Luke 19:21 - Yak'usda Ooghuni

²¹ ꞋAw dune dutso-un inli tꞌenyunúszun, ꞌet huwa nye nuzjut. Ndai la nchꞌeꞌ lhiloh, ꞌi hoontsꞌi nailhchuk. ꞋAlhnuzinloh-i, ꞌi ha nínle,’ yulhni.

Luke 19:21 Iomraidhean Croise

Luke 19:20

ꞋEt ꞌuyoon cha yughu ninya ꞌinkꞌez ꞌuyulhni, ‘SMoodih, nah njan nzooneya diztiꞌ-i szih nenínꞌai-i. ꞋI dzezoh be beꞌ zuschuz ꞌinkꞌez mba ꞌet ꞌusꞌai.

Luke 19:22

ꞋInkꞌez ꞌuyulhni, ‘Nyunchꞌoh nze whe dája dini-un, ꞌet whe mba nahutisyeh. Seꞌulhna-un intsiꞌ. Tꞌeooninzun dantꞌoh-un dune usdli, dalhúzusꞌai-i, uschuk. ꞋInkꞌez ndai la ꞌalhnúsdlel-i ha núsdlih ꞌinkꞌez be sooniya ꞌusꞌen.

Romans 8:15

ꞋEt Ndoni nohyudíltsꞌut whe ꞌaw Yakꞌusda be ntilhjut wheni ꞌulhna lhunohílhtsel. ꞋEt nohyudíltsꞌut whe Yakꞌusda ooduneꞌ nohulhtsi. ꞋEt huwa whélhtsꞌuniljut whe bulh yátsꞌulhduk ꞌinkꞌez, “Abba, ꞌuBá,” tsꞌutni.

Romans 8:7

Njan huwaꞌ dusni, mbene la ꞌahoolhyiz lubeshi ghu nuní nuzutne, ꞌenne Yakꞌusda chꞌaz ditnine hinli ꞌinkꞌez Yakꞌusda ookꞌoh tsꞌe kꞌúneꞌ hootꞌen-un whutlꞌa lhéꞌhududulhti, Yakꞌusda kꞌúneꞌ hutitꞌen ꞌaw ꞌúhóoneh ꞌaítꞌoh ꞌet huwa.

2 Timothy 1:7

Yakꞌusda Ndoni neyídanꞌai whe ꞌaw lhtsꞌuníljut. ꞋEt huwa be tsꞌílhtus be lhkꞌetsꞌusiꞌ-i, ꞌinkꞌez ne-eni be whunih tsinli.

James 2:10

ꞋEt ndi Yakꞌusda ooghuni netlꞌa ídanꞌai-i, ꞌi hoontsool-unyaz kꞌuz ninyuz de, tsꞌiyawh kꞌuz ninyuz ꞌet za ꞌuhoontꞌoh.

1 John 4:18

Bé lhkꞌetsꞌusiꞌ-i ꞌaw nujut ooghu hooloh. ꞋEt hoontsꞌi bé lhkꞌetsꞌusiꞌ soo tsꞌihꞌun unꞌa lhadúlya suliꞌ-i, ꞌi nujut ꞌun whenaínuyukw. Nujut dzoh nunéulhdzut whe ꞌuntꞌoh. Mbe la nuljut-un, ꞌen bé lhkꞌetsꞌusiꞌ-i ooyo soo tsꞌihꞌun unꞌa lhálhditꞌoh whe ꞌuntꞌoh.

Jude 1:15

Nyoonne Yakꞌusda yit ꞌuntꞌohne, ꞌenne tsꞌiyawh buba nahutiyeh. ꞋEnne Yakꞌusda yit ꞌuntꞌohne, dahoontꞌoh hukwꞌunꞌa Yakꞌusda chꞌaz neꞌustꞌenne whuz unꞌa bukꞌehóotaꞌalh. ꞋEt ndunne Yakꞌusda yit ꞌuntꞌohne, ꞌenne lubeshi ꞌulhꞌenne ꞌuhintꞌoh. Ntsꞌenꞌa khuni dutsꞌun-i be hidulhyoh yahalhduk, ꞌet whuz unꞌa buba nahutiyeh!”