Luke 19:42 - Yak'usda Ooghuni

⁴² ꞋInkꞌez ꞌet ndutni, “Nohni Jerusalem whutꞌenne, ꞌandit dzinuncha tꞌeoonahzun nohdzin ꞌuhoontꞌoh. ꞋEt huwa daꞌ tꞌeoonóhzin ntsꞌenꞌa whe nohba whudutághel-un. ꞋEt ꞌandit nohna chꞌa whuntistꞌi.

Luke 19:42 Iomraidhean Croise

Luke 19:41

ꞋEt keyoh whuti whenghoh uyalh, Jerusalem whutilhꞌen whe howintse.

Luke 19:43

ꞋEt dzin whusaootiltsꞌulh nohchꞌaz ditnine nohnahutigus. ꞋInkꞌez lhez lhkꞌehitalhkulh nohnat ndulcho whe, ꞌinkꞌez whez tsꞌe nohuhootatun.

Luke 19:44

ꞋInkꞌez keyoh whuti-un lhkꞌunahuhootálhkulh. ꞋInkꞌez mbene whez tsꞌe dilhtsꞌine cha tsꞌiyawh bubulh ꞌuwhútanelh. ꞋAw ꞌilho tse lhkꞌudizꞌai-i nohba ꞌet nenálhodutasꞌal. Nohulhyis-un nohtsꞌó whusaiyan-un, ꞌaw tꞌelhonáhzil, ꞌet huwa.”

Acts 10:36

Israel ootsꞌu hainzutne bubulh ꞌúdahtsꞌo la dahúja whe khuni unzoo-i butlꞌa díltsꞌut ꞌinkꞌez Jesus Christ, ꞌen gha, dahúja whe ndi khuni unzoo-i be budzi dinghel, ꞌen tsꞌiyanne dune buMoodihti unli whe ꞌuntꞌoh ꞌet huwa.

Acts 13:46

ꞋEt hoontsꞌi Paul Barnabas bulh ꞌon nus hoolhtus whe yahulhduk, “Ndi Yakꞌusda ooghuni ꞌi nohni cho be nohbulh yaóoduk hubaꞌ hoontꞌoh. ꞋEt hoontsꞌi ookalheꞌnáhzun de, ꞌinkꞌez ꞌilhiz khutihnalh-un huba soo lheꞌulhdzooꞌ naꞌdunáhzun de, ꞌantsꞌi nohbaꞌ dítni, ꞌet huwa ꞌudun yun kꞌut whutꞌenne, ꞌenne butsꞌun tatꞌus!

Hebrews 3:13

ꞋEt hoontsꞌi dzin totsuk, ꞌawhuz khahna daꞌ, ꞌet tsꞌiyawh lhba nus whunoolhtꞌi whe lhla oohtꞌen. Doo ka si lubeshi gha nanihtꞌa de, nohdzi dutsꞌun ooleꞌ.

Hebrews 3:15

ꞋEt whuz unꞌa ꞌukꞌu neyuzguz whe ꞌet ndutni, “ꞋAndit dzin Yakꞌusda ooghuni dahtsꞌo de, khun nohdzi doolhtsꞌun junih! Ndunne Yakꞌusda chꞌaz yailhdukne ꞌaw ꞌenne bukꞌunꞌa oohtꞌen junih.”

Hebrews 3:7

ꞋEt huwa Ndoni ꞌalhaꞌ ꞌutni whe njan ndutni, “ꞋAndit dzin Yakꞌusda ooghuni dahtsꞌo de,