Luke 19:20 - Yak'usda Ooghuni

²⁰ ꞋEt ꞌuyoon cha yughu ninya ꞌinkꞌez ꞌuyulhni, ‘SMoodih, nah njan nzooneya diztiꞌ-i szih nenínꞌai-i. ꞋI dzezoh be beꞌ zuschuz ꞌinkꞌez mba ꞌet ꞌusꞌai.

Luke 19:20 Iomraidhean Croise

Matthew 25:24

ꞋEt ꞌilhoghun ꞌilho sooniya diztiꞌ yutlꞌainꞌai-un whusainya ꞌinkꞌez uyúlhni, ‘Smoodih tꞌeoonuszun nyun ꞌaw tꞌelheꞌnínzun-un ꞌintꞌoh. Ntsꞌe la ꞌalheꞌ nuzinloh-un ꞌet hoontsꞌi ꞌet naꞌilhdzooh. Ndet la ha níyeh ꞌulheꞌnínlel-un ꞌet hoontsꞌi haꞌ ninlih.

Luke 19:13

Tiyalh whutso whunizyane dude ꞌulhnane ꞌanih ubudaniꞌ. ꞋInkꞌez ꞌilhoghun hinli whe sooniya diztiꞌ-i, ꞌilho butlꞌa inꞌai, ꞌinkꞌez ꞌubulhni, ‘Whusanátisdalh whutsꞌun be óohtꞌen ꞌinkꞌez be ꞌéꞌ oohleh,’ ꞌubulhni.

Luke 19:19

ꞋEt ndun ꞌuyulhni, ‘Nyun cha kwulat-un keyoh whuti whumoodih tanleh, ꞌet ntlꞌa hóosꞌai.’

Luke 19:21

ꞋAw dune dutso-un inli tꞌenyunúszun, ꞌet huwa nye nuzjut. Ndai la nchꞌeꞌ lhiloh, ꞌi hoontsꞌi nailhchuk. ꞋAlhnuzinloh-i, ꞌi ha nínle,’ yulhni.

Luke 3:9

Njan whunulhꞌen, nohni duchun léꞌahtꞌoh. ꞋAwet tsetselh lhadíntꞌoh-un oomaiꞌ hooloh-i, ooghih tubulh tsuhidantsel ꞌinkꞌez hidutálhkꞌun.”

Luke 6:46

“ꞋInkꞌez di ha ‘SMoodihti, sMoodihti,’ sudahni, ꞌinkꞌez daja nohdusni la, ꞌaw húkwꞌu nulheꞌzahtꞌen?

John 11:44

ꞋEt nyoon dune dazsaí-un tsa kꞌez tsꞌe ha nája. Oola ꞌinkꞌez ooke te ꞌawhuz naih huyulh ꞌábulhtih-i, ꞌi be oogha ósduz, ꞌinkꞌez dzezoh cha oonin ꞌawhuz oogha yóonasduz. “Ookꞌu naꞌuhꞌuk ꞌinkꞌez oola duhtnih!” ubúlhni Jesus.

John 20:7

ꞋEt nyoo dzezoh ootsighaꞌ gha yóonasduz inléꞌ-i, ꞌaw naih diztiꞌ-i ootoh whe yooloh. ꞋEt hoontsꞌi soo cho lhénintan ꞌinkꞌez ꞌudun sulhchooz.

James 4:17

ꞋEt huwa mbe tꞌehoninzun tsꞌihꞌun unꞌa neꞌhootꞌen hubaꞌ hoontꞌoh, ꞌinkꞌez ndulhúhustꞌen de, ꞌet de ooba lubeshi ꞌuhoontꞌoh.