Luke 18:22 - Yak'usda Ooghuni

²² ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 18:22 Iomraidhean Croise

Matthew 19:21

Jesus ndúyulhni, “Lhadulya-un tanlelh hukwaꞌ ninzun de, ndai la ꞌintꞌi-i, ꞌi tsꞌiyawh beꞌ oonket, ꞌinkꞌez telꞌenne butainínle. ꞋEt de la ndo yakꞌuz ndai ꞌilhoozanla-i, ꞌet mba tilalh. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 10:42

ꞋEt hoontsꞌi ꞌaw ꞌilhoghun ndutsꞌooneh-un ꞌuhoontꞌoh. Mary ꞌukꞌenus hoonzoo-un ꞌutahahónꞌai whe ꞌuhoontꞌoh ꞌinkꞌez ꞌaw oola kꞌéha hooltsꞌit ꞌaitꞌoh.”

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 16:9

ꞋInkꞌez nohdusni, ndi sooniya, ꞌi be kꞌeke nahultsih. ꞋInkꞌez datíhtsah de, ꞌet de si, ꞌilhiz ꞌuhoontꞌoh tsꞌe, whuz la danóhoholelh.

Luke 18:21

ꞋEt ꞌuyulhni, “Usool daꞌ whutsꞌun, ndi tsꞌiyawh ookꞌuneꞌ zustꞌen.”

Luke 18:23

ꞋEt whudántsꞌo whe tube oodzi yo ꞌúja. Ndun dune tube hoonzooꞌ whe ꞌuntꞌoh ꞌet huwa.

Luke 9:23

ꞋInkꞌez tsꞌiyawh ꞌúbulhni, “Mbe la dune seꞌ ꞌutꞌen kꞌoh tsꞌe ootꞌen ha hukwaꞌ ninzun-un, tsꞌiyawh whula dootnih ꞌinkꞌez dzin totsuk dutulalhgus yólhchoot ꞌinkꞌez suntooyaꞌ.

Philippians 3:13

Sulhutsinke sichꞌoh ꞌawhuz whuschoot lhnúszun, ꞌet hoontsꞌi ꞌilhoghun huba za ꞌet ndustꞌen. Ndet la senghu hooskat-un, ꞌet ꞌaw howu nuní lhnuzuszut whe whunaoodíznoh. ꞋInkꞌez stso tsꞌe hoonli-i, ꞌi za óschoot hukwaꞌ ꞌustꞌen.

2 Peter 3:8

ꞋEt hoontsꞌi nohni ookꞌesiꞌne, njan ꞌilhoghun whunaoodoolhnoh junih. NeMoodihti ꞌilhudzin ꞌet ꞌantsꞌi 1,000 yus kꞌut ooba ndúwhultꞌoh. Kꞌus 1,000 yus kꞌut ꞌet ꞌantsꞌi ꞌilhudzin ooba ndúwhultꞌoh.