Luke 18:13 - Yak'usda Ooghuni

¹³ ꞋEt ndun sooniya ꞌilhunaoosꞌaih-un, ꞌen cha ꞌudun usyin. ꞋAw ndo hoontsꞌi yutóꞌen ꞌaitꞌoh ꞌinkꞌez yo nilhꞌai. ꞋInkꞌez dudzi kꞌut hoolhchis, ‘Yakꞌusda sgha teꞌninzeh! Lubeshi ꞌulhꞌen-un ꞌustꞌoh,’ ni.”

Luke 18:13 Iomraidhean Croise

Matthew 10:3

Philip ꞌinkꞌez Bartholomew; Thomas ꞌinkꞌez sooniya nalhdzooh-un Matthew; James Alphaeus ooyeꞌ ꞌuntꞌoh, ꞌinkꞌez Lebbaeus ꞌen oobooziꞌ ꞌudekꞌez-un Thaddaeus cha huyulhni;

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Matthew 9:13

ꞋEt hoontsꞌi ꞌahdulh ꞌinkꞌez hodulhꞌeh daja ni whe ꞌutni, ‘ꞋUyoonne gha teꞌntihzilh ꞌet nohtsꞌo hukwaꞌ nuszun. Loodel kꞌut hidutalhkꞌun-i, ꞌi ooka lheꞌnúszun.’ ꞋAw tsꞌihꞌun ꞌuntꞌohne, ꞌenne iloh bubeni naháhundunooleh huba whusásya. Lubeshi ꞌulhꞌenne, dulubeshi chꞌaz bubeni naháhundunooleh ubudutásnilh ha whusásya.”

Mark 11:25

ꞋInkꞌez sahyin whe tenadahdli de, ꞌuyoonne tsꞌun nohba dzoh de buba nꞌún whutulhdilh ꞌet la nohBá, yakꞌuz úsda-un, nohni cha nohlubeshi nohba ꞌun yutoolhdilh.

Luke 17:12

ꞋEt whuz uyalh whe keyoh whuyaz nenínya. ꞋEt whunizyane ndulcho whe buka whulhjut-i, ꞌi leprosy huyúlhni, ꞌí be hundudane, hidudizdil. ꞋInkꞌez highu nilhdzaꞌ nódilhya.

Luke 22:41

Tse nazdulhꞌus-un, ꞌet ꞌuwhuldzoh tsꞌe bughu nenínya. ꞋInkꞌez dugwutsi be nenínya ꞌinkꞌez tenadudli.

Luke 23:48

ꞋInkꞌez ꞌilhozdilne tsꞌiyawh ꞌet nenindilne huwhunalhꞌen whe, dáhooja la huwhunalhꞌen, tsꞌodi kꞌet dudzi kꞌut hoohoolhchis ꞌinkꞌez whusanáhidil.

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

Acts 2:37

ꞋEt Peter hidántsꞌo whe soo tsꞌihꞌun budzi tꞌaíznai. ꞋInkꞌez Peter ꞌinkꞌez ꞌuyoonne whelꞌaꞌne bulh hubuhoodulhkut, “Neulhutsinke, Peter nedaniꞌ-un huwun dáztinelh?”

Romans 5:8

ꞋEt hoontsꞌi wheni ꞌawhuz lubeshi ꞌulhꞌenne tsꞌinli inleꞌ whe Christ neba dazsai. ꞋEt whe Yakꞌusda whunénilhtan dalcho-i be nekꞌensiꞌ.

2 Corinthians 7:11

Howu nuní nuhzut, Yakꞌusda hukwaꞌ ninzun kꞌunꞌa tsꞌodi ꞌahli inleꞌ. ꞋEt dahooja la tsꞌiyawh ꞌa cho ndutíhnelh hukwaꞌ nahzun. Yakꞌusda ꞌen tsꞌukꞌeke dutihnelh hukwaꞌ nahzun. ꞋEt nohba dzoh whuzdliꞌ. ꞋEt huwun whenulhjut léꞌahtꞌoh, ꞌet whe skꞌenihtai. Tube cho tsꞌihꞌun nenaóotahꞌalh hukwaꞌ nahzun. Nohba dzoh ꞌuhoontꞌoh-un, ꞌet cha tsꞌiyawh. ꞋEt whe ndúwhulcho whe lubeshi nohghu hooloh suliꞌ.

1 Timothy 1:15

Ndi khuni be nyulh yasduk-i, ꞌi ꞌalhaꞌ ꞌuntꞌoh ꞌinkꞌez ꞌi soo tsꞌiyawh ootꞌa ninintan, ꞌet ndutni: Christ Jesus ꞌen ndi yun kꞌuz nusiya lubeshi ꞌulhꞌenne bubutilhyih wheni, ꞌinkꞌez si ꞌukꞌenus dune unsiꞌ-un usdli inleꞌ.

Hebrews 4:16

ꞋEt huwa Yakꞌusda ookwꞌutsꞌuzda cho diztiꞌ-i whuz de ye únzoo-i negha yúꞌaih. ꞋEt huwa ꞌaw whelhtsꞌuniljut whe whuz uztooyaꞌ. ꞋEt whuz de negha teꞌninzun, ꞌinkꞌez whé netsꞌun unzoo-un, ꞌet nduwhulcho whe tsꞌuhootálhchulh. ꞋEt whuz unꞌa la ꞌen ba ndi yun kꞌut uzdilhtsꞌi-un, ndet la whe nela ꞌeꞌ whudutánelh ꞌet negha óotaltsꞌulh.

Hebrews 8:12

Dáhoontꞌoh la ꞌaw tsꞌihꞌun lheꞌhustꞌen de, bugha téꞌuntaszeh. ꞋInkꞌez bulubeshi ꞌinkꞌez skꞌú nulheꞌustꞌen-un, ꞌi tsꞌiyawh ꞌaw ꞌon ꞌun ꞌaw whunaooznih ꞌaitꞌoh.”