Luke 17:30 - Yak'usda Ooghuni

³⁰ ꞋInkꞌez ndet dzin ꞌuwhutanelh whe Yinka Dune Yeꞌ be hóodutaltsilh, ꞌet whuz unꞌa ndó tanelh.

Luke 17:30 Iomraidhean Croise

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 24:3

ꞋEt ha ooditꞌai-unyaz dzulh Olive huyulhni, ꞌet hukwꞌusda. Yugha hodulꞌehne tsꞌiyawh highu nindil, ꞌinkꞌez whuꞌizyaz huyoodulhkut, “Nkede ꞌuwhutánelh? Ntsꞌowhuya hoozulh whe whusanátandalh, ꞌinkꞌez ntsꞌowhuya whudizulh whe whula toh whutaleh? Ndet whe hóodutaltsilh-un, ꞌet huwa la tꞌetsꞌonoozeh? Nedíni!”

Matthew 24:37

ꞋOh daꞌ Noah khuna daꞌ, dune dahíntꞌoh la, ꞌet whuz unꞌa za ꞌuwhutátꞌelh whe Yinka Dune Yeꞌ whusanátidalh.

Matthew 24:39

Dunene ꞌaw tꞌehonuszun nkede too dudutáltꞌo. ꞋEt ꞌawet dutadiltꞌo whe tsꞌiyawh too ꞌubanghan. ꞋEt whuz unꞌa za Yinka Dune Yeꞌ whusainya de, ꞌet ndó tanelh.

Matthew 26:64

ꞋEt Jesus ndúyulhni, “Nyunchꞌoh ꞌet ꞌúdini. Njan huwun nohbulh yasduk, kꞌat le de Yinka Dune Yeꞌ, ꞌen ulhtus-un, ꞌen nailhni tsꞌunkꞌus yughu usda, ꞌet whutihꞌelh. ꞋInkꞌez kwꞌus kꞌut ndus de ha tiyalh, ꞌet cha whutihꞌelh.”

Mark 13:26

ꞋEt de Yinka Dune Yeꞌ, kwꞌus toh bé whunujut ye ulhtus-i bulh ꞌinkꞌez Yakꞌusda ootsꞌu ha yánduz-i be hóodutaltsilh.

Luke 17:24

Ntsꞌenꞌa la ditni kwun oolhges te lheꞌwhulya whe dunukw, ꞌet whuz unꞌa Yinka Dune Yeꞌ, oodzin de ndulcho whe tsꞌiyanne ba be hoodutaltsilh.

Luke 17:29

ꞋEt dzin Lot keyoh Sodom huwhutni-un huwu whe naja whe kwun ꞌinkꞌez tse dizkꞌun-i ndus de yakꞌuz tsꞌe náilhtan, ꞌinkꞌez tsꞌiyawh gak hubulhtsi.

Luke 21:22

ꞋAwet dzoh nutiszut-un whusahooltsꞌulh wheꞌ hoontꞌoh. ꞋEt huwun ꞌukꞌehooguz-un, tsꞌiyawh lhaóodutaneh.

Luke 21:27

ꞋOh de de, Yinka Dune Yeꞌ kwꞌus toh ye ulhtus-i be ꞌinkꞌez ootsꞌu ha yánduz-i cha, whuz unꞌa huyuntilhꞌelh whe whusatíyalh.

1 Corinthians 1:7

ꞋEt huwa ꞌaw hoonliyaz nohgha untꞌai-i ꞌaw nohba ndukw lhiloh whe neMoodihti Jesus Christ netoh be hoodutaltsilh-un, ꞌet hukwa tsꞌe hooli.

1 Corinthians 1:8

ꞋEt ꞌudekꞌez dzin whutsꞌun, ꞌet ꞌen gha be tsꞌilhtus-i be nudutalhyalh ꞌet whutsꞌun. ꞋEt whe la neMoodihti Jesus Christ oodzin de, ꞌet dzin ꞌaw be nohkꞌeholtsꞌit-i hootaloh.

Colossians 3:4

Christ ꞌen be tsꞌúkhuna-i ꞌuntꞌoh. ꞋIlhudzin be hoodutaltsilh ꞌet ꞌoh de nohni cha ye diztiꞌ-i, ꞌi be ꞌen bulh whuz unꞌa ꞌutihnelh.

2 Thessalonians 1:7

ꞋInkꞌez nohni dzoh nudehne nebulh nátilhyis. Whuz unꞌa neba ꞌukꞌelha whutilhtselh. Ndet la neMoodihti Jesus Christ ꞌinkꞌez oolizas cho bulh, ꞌet yakꞌuz tsꞌe bube hóodutaltsilh.

1 Peter 1:13

ꞋEt huwa noheni lhadáhle. Huwahli. ꞋEt whuz unꞌa ye unzoo-i nohtsꞌu tihkulh, whula toh whutsꞌun ooka tse hóohli. Ndet dzin ꞌutinelh Jesus Christ nenalhtsꞌet be hóodutaltsilh. ꞋOh de whézdujis-un, ꞌet nohgha whútaltsꞌulh.

1 Peter 1:7

ꞋEt whuz unꞌa whe nohba ꞌalha ꞌuhoontꞌoh-un, ꞌet nohba ꞌon nus hoonzoo tileh. Gold kwun ꞌi be ꞌuzooꞌ huyulhtsi, ꞌet whe soo tsꞌihꞌun oozai za lhih, ꞌet hoontsꞌi ꞌi cha hooloh tileh. Nohba ꞌalha ꞌuhoontꞌoh-un gold anus whudíztiꞌ wheꞌ hoontꞌoh. Whuz unꞌa za ndet dzin Jesus Christ nenalhtsꞌet be hóodiltsai de, ꞌet de bé nohba ꞌalha ꞌuhoontꞌoh-un huwa Jesus Christ nohba whudutálhtiꞌ, ꞌinkꞌez nohba hooncha tileh.

1 Peter 4:13

Kꞌus ndai Christ whe dzoh nusuzut-un, whuz unꞌa za dzoh nahzut de, ꞌet de soo cho hóhtꞌeꞌ! ꞋEt whe Christ ye diztiꞌ-i, ꞌi nohnalhtsꞌet ha hóoltsꞌut de, ꞌet la tube cho whunólhni.

1 John 2:28

Suzkehkeyaz ndun ꞌen za bulh óohtꞌeꞌ. ꞋEt whe la nohnalhtsꞌet hainya de, ꞌinkꞌez whusanája de, nedzi ulhtus unli ꞌinkꞌez ꞌaw hoonli hukwaya lhtsꞌiloh whe la oobut núzdolyaꞌ.

1 John 3:2

Ookꞌesiꞌne ꞌandit Yakꞌusda buzkeh tsinli. Daztitꞌelh-un ꞌawhuz nenalhtsꞌet ha lhúwhulhtsꞌit. ꞋEt hoontsꞌi tꞌetsꞌoninzun tsꞌanꞌen de, soo bunduz tiltꞌelh, soo ntsꞌenꞌa la dantꞌoh, whuz unꞌa ꞌuztilhꞌelh ꞌet huwa.

Revelation 1:7

Whunulhꞌen! Kwꞌus toh whuz de tiyalh. Tsꞌiyanne hitiꞌelh. Mbene oola ꞌinkꞌez ooke lugloo cho hikunúnilhtꞌone, ꞌenne cha hiyutilhꞌelh. ꞋInkꞌez ndi yun kꞌut lhelhdoh didowhne, ꞌen gha khuna hutitso. ꞋEt ndó tanelh, ꞌet ndó honeh.