Luke 19:6 - Yak'usda Ooghuni

⁶ ꞋInka ꞌa cho nanája. ꞋInkꞌez hoontꞌiꞌ whe duyoh tsꞌe yughu nuséya.

Luke 19:6 Iomraidhean Croise

Luke 19:5

ꞋEt Jesus ꞌet neninya, ndo yútanꞌen whe yutilhꞌen, ꞌinkꞌez ꞌuyulhni, “Zacchaeus ꞌa cho nanáindaih! ꞋAndit dzin nyoh tisdalh hubaꞌ hoontꞌoh.”

Luke 19:7

ꞋEt tsꞌiyanne hinalhꞌen whe whutsꞌo disnih, ꞌinkꞌez howu yahalhduk, “Lubeshi ꞌulhꞌen-un, ꞌen zih tidalh.”

Luke 2:16

ꞋEt ꞌa cho hutizdil. ꞋEt Mary ꞌinkꞌez Joseph ꞌinkꞌez tsꞌoodun musdoos yez ꞌaꞌalh-i bet ꞌusti whe bugho hunindil.

Luke 5:29

ꞋEt Levi duyoh tsꞌe Jesus ba hooncha whe dune gha náꞌuntai. ꞋEt sooniya ꞌilhunaoosꞌaihne huldlai. ꞋInkꞌez ꞌuyoonne cha lhane bubulh ꞌet dilhtsꞌi.

Acts 16:15

ꞋEt didut ꞌinkꞌez hiyoh dilhtsꞌíne ookꞌekoone tsꞌiyawh too beꞌ hulya. ꞋEt hukwꞌelhꞌaz neghu nusuya, “NeMoodihti soo cho ootꞌa nunistan-un nohba ꞌalha ꞌuhoontꞌoh de, ꞌanih syoh tsꞌe szih dulhtsꞌi,” neyúlhni ꞌinkꞌez ꞌilhiz netsꞌulhéꞌditsꞌil ꞌinka bulh úztizdil.

Acts 16:34

ꞋEt Paul Silas bulh duyoh tsꞌe náboolhti ꞌinkꞌez bughu naꞌuntꞌai, ꞌinkꞌez tube cho whunílhni didut ꞌinkꞌez duyoh dilhtsꞌine te tsꞌiyawh Yakꞌusda buba ꞌalhaꞌ ꞌuntꞌoh suliꞌ ꞌet huwa.

Acts 2:41

Lhane huhóontꞌiꞌ whe highuni huyílhchoot ꞌinkꞌez too beꞌ hulya. 3,000ne atꞌenne, ꞌenne butsꞌúnne hudindil.