Luke 18:11 - Yak'usda Ooghuni

¹¹ Ndun Pharisee ꞌen dichꞌoh usyin ꞌinkꞌez tenadudli whe njan ndutni, ‘Yakꞌusda musi nyudusni. ꞋAw ꞌuyoonne dune dúlhuztꞌoh. ꞋUyoonne eꞌwhuhalhtsꞌit sooniya be, ꞌenne ꞌaw tsꞌihꞌun lheꞌitꞌohne ꞌuhintꞌoh, ꞌinkꞌez tsꞌekoo kꞌus dunene bulh níntaꞌ ꞌutꞌihne. ꞋInkꞌez ndun sooniya ꞌilhunaoosꞌaih-un, ꞌen cha bundúlh uztꞌoh.

Luke 18:11 Iomraidhean Croise

Matthew 10:3

Philip ꞌinkꞌez Bartholomew; Thomas ꞌinkꞌez sooniya nalhdzooh-un Matthew; James Alphaeus ooyeꞌ ꞌuntꞌoh, ꞌinkꞌez Lebbaeus ꞌen oobooziꞌ ꞌudekꞌez-un Thaddaeus cha huyulhni;

Matthew 5:20

ꞋAlha nohdusni ndunne Moses be ꞌudustlꞌus ꞌukꞌu nunáguzne ꞌinkꞌez Phariseene cha, ꞌenne hiye tsꞌihꞌun unꞌa ꞌuntꞌoh-i ꞌinkꞌez nohni be tsꞌihꞌun unꞌa ꞌahtꞌoh-i, ꞌi buba nus ahzoo de, ꞌet de za ntsꞌe la yakꞌuz kꞌuneꞌ whulꞌen-un tsꞌe tíhdulh.”

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Mark 11:25

ꞋInkꞌez sahyin whe tenadahdli de, ꞌuyoonne tsꞌun nohba dzoh de buba nꞌún whutulhdilh ꞌet la nohBá, yakꞌuz úsda-un, nohni cha nohlubeshi nohba ꞌun yutoolhdilh.

Luke 20:47

Tsandilhne buyoh bugha ha hódunitꞌah ꞌinkꞌez bughu huhoolhchuk. ꞋInkꞌez ꞌonilha saꞌ cho tenahududli hoohoolhꞌi. ꞋEnne ꞌon nus ꞌuwhulcho whe buba nahutideh.”

Luke 22:41

Tse nazdulhꞌus-un, ꞌet ꞌuwhuldzoh tsꞌe bughu nenínya. ꞋInkꞌez dugwutsi be nenínya ꞌinkꞌez tenadudli.

Galatians 3:10

ꞋEt Moses be ꞌudustlꞌus yutꞌa ninintanne, ꞌenne tsꞌiyawh Yakꞌusda musai butilhtselh-un, ꞌet whutsꞌeꞌ hutꞌen. ꞋEt ndiz unꞌa ꞌukꞌehóoguz whe ndutni, “Moses be ꞌudustlꞌus, ꞌukꞌeyanguz-i, ꞌi tsꞌiyawh mbene la tsꞌiyawh hikꞌu nulheꞌustꞌen de, ꞌet de musai ubutilhtselh-un, tsꞌiyawh huwhutiꞌelh.”

Philippians 3:6

Tube hoolhtus whe ꞌustꞌen. ꞋInkꞌez Yakꞌusda ba ꞌilhunaoodulhne, ꞌenne dzoh nubusdeh inleꞌ. ꞋInkꞌez dune Moses be ꞌudustlꞌus be tsꞌihꞌun ꞌuntꞌoh-un tileh de ꞌet huwa ꞌaw whe skꞌehóotaltsꞌulh-un hootáloh whe ꞌustꞌoh.

Revelation 3:17

Lheꞌdahni, ‘Hoonzooꞌ tsꞌintꞌoh ꞌon nus cha hoonzoo tsꞌuja. ꞋAw ꞌuyoo hoonliyaz ka lheꞌuznízun,’ dahni. ꞋEt dahitꞌoh dalhtsiꞌ la tsꞌiyantsuk nohba nekꞌeꞌ hootꞌoh cha ꞌahtꞌoh. Teilhꞌen cha ꞌahtꞌoh. Whuzihꞌen cha ꞌahtꞌoh, ꞌinkꞌez ꞌustꞌet ꞌahtꞌoh.