Luke 18:7 - Yak'usda Ooghuni

⁷ ꞋAw lakw Yakꞌusda ooduneꞌne, mbene la dzin ꞌinkꞌez ꞌulhdzis ibulh hitsꞌu tedudlihne, ꞌenne ꞌaw talhúbudini. ꞋEt soo eh buba kꞌutítnelh? Whuz unꞌa bubaꞌ whutilelh?

Luke 18:7 Iomraidhean Croise

Matthew 24:22

ꞋOh de hoondukw nalhuhóodlel de, ꞌaw dune doojihne hooloh. ꞋEt hoontsꞌi ꞌutꞌahályane, ꞌenne bugha hoondukw whutilꞌeh.

Matthew 24:24

ꞋAlhaꞌ whutsꞌit be christne ꞌinkꞌez whutsꞌit be nus hooꞌenne, lhane nohtoh whutaleh. ꞋInkꞌez nohtoh tube hooncha te neꞌhutitꞌen. ꞋInkꞌez huwa ꞌitꞌen-un cha nohtoh neꞌhutitꞌen. Njan ndó titꞌelh-un, khun tilah ꞌutꞌahályane nabonooꞌah huninzun, ꞌet hukwaꞌ hutitꞌelh.

Matthew 7:11

Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh.

Luke 11:13

Nohni lubeshi ꞌulhꞌenne ꞌahli, ꞌet hoontsꞌi tꞌeoonáhzun unzoo-i nohuzkeh gha tíhlelh. ꞋEt dáwhulcho-i be ꞌon nus ndo yakꞌuz nohBá yoodulhkutne, Ndoni bugha tíꞌalh.”

Luke 2:37

Ndun tsandilh, ꞌen lhkꞌu dit whunizyat ꞌon ꞌat dit be yus kꞌut atꞌen (84). ꞋAw lugliz whucho whuchꞌa lhiyal. Dzenis ꞌinkꞌez ꞌulhdzis ibulh soo hooni ꞌinkꞌez tenadudli whe Yakꞌusda ba neꞌutꞌen-un unli.

Luke 21:28

ꞋEt njan nduwhewhúnitꞌen de, ndo yutohꞌen ꞌinkꞌez whunólhni. Nohnahootalhkulh-un ꞌawet nilhdukw suliꞌ.”

Romans 8:33

Mbene la Yakꞌusda ꞌutahábanlane, mbe ꞌudutinelh lubeshi ꞌuhulhꞌen budutánelh? Gak! Yakꞌusda ꞌen ꞌuja tankꞌus ꞌúhutꞌen-un buba gak whulhtsi.

Colossians 3:12

Yakꞌusda ꞌutahanóhanla ꞌet whe oochꞌeꞌ ꞌahli, ꞌinkꞌez nohkꞌensiꞌ. ꞋEt huwa ndiz unꞌa oohtꞌeꞌ. ꞋUyoonne gha teꞌnoohzin, ꞌuyoonne tsꞌun oohzooꞌ, yo ꞌududólhdzin, ꞌinkꞌez ꞌuyoonne nanilhtsulyaz neꞌboolhꞌen. ꞋInkꞌez tsꞌiyantsuk saꞌ whe dzoh nutihzut-un whulh oohyin.

1 Thessalonians 3:10

Be ꞌalha ꞌuhoontꞌoh-i ahtꞌi-un, ndet la tsꞌihꞌun tꞌeoonuzahzun ꞌet tsꞌiyawh nohba lhatsꞌodutileh. ꞋEt huwa ꞌulhdzis ꞌinkꞌez dzenis ꞌi bulh tube Yakꞌusda ootsꞌo hukwaꞌ tsꞌutni. Nohtsꞌutiꞌelh hukwaꞌ tsꞌuninzun.

2 Thessalonians 1:6

Mbene la dzoh nunóhulhdehne, ꞌenne Yakꞌusda bukꞌelha whutilhtselh. Yakꞌusda tsꞌihꞌun unꞌa neꞌutꞌen-un ꞌuntꞌoh ꞌet huwa.

1 Timothy 5:5

Ndun soo tsꞌihꞌun tsandilh unli-un ꞌinkꞌez oonat ꞌe hooloh de, Yakꞌusda tꞌanintan yulaꞌ titꞌelh huba. ꞋEt dzin ꞌinkꞌez ꞌulhdzis ibulh Yakꞌusda tsꞌun teniꞌ nilhdzun whe tenadudli.

2 Timothy 1:3

ꞋEt Yakꞌusda tsꞌun musi dusni. Stsodaꞌne kꞌunꞌa, syo tsꞌe sgha tꞌetsꞌoninzun-i, lubeshi ooghu hooloh whe Yakꞌusda oobaꞌ neꞌustꞌen. Dzin ꞌinkꞌez ꞌulhdzis ibulh, tenadusdli totsuk nghu ni zástan.

2 Timothy 2:10

ꞋEt huwa ꞌutahalyane, ꞌenne buba whulh susyin. ꞋEt de la ꞌutꞌahályane, ꞌenne cha Christ Jesus ꞌen ye néulhyis-i, ꞌi huyólhchoot ꞌinkꞌez ꞌilhiz huhótꞌeꞌ.

Titus 1:1

Si Paul Yakꞌusda be ꞌulhna-un ꞌinkꞌez Jesus Christ ba whelꞌaꞌ-un usdli. Nyoonne Yakꞌusda buba ꞌalhaꞌ yintꞌohne, ꞌet wheni ꞌutahabanla. ꞋInkꞌez khuni ꞌalhaꞌ ꞌuntꞌoh-i tꞌehonozin ha Yakꞌusda ba ndi yun kꞌut uzdoltsꞌiꞌ ha.

1 Peter 1:1

Si Peter Jesus Christ ꞌen gha whelꞌaꞌ-un usdli. Nohni Lizwifne dukeyoh whutꞌenne ꞌahli inleꞌ. ꞋAwet lhelhdun keyoh whutꞌenne suhliꞌ. Pontus, Galatia, Cappadocia, Asia, ꞌinkꞌez Bithynia cha. ꞋEt ꞌóh ho ndulcho whe ꞌatsulyaz huba nenáhtna. Yakꞌusda ba ꞌutahalyane ꞌahtꞌoh. Nohni nohtsꞌo kꞌeꞌisguz.

2 Peter 3:9

NeMoodihti ntsꞌenꞌa netsꞌu náhizya-un, ꞌaw saꞌ nulhéꞌustꞌen. ꞋEt whulohne saꞌ sla ꞌutꞌen huninzun. ꞋEt hoontsꞌi tube saꞌ neba sulhꞌi. ꞋAw ꞌilhoghun ninta ooltsꞌit hukwa lheꞌnizun. ꞋEt tsꞌiyanne dudzi nahondunooleh ꞌet za butsꞌu hukwaꞌ ninzun.

Revelation 18:20

“Nohni yakꞌuz whutꞌenne ꞌinkꞌez nohni Yakꞌusda oochꞌeꞌne, whelꞌaꞌne cha, ꞌinkꞌez nus hooꞌenne cha ndun tsꞌeke ꞌulꞌen-un bulh dahooja, ꞌet huwa soo cho whunúlhni! Ntsꞌenꞌa nohba nahizya whuz unꞌa Yakꞌusda nohba yukꞌelha whulhtsi ꞌet huwa.”

Revelation 6:10

ꞋEt tube cho njan duhútni, “Nekꞌuneꞌ ꞌulꞌen-un nyun lubeshi nghu hooloh-un, ꞌinkꞌez tsꞌihꞌun ꞌintꞌoh-un cha inli. Ndi yun kꞌut mbene neanghanne dawhuldzoh neuzkaiꞌ gha buba nahutanyeh ꞌinkꞌez neba kꞌutántnelh?”

Revelation 7:15

ꞋEt huwa Yakꞌusda ookwꞌutsꞌuzda cho diztiꞌ-i hinat núdilhya. ꞋInkꞌez dzin ꞌinkꞌez ꞌulhdzis ibulh hilugliz whucho hiba neꞌutꞌen. ꞋInkꞌez ndun ndi kwꞌutsꞌuzda cho diztiꞌ-i yukꞌut usda-un, ꞌen butoh ꞌuntꞌoh ꞌinkꞌez bughu tileh.