Luke 18:23 - Yak'usda Ooghuni

²³ ꞋEt whudántsꞌo whe tube oodzi yo ꞌúja. Ndun dune tube hoonzooꞌ whe ꞌuntꞌoh ꞌet huwa.

Luke 18:23 Iomraidhean Croise

Matthew 19:22

ꞋEt ndun chilh ndi khuni yudántsꞌo whe tube oodzi unduda whe yuchꞌanasja. Tube hoonzooꞌ ꞌuntꞌoh-un ꞌuntꞌoh ꞌet huwa.

Mark 10:22

ꞋEt dune ndi khuni yudántsꞌo whe ni suliꞌ, ꞌinkꞌez tsꞌodi unli whe natisja tube hoonzooꞌ ꞌuntꞌoh ꞌet huwa.

Luke 12:15

ꞋInkꞌez Jesus ꞌubulhni, “Huwahli! ꞋUyoon dune chꞌeꞌ haꞌ noohzin junih! Dune daltsuk hoonli yutꞌi ndi yun kꞌut, ꞌohwhi ꞌantsꞌi ꞌúntꞌoh whe ꞌuntꞌoh.”

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 18:24

ꞋEt Jesus yunilhꞌen whe ndun tube oodzi unduda suliꞌ, ꞌet ꞌutni, “Hoonzooꞌ ꞌuntꞌohne dawhulcho whe buba howa whulnaꞌ whe Yakꞌusda whe lerwe unli tsꞌe hutidulh.

Luke 19:8

ꞋEt hoontsꞌi Zacchaeus dudinya ꞌinkꞌez Moodihti ꞌuyulhni, “SMoodihti whunilhꞌen, ndai la ꞌustꞌi-i lhulcho telꞌenne gha sdle. ꞋInkꞌez mbene la bubeꞌ hoostsꞌitne, dit ꞌet ꞌuniltsuk-i butlꞌa násꞌalh.”

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 8:14

Ndai la whus cho toh nanánkat-i, dune Yakꞌusda ooghuni hiditsꞌo ꞌet hoontsꞌi yun kꞌut huwu ni tsinli-un, ndi yun kꞌut hoonzooꞌ hoontꞌoh-un, ꞌinkꞌez ndi yun kꞌut huhoontꞌiꞌ tuneꞌ hutꞌen-un, ꞌi tsꞌiyawh whus cho ꞌi be bulh lhellhoh ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Ephesians 5:5

Ndi tꞌeoonahzun, mbene nintaꞌutꞌihne, kꞌus ꞌutꞌen dutsun-i ꞌulhꞌenne, kꞌus ꞌuyoon dune chꞌeꞌ haꞌ ninzunne, ꞌenne ꞌukꞌeltsi tsꞌun tenadudline bubúlh hulhgha ꞌuhintꞌoh, ꞌet ꞌenne tsꞌiyawh, Yakꞌusda ꞌinkꞌez Christ, lerwe unli-un ꞌaw hoontsool-unyaz hoontsꞌi ꞌaw bughá hokat ꞌaitꞌoh.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

Colossians 3:5

ꞋEt huwa ndi yun kꞌut nohyustꞌe daootsah-un howa núlhtih. Ninta lheꞌzoohtꞌen, nintaꞌtsꞌutꞌih-un, ꞌinkꞌez whudutsun tuneꞌ oohtꞌen junih, ꞌinkꞌez nintaꞌuztitꞌelhꞌun, ꞌet hukwa lheꞌnuzooszin, hoontsiꞌ tuneꞌ utihtꞌen-un hukwaꞌ noohzin junih, ꞌinkꞌez ꞌuyoonne chꞌeꞌ haꞌ noohzin junih, ꞌet ꞌukꞌeltsi neba ꞌalhaꞌ ꞌuntꞌóh-un leꞌ hoontꞌoh.

1 John 2:15

Ndi yun kꞌut tankꞌus ꞌuwhutꞌen-un ꞌinkꞌez ndi yun kꞌut hoonli, ꞌi cha, whutsꞌu nóohtꞌi junih. Mbe la ndi yun kꞌut tankꞌus neꞌwhutꞌen ndóohoontꞌoh-un whutsꞌu nintꞌi de, ꞌaw neBá ye nékꞌensiꞌ-i ooghu whe yooloh whe ꞌuntꞌoh.