Luke 19:9 - Yak'usda Ooghuni

⁹ ꞋEt Jesus ꞌuyulhni, “ꞋAndit dzin dune ye dujis-i whe njan yoh dilhtsꞌine bugha íyultsꞌut. Ndun ꞌen cha Abraham tsꞌu hainzut whe ꞌuntꞌoh ꞌet huwa.

Luke 19:9 Iomraidhean Croise

Luke 13:16

Ndun tsꞌeke ꞌilhoghun Abraham ootsꞌu haínzut-un ꞌinkꞌez Satan whunizyat ꞌon ꞌat lhkꞌu dit yus kꞌut whe yulhghel. Soo cho howu nuni nahzut! ꞌalhaꞌ lawk natsꞌulyis dzin ꞌet ꞌaw kꞌunaootꞌuk ꞌaitꞌoh wheꞌ dahni?”

Luke 13:30

ꞋEt ꞌalha, whulohne ꞌudechoo unline ꞌudekꞌoh hutileh. ꞋInkꞌez whulohne ꞌudekꞌoh unline, ꞌenne la ꞌudechoo unline hutileh.”

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Luke 16:30

ꞋInkꞌez ꞌuyulhni, ‘ꞋAwundooh ꞌubá Abraham. ꞋEt ꞌilhoghun yaidlane toh tsꞌe ha nája de ꞌinkꞌez butsꞌu tizya de, ꞌet huwa la dudeni nahondunooleh.’

Luke 2:30

ꞋAlhaꞌ sna be be nétalhyis-un hoosꞌen.

Luke 3:8

ꞋEt huwa nohlubeshi chꞌa noheni náhandunoohleh de, ndahtꞌen-un tsꞌiyanne tꞌehonózin ndahtꞌoh la. ꞋInkꞌez khun njan ndunadudoohtniꞌ junih wheni Abraham ootsꞌu haindene ꞌutsꞌintꞌoh. ꞋAlhaꞌ tsꞌihꞌun unꞌa nohdusni, Yakꞌusda soo ꞌultus whe ꞌuntꞌoh, ndi tse ꞌi hoontsꞌi ꞌi Abraham ootsꞌu haindene yutilhtselh.

Romans 4:16

ꞋEt huwa Yakꞌusda ye únzoo-i gha highuni dune yílhchoot de, ꞌen Yakꞌusda nalh tsꞌihꞌun dune unli. ꞋEt whe Yakꞌusda dune tsꞌú hoozi-un tsꞌiyanne Abraham yukédindene, ꞌenne buchꞌeꞌ whutaleh. Mbene la Lizwifne Yakꞌusda ooghuni ooba ꞌalhaꞌ ꞌuntꞌohne, ꞌaw ꞌenne za íloh, tsꞌiyanne Abraham kꞌunꞌa Yakꞌusda ooghuni hiyílhchoot de, ꞌalhaꞌ tsꞌiyanne netso whudilhdzulh-un unli.

Galatians 3:14

ꞋEt huwa Abraham dawhuldzooꞌ-un ooghá whultsꞌut, ꞌudun yun kꞌut whutꞌenne, ꞌenne cha Christ Jesus gha bugha whútaltsꞌulh. ꞋEt neba ꞌalha ꞌuhoontꞌoh-i, ꞌi be Ndoni netsꞌu yoozi neyudooltsꞌit ha.

Galatians 3:29

ꞋEt Jesus Christ ooduneꞌ ꞌahli de, ꞌet Abraham tsꞌu haindene cha ꞌahli. ꞋInkꞌez ndi Yakꞌusda Abraham ye yutsꞌu náhizya-i, ꞌi gha tsꞌiyawh nohtsꞌu whutikulh.

Galatians 3:7

ꞌet whuz unꞌa nohni cha tsꞌihꞌun unꞌa tꞌewhunoohzeh ꞌet nohtsꞌu hukwaꞌ nuszun. Mbe oobe ꞌalha ꞌuhoontꞌoh ꞌutꞌine, ꞌenne za Abraham buzkeh hinli.

1 Peter 2:10

ꞋUdaꞌ Yakꞌusda ooduneꞌ lháhloh inleꞌ. ꞋEt ꞌandit Yakꞌusda ooduneꞌ suhliꞌ. ꞋUdaꞌ ꞌaw bé nohgha teꞌwhunizeh-i lhulhchulh inleꞌ. ꞋAndit ꞌawet bé nohgha teꞌwhunizeh-i nohghantꞌai.