha ꞌuhoontꞌoh. ꞋEt whe la nintaꞌtsꞌutꞌíh-un Yakꞌusda neba gak whulhtsi. ꞋEt whula gha tsꞌe Jesus Christ neMoodihti ꞌen gha Yakꞌusda tsꞌun nedzi dizghel.

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

Ephesians 1:9

Ndet la Yakꞌusda didutchꞌoh hukwaꞌ ninzun-i, neba wheꞌ hoontꞌoh hooyoh-un, ꞌet cha whunénilhtan. Dichꞌoh dudeni lhadínla, ꞌet whe hoontꞌiꞌ, ꞌet whuz unꞌa ꞌuhóoja.

Ephesians 2:4

ꞋEt hoontsꞌi Yakꞌusda dalcho-i be nekꞌensiꞌ, ꞌet huwa tube cho negha teꞌninzun.

Ephesians 2:7

ꞋEt whe neBá dalcho ye unzoo-i nus de whudizulh-un whusaootiltsꞌulh, nduwhulyiz Christ Jesus ꞌen be neBá whunéuntilhtun. ꞋI be netsꞌun tizooꞌ wheꞌ hoontꞌoh.

Philippians 2:11

ꞋInkꞌez lhelhyoo khuni be yalhdukne, ꞌenne tsꞌiyawh njan duwhúdutinelh, Jesus Christ neMoodihti ꞌuntꞌoh. ꞋEt whe Yakꞌusda neBá, ꞌen hidílhtiꞌ wheꞌ hutni.

Philippians 2:13

Yakꞌusda ꞌen ꞌunohꞌulhꞌen. Ndai yukaꞌ ninzun ꞌinkꞌez ntsꞌenꞌa hukwaꞌ ninzun, ꞌoh te néꞌnohulhꞌen.

Colossians 1:20

ꞋEn gha tsꞌiyaitsuk ꞌinkꞌez wheni cha Yakꞌusda dutsꞌun nenánedilya. Tsꞌiyaitsuk ndi yun kꞌut ꞌuntꞌoh-i, ꞌinkꞌez yakꞌuz cha ꞌet hoontsꞌi, tulalhgus kꞌut buzkaiꞌ oochꞌa yuntsus-i, ꞌi be whudizghel neba whulhtsi.

2 Thessalonians 2:16

ꞋEt neMoodihti Jesus Christ dichꞌoh, ꞌinkꞌez Yakꞌusda neBá, ꞌen nekꞌensiꞌ. ꞋEn ye unzoo-i, ꞌi be ꞌilhiz wheni whuz nenilhtꞌi whe ꞌet ooka tse tsꞌuholeꞌ.

Revelation 5:13

ꞋInkꞌez ndai ꞌusjiz ndo yakꞌuz ꞌuntꞌoh-i, ndi yun kꞌut cha, ꞌinkꞌez ndi yun ootꞌah tsꞌe cha, ꞌinkꞌez dai la yatoo kꞌut hoonli-i, ꞌenne tsꞌiyawh njan nduhútni whe ubudustsꞌo, “Tsꞌuhóontꞌiꞌ te bé neꞌtsꞌulꞌen-i, be uzdiztiꞌ-i, be hóotꞌen-i, ꞌinkꞌez tsꞌiyantsuk ookꞌuneꞌ whutꞌen-i cha, mbe la kwꞌutsꞌuzda cho diztiꞌ-i kusda-un, ꞌinkꞌez ꞌusbaiyaz hizilhghi-i cha, ꞌilhiz ꞌinkꞌez ꞌilhiz wheni buchꞌeꞌ yoleꞌ.”