Luke 18:8 - Yak'usda Ooghuni

⁸ ꞋInkꞌez ꞌunohdusni, ꞌahoh buba kꞌutítnelh! ꞋEt hoontsꞌi Yinka Dune Yeꞌ ndi yun kꞌut whusanája de, soo eh dune ooba ꞌalha ꞌuhoontꞌohne naitálelh?”

Luke 18:8 Iomraidhean Croise

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

2 Peter 2:3

ꞋUyoonne chꞌeꞌ haꞌ huninzun ꞌet whe bughuni whutsꞌit-i be nohgha háꞌ hunduntatꞌo. ꞋEt hoontsꞌi Yakꞌusda ꞌen buba nahutiyeh-un, ꞌudaꞌ buba lhadintꞌoh. ꞋInkꞌez ꞌen ꞌuntꞌoh ye huske-i bugha whútaꞌalh, ꞌen ꞌaw lhitoh whe ꞌuntꞌoh.