Luke 2:11 - Yak'usda Ooghuni

¹¹ ꞋAndit dzin David ookeyoh, nohtilhyis-un nohba whuzdli. ꞋEn Christ neMoodihti tsꞌutni-un.

Luke 2:11 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 1:16

Jacob Joseph oobá ꞌuntꞌoh. ꞋEn Mary ooki ꞌinkꞌez Mary be Jesus whuzdli. ꞋEn Christ huyulhni.

Matthew 1:21

Ooyaz, duneyaz tileh. Booziꞌ ooghá donꞌalh. Jesus dóniꞌ. ꞋEn ꞌutinelh tsꞌiyanne lubeshi chꞌa ꞌubutilhyih.”

Matthew 16:16

ꞋEt Simon Peter yatilhduk, “Nyun Christ, Yakꞌusda khuna-un, ꞌen ooYeꞌ ꞌintꞌoh,” yúlhni.

Matthew 16:20

ꞋInkꞌez yugha hodulꞌehne khuniti be ubúlhni, “Khun te ꞌuyoonne dóhniꞌ junih si Jesus Christ, ꞌustꞌoh.”

Luke 1:43

Di ha suba sgha whultsꞌut sMoodihti ooloo ꞌen sghu ninya?

Luke 1:69

David ꞌen Yakꞌusda be ꞌustle-un, ꞌen tsꞌu haindene, bugha neulhyis-un hooncha-un, neba yulhtsi.

Luke 2:26

Datitsah whutso neMoodihti ooChrist tsꞌutni-un yutiꞌelh. Whuz unꞌa Ndoni whutꞌeinalhdzin.

Luke 2:4

ꞋEt Joseph cha yun kꞌut Galilee ꞌinkꞌez keyoh Nazareth, ꞌet whe dinya ꞌinkꞌez David ookeyoh, Bethlehem huwhutni, whuz whehanꞌaz Joseph David tsꞌu hainzut whe ꞌuntꞌoh ꞌet huwa.

John 1:41

ꞋEn ꞌaho dulhutsin, Simon huyulhni, ꞌen yughu ninya ꞌinkꞌez yudániꞌ, “Ndun Messiah ꞌawet natsꞌilhti,” yúlhni. (Ndi Messiah, Christ ni whe ꞌutni.)

John 1:45

ꞋEt Philip ꞌen Nathanael huyúlhni, ꞌen nayilhti, “Ndun mbe be la Moses dude ꞌudustlꞌus kꞌut yughun ꞌukꞌunéꞌ ꞌuzguz-un, ꞌinkꞌez Yakꞌusda be nus hóoꞌenne highun ꞌukꞌuneꞌ ꞌúzguz-un, ꞌen natsꞌilhti. ꞋEn ꞌuntꞌoh Jesus, Joseph ooyeꞌ unli. Keyoh Nazareth huwhútni, ꞌet whutꞌi,” yúlhni.

John 11:27

ꞋEt Martha ꞌuyulhni, “A sMoodihti, sba ꞌalha ꞌuhoontꞌoh nyun Yakꞌusda ooYeꞌ, Christ, mbe la ndi yun kꞌeitayalh-un, ꞌen ꞌintꞌoh.”

John 20:31

ꞋEt hoontsꞌi nduwhi ꞌukꞌu nusgúz-i nohba ꞌalhaꞌ ꞌuhotꞌeꞌ ha, ꞌalhaꞌ Jesus ꞌen Christ, Yakꞌusda ooYeꞌ, ꞌen ꞌuntꞌoh. ꞋEt njan nohba ꞌalha ꞌuhoontꞌoh whe ꞌilhiz ooleꞌ be tsꞌúkhuna-i, ꞌi Jesus Christ booziꞌ gha tíhtꞌelh.

John 4:25

ꞋEt ndun tsꞌeke uyúlhni, “Tꞌéoonúszun ndun Messiah whusatíyalh, mbe la Christ huyúlhni, ꞌen whusaínya de, tsꞌiyantsuk whunéuntilhtun.”

John 4:42

ꞋEt ndun tsꞌeke ꞌuhuyúlhni, “ꞋAw nyun nghuni ꞌi gha za iloh neba ꞌalhaꞌ ꞌuntꞌoh, whenichꞌoh ooghuni ꞌuzdántsꞌo. ꞋI gha ꞌalhaꞌ ndun ꞌen dune tilhyis wheni, Christ, ꞌen ndi yun kꞌeinya tꞌetsꞌonanzin,” huyúlhni.

John 6:69

ꞌinkꞌez neba ꞌalhaꞌ ꞌintꞌoh. Tꞌétsꞌonínzun nyun Christ ꞌen ꞌintꞌoh. Yakꞌusda ꞌilhiz wheni khuna-un, ꞌen ooYeꞌ ꞌintꞌoh!” yúlhni.

John 7:41

ꞋEt whulohne cha ꞌuhutni, “Ndun ꞌen Christ ꞌen ꞌuntꞌoh.” ꞋEt ꞌuyoonne cha ꞌuhutni, “ꞋAwundooh! ꞋAw Christ Galilee yun kꞌut tsꞌe toleh ha tíyalh!

Acts 10:36

Israel ootsꞌu hainzutne bubulh ꞌúdahtsꞌo la dahúja whe khuni unzoo-i butlꞌa díltsꞌut ꞌinkꞌez Jesus Christ, ꞌen gha, dahúja whe ndi khuni unzoo-i be budzi dinghel, ꞌen tsꞌiyanne dune buMoodihti unli whe ꞌuntꞌoh ꞌet huwa.

Acts 13:23

Jesus David ekédinzut-un, ꞌen la Israel ootsꞌu hainzutne ubutilhyis wheni Yakꞌusda butsꞌítilhꞌaꞌ butsꞌú yoozi inleꞌ ꞌet huwa.

Acts 17:3

ꞋEt buba hukwꞌú nuhúlhyeꞌ Christ ꞌen ꞌutinelh dzoh nutizut, datítsah, ꞌinkꞌez nakhitátnalh. ꞋEt tsꞌihꞌun ꞌuhoontꞌoh buba hoolhꞌih, “Ndun Jesus ꞌandit ooghun nohbulh yásduk-un, ꞌen Christ ꞌuntꞌoh,” Paul ubúlhni.

Acts 2:36

ꞋEt huwa Israel ootsꞌu hainzutne tsꞌiyawh tꞌehonozin, ꞌalhaꞌ ndun Jesus tulalhgus undunulhtꞌó-un, ꞌen Yakꞌusda Moodihti ꞌinkꞌez Christ yulhtsi.”

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

1 Corinthians 15:47

ꞋEt Yakꞌusda ꞌudechoo dune ndi yun kꞌut whutlꞌus ꞌi dune yulhtsi. ꞋEt whulh nat-un dune, ꞌen neMoodihti, ꞌen yakꞌuz tsꞌe hainzut whe ꞌuntꞌoh.

Philippians 2:11

ꞋInkꞌez lhelhyoo khuni be yalhdukne, ꞌenne tsꞌiyawh njan duwhúdutinelh, Jesus Christ neMoodihti ꞌuntꞌoh. ꞋEt whe Yakꞌusda neBá, ꞌen hidílhtiꞌ wheꞌ hutni.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

Colossians 2:6

ꞋEt huwa ntsꞌenꞌa Christ Jesus ꞌen neMoodihti úlhchoot, ꞌet whuz unꞌa ndi yun kꞌut dúlhtsꞌi.

1 John 4:14

Ndi yun kꞌut whutꞌenne bubutilhyis-un ha neBá duYeꞌ whusayálhꞌaꞌ. ꞋEt tsꞌohonꞌen ꞌinkꞌez howu yatsꞌulhduk.

1 John 5:1

Tsꞌiyanne Jesus, ꞌen Christ ꞌuntꞌoh, ooba ꞌalha ꞌuhoontꞌoh-un, ꞌen Yakꞌusda yé ulhtus-i be whuzdli-un ꞌuntꞌoh. Mbene la ndun ꞌilhiz be tsꞌuhutinalh-un negha óoninꞌai-un, hikꞌensiꞌ de, mbene la ꞌen be yé ulhtus-i whuzdline, ꞌenne cha bukꞌehoosiꞌ hubaꞌ hoontꞌoh.