Luke 19:17 - Yak'usda Ooghuni

¹⁷ ꞋInkꞌez ꞌuyulhni, ‘Seꞌulhna-un, tube soo ꞌínja! Ntsool-iyaz ntlꞌasꞌai-i, tsꞌihꞌun unꞌa be neꞌzintꞌen. ꞋEt huwa whunizyat-un keyoh whuti whumoodih tanleh ꞌet ntlꞌa hóosꞌai.’

Luke 19:17 Iomraidhean Croise

Genesis 39:4

ꞋInkꞌez Joseph tube ooba yinzoo ꞌinkꞌez yuba ꞌutꞌen. ꞋEt ooyoh dulcho whumoodih unli yulhtsi, ꞌinkꞌez ndai la yutꞌi-i cha tsꞌiyawh yula kꞌeyanla.

Matthew 25:21

ꞋEt oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Luke 16:10

Hoonli lhuhóloh-un, tsꞌihꞌun neꞌwhulhꞌen de, ndai hooncha-un ꞌet cha tsꞌihꞌun neꞌwhutilhꞌen. ꞋEt mbe la hoontsool-unyaz be tankꞌus ꞌuntꞌoh-un, hooncha-un cha whuz unꞌa za ꞌet ndutitꞌelh.

Luke 19:16

ꞋEt ꞌudechoo-un yughu ninya ꞌinkꞌez ꞌuyulhni, ‘SMoodih ndi sooniya diztiꞌ-i szih nenínꞌai-i, ꞌi be whunizyai ꞌuniltsuk-i be mba ꞌusdla.’

Luke 19:18

ꞋEt bulh nane whusainya ꞌinkꞌez ꞌuyulhni, ‘SMoodih nzooneya diztiꞌ-i szih nenínꞌai-i, ꞌi be kwulat ꞌuniltsuk-i be mba ꞌusdla,’ yúlhni.

Luke 22:30

ꞋEt whe lerwe usdli-un, ꞌet slutab kꞌut sulh ꞌutihꞌulh ꞌinkꞌez sulh utihtnelh. Kwꞌutsꞌuzda cho diztiꞌ-i, ꞌet hukwꞌu dutálhtsꞌilh ꞌinkꞌez whunizyat ꞌon ꞌat nat-un Israel ootsꞌu hainzutne bulh didowhne buba nahutihyeh.”

Romans 2:29

ꞋEt hoontsꞌi mbene la ndet Moses be ꞌudustlꞌus butsꞌu húkwaꞌ ninzun ꞌoh túneꞌ hustꞌen de, ꞌenne za soo Yakꞌusda ooduneꞌne hinli. ꞋEnne soo Lizwif ꞌuhintꞌoh. Ndoni gha ꞌantsꞌi oodzi kꞌut huyúztꞌus kꞌunꞌa be hóodatꞌen, ꞌaw Moses be ꞌudustlꞌus kꞌunꞌa íloh. ꞋEnne Yakꞌusda budutálhtiꞌ, ꞌaw dune iloh.

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

2 Timothy 2:10

ꞋEt huwa ꞌutahalyane, ꞌenne buba whulh susyin. ꞋEt de la ꞌutꞌahályane, ꞌenne cha Christ Jesus ꞌen ye néulhyis-i, ꞌi huyólhchoot ꞌinkꞌez ꞌilhiz huhótꞌeꞌ.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.