Luke 19:47 - Yak'usda Ooghuni

⁴⁷ ꞋInkꞌez ꞌet lugliz whucho dzin totsuk dune hodulhꞌeh. ꞋEt hoontsꞌi soo ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, ꞌinkꞌez dune tso whudilhdzulhne cha, tsꞌiyawh hituzilhghelh-un hukwa hitísꞌen.

Luke 19:47 Iomraidhean Croise

Matthew 21:23

ꞋEt ꞌawet lugliz whucho daninya whe ꞌet dilhtsꞌine whe whúbondunilhꞌeꞌ. ꞋEt ꞌudedo lubretne ꞌinkꞌez dune ꞌutso whudilhdzulhne cha, highu nindil ꞌinkꞌez ꞌuhuyúlhni, “Nedini ndai gha dune ando ꞌintꞌoh whe njan ndintꞌen-un. ꞋInkꞌez mbe ntlꞌa honꞌai whe dune bukꞌunuhilhyeꞌ?”

Matthew 26:55

ꞋEt ꞌawet ꞌoh whuya ꞌuhunitꞌoh whe Jesus ꞌilhunaoosdilne ndúbulhni, “ꞋEt di ha saluzti ꞌinkꞌez tutꞌoh cha nuhle ꞌinkꞌez ꞌundunustꞌih kꞌunꞌa ska tíhdil? Dzin totsuk lugliz whucho nohtoh susda ꞌinkꞌez whunohodusꞌeh. ꞋInkꞌez ꞌaw sulhúlhchulh.

Mark 11:18

ꞋEt lubret moodihne ꞌinkꞌez Moses be ꞌudustlꞌus ꞌukꞌu nunáguzne hodántsꞌo whe hizoolhghelh-un hukó nuta tube huyé nilhjoot tsꞌiyanne ꞌilhozdílne hubodulhꞌeh buba hooncha ꞌet huwa.

Mark 12:12

ꞋEt Jesus huyólhchoot hukwaꞌ hutꞌen tꞌehonínzun didut buchꞌaz yálhduk whe dune hodalhꞌeꞌ, ꞌet hoontsꞌi dune ꞌilhozdílne ehunuljut ꞌinka Jesus dalhúhuyilel whe whenáhidil.

Mark 14:1

Nat dzin whuzꞌai Lizwifne butus lhuseya-un whewhúnahulni ꞌinkꞌez lhes lhuntíldoh-i ꞌutꞌalh-un, whe whúnahulnih cha, ꞌet lubret moodihne ꞌinkꞌez Moses be ꞌudustlꞌus ꞌukꞌu nunáguzne, Jesus yoo yoh whútsul hikunúta hituzilhghelh ha.

Mark 14:49

Dzin totsuk nohbulh ꞌústꞌoh ꞌinkꞌez lugliz whucho whunohodusꞌeh, ꞌet di ha ꞌoh daꞌ sulhúlhchulh inleꞌ. ꞋEt hoontsꞌi Yakꞌusda ooghuni dája ni whuz unꞌa ꞌohóneh hubaꞌ hoontꞌoh.”

Luke 19:48

ꞋEt hoontsꞌi ꞌilhunaoosdilne, tsꞌiyawh hinat núdilhya ꞌinkꞌez soo cho huyoozílhtsꞌai. ꞋEt huwa ꞌaw nyoonne hizoolhghelh ꞌaitꞌoh.

Luke 20:19

Lizwif lubret bumoodihne, ꞌinkꞌez ndunne Moses be ꞌudustlꞌus ꞌukꞌu nunáguzne cha, ꞌet soo ꞌet sadzi hunitꞌo-un, ꞌenne Jesus hiyólhchoot hukwaꞌ hutꞌen. ꞋEt hoontsꞌi dune bubé hunuljut ꞌet huwun ꞌaw ꞌuhooneh ꞌaitꞌoh. Tꞌehoninzun ndi khuni bé whutsꞌodulꞌeh-i, didut buchꞌaz yalhduk whe ꞌutni ꞌet huwa.

John 10:39

ꞋEt doo cha za huyólhchoot hukwa ꞌuhuja whe Jesus butá ha nája ꞌinkꞌez buchꞌa níntaninya.

John 18:20

ꞋEt Jesus uyúlhni, “Soo tsꞌet gaih ꞌet ndi yun kꞌut whuduneꞌne bubulh yásduk. ꞋAhoolhyiz wheni lugliz ꞌinkꞌez lugliz whucho ntsꞌe la Lizwifne ꞌilhúnahodulh-un, ꞌet dune hodusꞌeh. ꞋAw ꞌilhoh whuꞌiz khuni be yalhúsdih.

John 7:19

Moses ꞌen ndi khuni ootulhúhisdeꞌ-i, ꞌi nohtlꞌa idanꞌai, ꞌet hoontsꞌi ꞌaw ookꞌú nulheꞌzuhtꞌen, ꞌinkꞌez di ha sutuzilhghelh hukwaꞌ tahꞌen?” ubúlhni.

John 7:44

Whulohne, ꞌenne huyitálhchulh hukwaꞌ huninzun, ꞌet hoontsꞌi dalhúhuyilel.