Luke 18:14 - Yak'usda Ooghuni

¹⁴ ꞋEt Jesus ꞌubulhni, “Nohdusni ndun sooniya ꞌilhunaoosꞌaih-un, ꞌen Yakꞌusda nalh tsꞌihꞌun naꞌuja whe duyoh tsꞌe naoosja. ꞋEt ꞌilhoghun ꞌaw ndúlhinel. ꞋInkꞌez mbe la duba naꞌudzooꞌ-un, ꞌen yooya yutilhtselh. ꞋInkꞌez mbe la yo ꞌúdudildzun-un, ꞌen Yakꞌusda yudutalhtiꞌ.”

Luke 18:14 Iomraidhean Croise

Matthew 23:12

ꞋInkꞌez mbe la ncha naꞌdudilꞌi-un, ꞌen ꞌudeyo telꞌen-un tileh. ꞋInkꞌez mbe la ꞌudeyo ꞌududildzun-un, ꞌen ꞌudedo ncha-un tileh.

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Luke 1:52

Mbene la dune nchane hukꞌo dáltsꞌiꞌ nanábanla. ꞋEt mbene la yo ꞌuntꞌohne, ꞌenne hincha ꞌubulhtsi.

Luke 10:29

ꞋEt hoontsꞌi ndun tsꞌihꞌun ꞌuntꞌoh-un naꞌdudilꞌi. ꞋEt huwun Jesus yoodulhkut, “Mbe la senghoh whutꞌi-un?”

Luke 14:11

ꞋEt mbe la ncha naꞌdudilꞌi-un, ꞌen yooya tileh. ꞋInkꞌez mbe la teꞌ dudilꞌen-un, ꞌuntꞌoh-un huyoolhtselh.”

Luke 16:15

ꞋInka ꞌubulhni, “Dune toh tsꞌihꞌun ꞌuntꞌohne naꞌdudulhꞌi, ꞌet hoontsꞌi Yakꞌusda nohdzi dantꞌoh la tꞌeooninzun. Di la dune ba díztiꞌ-i, ꞌi Yakꞌusda yutsꞌu dutni whe ꞌuntꞌoh.

Romans 3:20

Mbene la Moses be ꞌudustlꞌus kꞌúneꞌ ꞌutꞌenne ꞌaw ꞌet huwa lubeshi ꞌuhulhꞌen-un huba gak hoolhtselh ꞌaítꞌoh. Moses be ꞌudustlꞌus ꞌi gha lubeshi ꞌuhulhꞌenne ꞌuhintꞌoh tꞌehonínzun.

Romans 4:5

ꞋEt hoontsꞌi dune Yakꞌusda dája ni la ooba ꞌalha ꞌuhoontꞌoh de, ꞌet de nínta ꞌutꞌíh-un Yakꞌusda yuba gak whulhtsi. Yubaꞌ whutilelh ꞌaw hoonli yuba lheꞌílel ꞌet hoontsꞌi. Whuz unꞌa Yakꞌusda idutánelh tsꞌihꞌun dune inli.

Romans 5:1

Yakꞌusda daja nedániꞌ ꞌet neba ꞌalha ꞌuhoontꞌoh. ꞋEt whe la nintaꞌtsꞌutꞌíh-un Yakꞌusda neba gak whulhtsi. ꞋEt whula gha tsꞌe Jesus Christ neMoodihti ꞌen gha Yakꞌusda tsꞌun nedzi dizghel.

Romans 8:33

Mbene la Yakꞌusda ꞌutahábanlane, mbe ꞌudutinelh lubeshi ꞌuhulhꞌen budutánelh? Gak! Yakꞌusda ꞌen ꞌuja tankꞌus ꞌúhutꞌen-un buba gak whulhtsi.

Galatians 2:16

Moses be ꞌudustlꞌus ꞌi gha za ꞌutsꞌutꞌen de, ꞌaw tsꞌihꞌun dune lhtsꞌiloh. Jesus Christ neba ꞌalhaꞌ ꞌuntꞌoh ꞌet huwa tsꞌihꞌun dune tsinli ꞌet tꞌetsꞌoninzun. ꞋInkꞌez Christ Jesus ꞌen neba ꞌalhaꞌ ꞌuntꞌoh-un unli ꞌet whe Christ neba ꞌalhaꞌ ꞌuntꞌoh-un, ꞌet ꞌi be tsꞌihꞌun dune tsꞌuzdliꞌ. Moses be ꞌudustlꞌus kꞌuneꞌ ꞌutsꞌutꞌen de, ꞌaw ꞌet huwa iloh tsꞌihꞌun dune tsꞌuzdliꞌ. Moses be ꞌudustlꞌus kꞌuneꞌ ꞌutꞌenne, ꞌaw ꞌilhoghun hoontsꞌi tsꞌihꞌun unꞌa lheꞌínel ꞌet huwa.

James 4:10

NeMoodihti oobut yo ꞌududoolhdzin, ꞌet de la nohdólhtiꞌ.

James 4:6

ꞋEt Yakꞌusda lhanꞌun ye unzoo-i negha íninꞌai, ꞌinka ooghuni njan ndutni, “Mbene la ꞌududíltiꞌne, ꞌenne Yakꞌusda budulhyoh ꞌuntꞌoh. ꞋEt hoontsꞌi yo údudildzunne, ꞌenne ye unzoo-i bugha yúꞌaih whe ꞌuntꞌoh.”