Luke 2:10 - Yak'usda Ooghuni

¹⁰ ꞋEt lizas ꞌubulhni, “Whenoolhjut iloh! Nulhꞌen khuni unzoo-i soo tsꞌiyanne dune ye hóotatꞌeꞌ-i, ꞌi nohtsꞌú tisꞌai.

Luke 2:10 Iomraidhean Croise

Genesis 12:3

Mbene la mba soo hoonzoo-un ngha hóotaltsꞌulh, ꞌenne cha soo hoonzoo-un bugha hóotaltsꞌulh, ꞌinkꞌez mbe la nkꞌehiyihne cha bukꞌehutisyih, ndi yun kꞌut dilhtsꞌine ꞌenne tsꞌiyawh nyun ngha soo hoonzoo-un bugha hóotaltsꞌulh.”

Matthew 14:27

ꞋAho Jesus butsꞌu yatilhduk, “Nohdzi hóte! Si ꞌustꞌen! Whenulhjut íloh!”

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Matthew 28:5

Lizas tsꞌekoo ubúlhni, “Nulhjut íloh. Tꞌeoonuszun Jesus tulalhgus kꞌut dazai-un, ꞌen ookwunáhta whé ꞌahtꞌen.

Mark 1:15

ꞋInkꞌez ꞌet ꞌutni, “ꞋAndit ꞌawet whusahónzut. ꞋAwet nilhdukw Yakꞌusda ookꞌúneꞌ whutitꞌen wheꞌ hoontꞌoh. Lubeshi ꞌulhꞌen-un noheni náhandunoohleh, ꞌinkꞌez khuni unzoo-i nohba ꞌalha ootꞌeꞌ ꞌinkꞌez ulhchoot!”

Mark 16:15

ꞌinkꞌez ꞌubulhni, “Yinka ndulcho whe náhdilh, ꞌinkꞌez khuni unzoo-i yinka duneꞌne whubunulhtun.

Luke 1:13

ꞋEt lizas ꞌuyulhni, “Zacharias wheniljut iloh. Yakꞌusda ntenadudli yudántsꞌo. Nꞌat Elizabeth ooyaz duneyaz tileh, ꞌinkꞌez booziꞌ John be ootanzilh.

Luke 1:19

ꞋEt lizas ꞌuyulhni, “Si Gabriel ꞌustꞌoh. Yakꞌusda zih usyin-un. Ntsꞌu whúsazꞌaꞌ whe ꞌustꞌoh nyulh yatisduk ꞌinkꞌez ndi khuni unzoo-i nyudutásnelh ha.

Luke 1:30

ꞋInkꞌez lizas uyúlhni, “Mary niljut iloh! Yakꞌusda nyulh hoontꞌiꞌ.

Luke 2:11

ꞋAndit dzin David ookeyoh, nohtilhyis-un nohba whuzdli. ꞋEn Christ neMoodihti tsꞌutni-un.

Luke 24:47

ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 8:1

ꞋEt hukwꞌelhꞌaz Jesus kedutizut keyoh whucho ꞌinkꞌez keyoh whuyaz totsuk, Yakꞌusda lerwe unli, ꞌet huwun khuni unzoo-i be yalhduk. ꞋEt whunizyat ꞌon ꞌat nane cha huyulh ꞌutꞌen.

Acts 13:32

ꞋEt wheni njan whusatsꞌándil khuni unzoo-i ookꞌu nohbulh natsꞌotilnuk. ꞋI Yakꞌusda netsodaꞌne, butsꞌun datínelh ni-un ꞌandit wheni, bube uzdindilne, nenalh ꞌítꞌen whe Jesus nahiyílhnaꞌ. ꞋInkꞌez ndi bulh nanki Shun ꞌukꞌu nusguz-i cha ndutni, ‘Nyun Si SYeꞌ ꞌintꞌoh, ꞌandit dzin, mBá susdliꞌ,’ ni.

Romans 10:15

Dune butsꞌó whehalhꞌaꞌ ubudutánelh huba, ꞌet de za hiyulh údutatsꞌo. Njan huwun Yakꞌusda be ꞌudustlꞌus kꞌut ndutni, “Dáwhuldzooꞌ wheꞌ hoontꞌoh dune khuni unzoo-i whuneuntilhtun, ntsꞌenꞌa la nedzi yo whudutághel ꞌinkꞌez Yakꞌusda be ꞌutꞌen unzoo-i tsꞌolhchoot huba.”

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

Colossians 1:23

Be nohba ꞌalha ꞌuhoontꞌoh-i, soo dutsꞌo-i whe oohtun. ꞋInkꞌez whudutsꞌo-un yoh ookꞌu whuzꞌai-i leꞌ ꞌahtꞌoh. ꞋInkꞌez khuni unzoo-i bulh ꞌudahtsꞌo-un, ndi khuni ooka tse hóohli khun oola doohtnih junih. Ndi yun kꞌut ndulcho whe ndi khuni unzoo-i bugha ídiltsꞌut. ꞋEt huba si, Paul, Christ ba neꞌutꞌen-un susdliꞌ.