Luke 17:5 - Yak'usda Ooghuni

⁵ ꞋInkꞌez whelꞌaꞌne neMoodihti ꞌuhuyulhni, “Be néba ꞌalha ꞌuhoontꞌoh-i, ꞌon nus ꞌultus neba ilhtsi.”

Luke 17:5 Iomraidhean Croise

Mark 6:30

ꞋEt whelꞌaꞌne whusanáhidil ꞌinkꞌez Jesus te ꞌilhuhozdil ꞌet hidániꞌ ntsꞌoh te néꞌhustꞌen ꞌinkꞌez ndet dune whubuhodalhꞌeꞌ.

Mark 9:24

ꞋAhoh oobá oonatsultooꞌ hoonli whe ꞌutni, “SMoodihti be ꞌalha ꞌuhoontꞌoh ꞌustꞌi. ꞋEt hoontsꞌi sla ꞌineh, ꞌon nus ꞌultus-i be ꞌalha ꞌuhoontꞌoh-i oostꞌeꞌ ha, ꞌet hukwaꞌ nuszun.”

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 7:19

ꞋInkꞌez nane ꞌanih ꞌubulhni ꞌinkꞌez Jesus tsꞌun whe balhꞌaꞌ huyoodutalhkut ha, “Nyun eh whusatíyalh-un inli, kꞌus ꞌuyoon tilah ka tsꞌitóꞌen?”

Philippians 4:13

Christ ꞌen ꞌuja be stus-i sgha nínꞌai. ꞋEn be tsꞌiyantsuk ꞌuwhusꞌen.

2 Thessalonians 1:3

Ooba ꞌalha ꞌuhoontꞌoh-i, ꞌi lhkꞌuz te ahtꞌi ꞌinkꞌez ꞌilhoghun ꞌahli lhanꞌun te lhkꞌehsiꞌ. ꞋEt huwa neulhutsinke ꞌahoolhyiz Yakꞌusda tsꞌun nohba musi uzdóniꞌ hubaꞌ hoontꞌoh.

Hebrews 12:2

Netso tsꞌe Jesus Christ uznoolhꞌen. ꞋAw ꞌen za neba bé ꞌalha ꞌuhoontꞌoh-un dantꞌoh la, ꞌen tsꞌihꞌun unꞌa whunénulhtun-un ꞌuntꞌoh. ꞋInkꞌez ndi yun kꞌut usda-un, ꞌet ye khuna-i, ꞌen dúwhulcho whe neba ꞌalha ꞌuhoontꞌoh-i neba lhaoodulhꞌih-un ꞌuntꞌoh. Nus de ye whúntalhni-i, ootsꞌu yíkulh, ꞌet huwa tulalhgus yulh ínyin inleꞌ. Yugha yooya suliꞌ-i ooba ꞌantsꞌi ꞌuhoontꞌoh inleꞌ. ꞋInkꞌez Yakꞌusda ookwꞌutsꞌuzda cho diztiꞌ-i, ꞌet naílhni tsꞌe huwun nátlꞌa didaꞌ.