Luke 2:1 - Yak'usda Ooghuni

¹ ꞋEt ꞌoh daꞌ Caesar Augustus huyulhni-un, whunilhchoh keyoh dilhtsꞌine, khuni bunalh yutulhuhizyeꞌ. Tsꞌiyanne bubooziꞌ ꞌukꞌeooges ha.

Luke 2:1 Iomraidhean Croise

Matthew 22:17

ꞋEt huwa nedini, yun hikꞌelha huyilhꞌi-i, ꞌet tsꞌihꞌun tilah ꞌuhoontꞌoh whe lerwe Ceasar ꞌen tilah ooba ꞌukꞌelha tsꞌuyolhꞌeꞌ, kꞌus ꞌawúndooh tilah? Daja ninzun?”

Matthew 24:14

ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Mark 14:9

ꞋAlhaꞌ nohdusni ndi yun kꞌut ndulcho whe ndi khuni unzoo-i nudútikat, ndun tsꞌeke ꞌuhoonla-un, ꞌet hukwꞌu naootitnuk ꞌet whe dune yunatilnih.”

Mark 16:15

ꞌinkꞌez ꞌubulhni, “Yinka ndulcho whe náhdilh, ꞌinkꞌez khuni unzoo-i yinka duneꞌne whubunulhtun.

Luke 2:3

ꞋInka tsꞌiyanne dukeyoh tse whehandil bubooziꞌ ꞌukꞌehuyitagus ha.

Luke 2:5

Mary yughu tidalh whe yutsꞌu nahizya-un, tsꞌoodun ba ꞌuntꞌoh whe yulh whinꞌaz bubooziꞌ ꞌukꞌehuyítagus-un ha.

Luke 3:1

ꞋEt Caesar Tiberius, ꞌen yun kꞌut ndulcho whe lerwe inleꞌ. Whunizyat ꞌon ꞌat kwulat yus kꞌut (15) ꞌantꞌeꞌ. ꞋEt Pontius Pilate, Judea yun kꞌut whumoodih unli. Herod, Galilee yun kꞌut whumoodih unli. Bulhutsin Philip, ꞌen Iturea ꞌinkꞌez Trachonitis yun kꞌut whumoodih unli. ꞋInkꞌez Lysanius, Abilene yun kꞌut whumoodih unli.

Acts 11:28

ꞋEt butoh ꞌilhoghun Agabus huyúlhni-un, ꞌen la dudinya ꞌinkꞌez Ndoni gha, “ꞋAwet nilhdukw yun kꞌut ndulcho whe dai whútale,” hubúlhni la. ꞋEt Claudius lerwe ꞌukꞌenus díztiꞌ-un unli whe ꞌet la ndúhooja.

Acts 25:11

ꞋEt be ba nahisda-i kꞌunusyuz de kꞌus hoonliyaz hukwꞌelha daóosah hubaꞌ hoontꞌoh-un ꞌusja de, ꞌaw whuchꞌa neꞌóostꞌen ꞌaítꞌoh. ꞋEt ꞌaw daja ꞌúhutni-un ꞌalhaꞌ lheꞌhóotꞌoh de ꞌaw dune butlꞌa sóolhtelhne hooloh. Lerwe ꞌukꞌenus díztiꞌ-un ꞌen but neóosyaꞌ ꞌet ntsꞌu húkwaꞌ dusni.”

Acts 25:21

ꞋEt Paul butsꞌu húkwaꞌ daniꞌ ꞌadodoolhꞌaꞌ ꞌinkꞌez lerwe ꞌukꞌenus díztiꞌ-un, ꞌen duba nahooyeh ni, ꞌinka lerwe ꞌukꞌenus díztiꞌ-un, ꞌen tsꞌun tísꞌalh ꞌet whutsꞌun ꞌadooꞌaꞌ dusni,” ni Festus.

Romans 1:8

ꞋUdechoo nohdutásnelh, yun kꞌut nduhoolcho whe dunene nohbulh ꞌuhuditsꞌo Jesus Christ tsꞌun be ꞌalha ꞌuhoontꞌoh-i ghun. ꞋEt huwa nohni nohghun Jesus Christ gha sYakꞌusda nohba musi dusni.

Philippians 4:22

ꞋInkꞌez Yakꞌusda oochꞌeꞌne njan dilhtsꞌine, ꞌenne tsꞌiyawh hadih nohuwhutni. Mbene Ceasar ooyoh dilhtsꞌine, ꞌenne soo hadih hutni.