Luke 19:26 - Yak'usda Ooghuni

²⁶ ꞋInka dune diztiꞌ-un ꞌutni, ‘Mbene la hoonli ꞌutꞌi-un, ꞌon ꞌun lhai oogha títꞌalh. ꞋInkꞌez mbe la hoonli lhitꞌih-un, ꞌaw ꞌi yutꞌi, ꞌi hoontsꞌi ooghu nayitálchulh.

Luke 19:26 Iomraidhean Croise

Matthew 13:12

Mbe la eꞌutiꞌ-un, ꞌon nus lhat oogha whútiltsꞌulh. ꞋInkꞌez mbe hoonli lhitiꞌ-un, ꞌi hoontsꞌi bughu nayitálchulh.

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Mark 4:25

Mbene la sghuni soo cho huyoozílhtsꞌaine, ꞌon ꞌun cha huyootuzálhtsꞌilh ꞌinkꞌez higha hódutilꞌeh. ꞋEt bugha whútatꞌalh ꞌinkꞌez mbene la lhuhuyootuzálhtsꞌilhne, sghuni hidántsꞌo ꞌi hoontsꞌi hinaoodutilnoh.”

Luke 16:3

ꞋEt nyoh whumoodih dichꞌoh naꞌdudutni, ‘Daoosneh cha há la? Smoodih ꞌawet seꞌ ꞌutꞌen sghu nahootalhchoot. ꞋAw yun hooskah ꞌaitꞌoh. ꞋInkꞌez datisó cha hukwayá usdli.

Luke 19:25

ꞋEt hoontsꞌi ꞌuhuyulhni, ‘Moodih ꞌudaꞌ ꞌawet whunizyai ꞌutꞌi.’

Luke 8:18

ꞋInka howahli ntsꞌenꞌa la khuni dutáhtsꞌo. Hoontsool-unyaz tꞌehonínzunne, ꞌon nus lhat-un tꞌe honínzun-un, ꞌet bugha whútaltsꞌulh. ꞋInkꞌez mbene la hoonli tꞌewhunúszunne, hoontsool-unyaz hoditsꞌo, ndai la ꞌaw ꞌi huyutꞌi-i huninzun, ꞌi hoontsꞌi bughu nayitálchulh.”

Acts 1:20

Peter ꞌet cha ndutni, “Yakꞌusda ooghuni ꞌukꞌu nusgúz-i kꞌut ‘Shun’ huyúlhni, ꞌi ndutni, ‘Ooyoh ꞌaw dune lhuhóotꞌih hooleꞌ.’ ꞋInkꞌez cha ndutni, ‘Oobe ꞌutꞌen kꞌoh ꞌuyoon yukꞌenádoojaꞌ.’

2 John 1:8

Nohnichꞌoh khahdli! Ndai ꞌutꞌen beni ꞌutsꞌitꞌen-i ninta tsꞌoolelh whuchꞌa. ꞋEt de la soo cho neba ꞌukꞌelha hóleꞌ.

Revelation 2:3

Sooziꞌ gha soo cho whulh áhyin ꞌinkꞌez ꞌaw hoonliyaz talhódahni whe tube ꞌihtꞌen ꞌet hoontsꞌi ꞌaw nélhnahtsil.

Revelation 3:11

Soo zúlhtsꞌai, khuntsul ꞌutisnelh whusatísyalh. Tsꞌihꞌun ꞌahtꞌoh-un soo cho hoohtun. ꞋEt de whuchꞌaꞌ whunílhde-un hukwꞌelha ꞌahtꞌen-un ꞌaw ꞌuyoonne nohgho hólhchoot ꞌaitꞌoh.