Luke 18:19 - Yak'usda Ooghuni

¹⁹ ꞋInka Jesus ꞌuyulhni, “Di haꞌ unzoo-un sudini? ꞋAw ꞌilhoghun unzoo-un hooloh. Yakꞌusda ꞌen za unzoo whé ꞌuntꞌoh.

Luke 18:19 Iomraidhean Croise

Luke 1:35

ꞋEt lizas yulh yalhduk, “Ndoni nkꞌedinde ꞌinkꞌez ꞌudedo-i ye ulhtus-i, ꞌi nkꞌut sa whusꞌih be whútaleh. Yustꞌe lubeshi ooghu hooloh-i, whuzdli te, Yakꞌusda ooYeꞌ hidutanelh.

Luke 11:13

Nohni lubeshi ꞌulhꞌenne ꞌahli, ꞌet hoontsꞌi tꞌeoonáhzun unzoo-i nohuzkeh gha tíhlelh. ꞋEt dáwhulcho-i be ꞌon nus ndo yakꞌuz nohBá yoodulhkutne, Ndoni bugha tíꞌalh.”

Luke 18:18

ꞋEt ꞌilhoghun dune moodih uncha-un Jesus yoodulhkut, “Dune hodulhꞌeh-un unzoo-un, ntsꞌenꞌa datisnelh whe ꞌilhiz khutisnalh-un whuchꞌa ootásdoh?”

Luke 18:20

Ndai Yakꞌusda khuni dune butlꞌa idanꞌai-i, ꞌi tꞌeninzun. Khun te tsꞌekoo bulh ninta oohtꞌen junih. Dune soolhghelh junih. ꞋUndunoohtꞌih junih. ꞋUyoonne ba hoohtsꞌit junih. Nohbá ꞌinkꞌez nohloo bulh budólhtiꞌ.”

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Hebrews 7:26

Jesus Christ lubret ꞌukꞌenus diztiꞌ-un neba unli. Lubeshi ooghu hooloh, ꞌaw whe ookꞌeholtsꞌit-un cha hooloh. ꞋInkꞌez tankꞌus ꞌuhoontꞌoh-un ꞌaw hoontsool-unyaz hoontsꞌi ookwꞌuz lhístꞌen. Lubeshi ꞌulhꞌenne bubulh ꞌutꞌen inleꞌ, ꞌet hoontsꞌi ꞌaw ꞌenne bukꞌunꞌa ndi yun kꞌut lhidal. Buchꞌa nasja, ꞌinkꞌez yakꞌuz whanus díztiꞌ suliꞌ.

James 1:17

NeBá, ꞌen yakꞌuz be hootꞌen-i tsꞌiyawh ꞌuyinla. Ndi be hootꞌen-i whuloh te ꞌutsꞌun unꞌa naꞌutꞌih ꞌinkꞌez tsawhúsꞌih leꞌ whulhꞌih. NeBá ꞌaw nawh huninizun-un unli iloh. ꞋEt huwa dai la ndus de negha nukat-i unzoo ꞌinkꞌez soo tsꞌihꞌun ꞌuntꞌoh, ꞌi tsꞌiyawh ꞌen za tsꞌu ha whúkat wheꞌ hoontꞌoh.