Luke 18:20 - Yak'usda Ooghuni

²⁰ Ndai Yakꞌusda khuni dune butlꞌa idanꞌai-i, ꞌi tꞌeninzun. Khun te tsꞌekoo bulh ninta oohtꞌen junih. Dune soolhghelh junih. ꞋUndunoohtꞌih junih. ꞋUyoonne ba hoohtsꞌit junih. Nohbá ꞌinkꞌez nohloo bulh budólhtiꞌ.”

Luke 18:20 Iomraidhean Croise

Luke 18:19

ꞋInka Jesus ꞌuyulhni, “Di haꞌ unzoo-un sudini? ꞋAw ꞌilhoghun unzoo-un hooloh. Yakꞌusda ꞌen za unzoo whé ꞌuntꞌoh.

Luke 18:21

ꞋEt ꞌuyulhni, “Usool daꞌ whutsꞌun, ndi tsꞌiyawh ookꞌuneꞌ zustꞌen.”

Romans 13:9

ꞋEt khuni Yakꞌusda whutlꞌa ídanꞌai-i, ꞌi dune úlhni, “Tsꞌekoo kꞌus dune bulh nintaꞌoohtꞌen junih, dune soolhghelh junih, ꞌundunoohtꞌih junih, ꞌuyoonne ba hoohtsꞌit junih, ꞌuyoonne chꞌeꞌ haꞌ noohzin junih.” Ntsꞌenꞌa la kꞌenatsꞌusiꞌ, whuz unꞌa nohbulh dune bukꞌehtsꞌiꞌ de, ꞌet de ndi Yakꞌusda khuni whutlꞌa ídanꞌai-i ꞌinkꞌez ꞌonghoh-i cha, tsꞌiyawh ookwꞌúneꞌ zuhtꞌen wheꞌ hoontꞌoh.

Romans 3:20

Mbene la Moses be ꞌudustlꞌus kꞌúneꞌ ꞌutꞌenne ꞌaw ꞌet huwa lubeshi ꞌuhulhꞌen-un huba gak hoolhtselh ꞌaítꞌoh. Moses be ꞌudustlꞌus ꞌi gha lubeshi ꞌuhulhꞌenne ꞌuhintꞌoh tꞌehonínzun.

Ephesians 6:2

Nohbá nohloo bulh budólhtiꞌ. ꞋI khuni ꞌi ꞌudechoo netlꞌá idanꞌai-i ꞌinkꞌez netsꞌu hoozi-un whulh ꞌuntꞌoh.

Colossians 3:20

Tsꞌoodunne tsꞌiyantsuk whe nohdusneke bukꞌuneꞌ oohten. ꞋEt ndahtꞌen de, neMoodihti hoontꞌiꞌ.