Luke 18:32 - Yak'usda Ooghuni

³² Lizwifne ꞌudun yun kꞌut whutꞌenne butlꞌa hítilhtelh. Highu notilyeh, highu tidloh, ꞌinkꞌez higha dútazoh.

Luke 18:32 Iomraidhean Croise

Matthew 16:21

ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 20:19

ꞋInkꞌez ꞌudun yun kꞌut whutꞌenne butlꞌa hitilhtelh. Butlꞌa húyalhti de, highu tidloh, huyootalhtsus, ꞌinkꞌez tulalhgus kꞌehuyitalhtelh. ꞋInkꞌez hukwꞌelhꞌaz whulh tat dzin dunadutádalh.”

Matthew 22:6

Whulohne lerwe be ꞌulhnane ubihílhchoot ꞌinkꞌez dzoh neꞌbuhalhꞌen ꞌinkꞌez ubuhanghan.

Matthew 26:67

Higha duninzoh. Huyoolhchis ꞌinkꞌez whulohne huyoonukat.

Matthew 27:2

ꞋEt Jesus hiyulhghel ꞌinkꞌez yun kꞌut whumoodih, Pontius Pilate huyulhni, hitsꞌu ha yoolhti.

Mark 14:65

ꞋEt whulohne highá whenduninzo, hinakꞌenáꞌuzguz ꞌinkꞌez hiyoochis, “Nus dawhutanelh, nedini?” huyúlhni. ꞋEt salda ghunline ꞌinkꞌez huyoonankat.

Mark 15:1

ꞋOm bun bundadaꞌ ꞌahoh Lizwif lubret moodihne, dune tso whudilhdzulhne, Moses be ꞌudustlꞌus ꞌukꞌu nunáguzne cha, ꞌinkꞌez dune ba nahiyilhne cha, tsꞌiyawh yahalhduk. ꞋEt Jesus hiyulhghel ꞌinkꞌez Pilate tlꞌa húyalhti.

Luke 18:33

Huyootalhtsus ꞌinkꞌez hituzilhghelh. ꞋInkꞌez whulh tat dzin dunadutádalh.”

Luke 23:1

ꞋEt dune ꞌilhozdilne tsꞌiyawh dunáhudidil ꞌinkꞌez Pilate but néhinilhti.

Luke 23:11

ꞋEt Herod ꞌinkꞌez yuba lhuganne, ꞌenne bubulh tsꞌiyawh hoonliyaz buba lhíloh hinínzun ꞌinkꞌez highudloh. Lerwe nayitsꞌuz-i be húyalhti ꞌinkꞌez Pilate tsꞌun whe náhuyalhꞌaꞌ.

Luke 23:35

Dunene ꞌet nódilhya ꞌinkꞌez honilhꞌen. Bumoodihne cha buzih nodilhya ꞌinkꞌez highudloh whe nduhutni, “ꞋUyoonne, bulhyis inleꞌ. ꞋEt huwa ndun Christ, Yakꞌusda ꞌutahayálhti-un ꞌuntꞌoh de, dichꞌoh ꞌududoolyih da!”

John 18:22

ꞋEt Jesus njan ꞌet ndutni whe, ꞌilhoghun neilhchuk-un yuzih usyin-un, yunin tsꞌe yunízkuk ꞌinkꞌez uyúlhni, “Mbe naꞌdunínzun whe ꞌudini? Nyoon lubret ꞌukꞌenus díztiꞌ-un, ꞌen whuz unꞌa eh bulh yaílhduk!”

John 18:28

ꞋEt Jesus Caiaphas ooyoh tenáhinilhti, yun kꞌut humoodih, Pilate huyulhni ꞌen ooyoh tsꞌe whe húyalhti. Bundada tube ꞌudaꞌ ꞌuhoontꞌoh ꞌinkꞌez Lizwifne ꞌaw hiyoh dálhidulh. ꞋEt yoh dahúnindil de, ꞌenne buba me hoonli. ꞋEt ndahúja de, ꞌaw njan Butus Lhuseya naꞌhutꞌulh-un, ꞌaw ꞌuhooꞌalh ꞌaítꞌoh ꞌet huwa.

John 18:30

ꞋEt ꞌuhuyúlhni, “ꞋAw ndun dune ninta lheꞌítꞌel de, ꞌaw ntsꞌuz toolhteꞌ ꞌaítꞌoh.”

John 18:32

Njan ꞌet nduhútni whe Jesus ntsꞌenꞌa la datítsah howu yailhduk ínleꞌ, ꞌoh te néꞌhootꞌen haꞌ hutni.

John 18:35

ꞋEt Pilate yúlhni, “Si eh Lizwif-un usdli ninzun? Nyunchꞌoh nyulh dunene ꞌinkꞌez lubret bumoodihne, ꞌenne stlꞌá nyuhalhti! Ndet whe nintaꞌnintꞌen?”

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

Acts 3:13

Netsodaꞌne Abraham, Isaac, ꞌinkꞌez Jacob lhanꞌun te lhuzkehke hinli whe ꞌuhoontꞌoh. ꞋInkꞌez buYakꞌusda Jesus Christ yukꞌúneꞌ ꞌustꞌen-un, ꞌen ncha yulhtsi ꞌinkꞌez yudálhtiꞌ. Lizwif huwunlíne tlꞌálhti Pilate yula nadutitnih ꞌet hoontsꞌi nohni oochꞌaz nedihdil inleꞌ.