Luke 19:10 - Yak'usda Ooghuni

¹⁰ Ninta ninkatne, Yinka Dune Yeꞌ, ꞌen bukúniztai ꞌinkꞌez ꞌubutilhyih ha, ꞌet huba whusainya.”

Luke 19:10 Iomraidhean Croise

Matthew 1:21

Ooyaz, duneyaz tileh. Booziꞌ ooghá donꞌalh. Jesus dóniꞌ. ꞋEn ꞌutinelh tsꞌiyanne lubeshi chꞌa ꞌubutilhyih.”

Matthew 10:6

ꞋEt kꞌus Israel ootsꞌu haindene, ꞌusbai ninta nilhꞌaz-i léꞌhintꞌoh, ꞌenne za butsꞌun toohdilh.

Matthew 15:24

ꞋEt ꞌubulhni, “Israel ooyoh whutꞌine, ꞌusbai ninta nihꞌaz-i leꞌ ꞌuntꞌohne, ꞌenne za butsꞌún tizꞌaꞌ.”

Matthew 18:10

“ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.

Matthew 18:11

ꞋEt huwa ninta ninkatne, Yinka Dune Yeꞌ ꞌubutilhyih ha, ꞌet huba whusainya.

Luke 15:32

ꞋEt tsꞌihꞌun unꞌa ꞌuhoontꞌoh tsꞌonólhni ꞌinkꞌez tsꞌohótꞌeꞌ hubaꞌ hoontꞌoh. Nyulhutsin dazsai inleꞌ, ꞌen nakhitnaꞌ. Nintaltsꞌut inleꞌ, ꞌawet nasti.’”

Luke 15:8

“Kꞌus ꞌilhoghun tsꞌeke whunizyai silver ꞌutꞌi ꞌinkꞌez ꞌilho ninta ninꞌai. ꞋAw eh too dizkꞌun nadulhkꞌan ꞌinkꞌez yoh tenáwhulhtsas, ꞌinkꞌez nayitáꞌalh whutsꞌun yukunúta?

John 3:17

ꞋAw dune ba nahutiyeh wheni íloh Yakꞌusda duYeꞌ ndi yun kꞌuz yutilhꞌaꞌ. ꞋEn gha ndi yun kꞌut whutꞌenne tsꞌiyawh hudoojih, ꞌet wheni ndi yun kꞌuz yutilhꞌaꞌ.

Romans 5:6

Whutsodaꞌ ꞌaw be tsꞌílhtus-i lhtsꞌítꞌih inleꞌ, Yakꞌusda tsꞌihꞌun unꞌa ooba yinka uzdutáltsꞌilh huba. ꞋEt hoontsꞌi ndet dzin Yakꞌusda ꞌudun néwhuninꞌai-un, ꞌet dzin Christ tsꞌiyanne lubeshi ꞌulhꞌenne buba dazsai.

Hebrews 7:25

ꞋEn ꞌilhiz wheni khuna ꞌinkꞌez neba tenadudli, ꞌet huwa nawh lheꞌhóotꞌoh tsꞌiyanne, ꞌen be Yakꞌusda hiyenghoh hutitꞌelh, tsꞌiyawh ꞌenne buba ye ulhtus-i ꞌutꞌi whe ꞌilhiz wheni ubutilhyis ha.