Luke 17:26 - Yak'usda Ooghuni

²⁶ ꞋEt Noah oodzin whudizulh daꞌ, dahoontꞌoh inleꞌ la, ꞌet whuz unꞌa za Yinka Dune Yeꞌ oodzin ꞌet nduwhútatꞌelh.

Luke 17:26 Iomraidhean Croise

Genesis 6:5

ꞋEt Moodihti (Yahweh) bunilhꞌen ndi yun kꞌut dune huye untsiꞌ tube ncha suliꞌ. Tsꞌiyawh ꞌahoolhyiz wheni ndune bubeni untsiꞌ, ꞌet whunilhꞌen.

Genesis 6:7

ꞋEt Moodihti (Yahweh) ꞌutni, “Mbene la dune ndi yun kꞌut wheni ꞌubuslane, soo tsꞌiyawh gak hubutiselh. Ndi dune ꞌinkꞌez khuna-i, yun kꞌut nulhꞌas-i ꞌinkꞌez ndo dutꞌai nudilh-i cha, ꞌi tsꞌiyawh. ꞋEt tube huwu sdzi unduda ꞌubusdla ꞌet huwa.”

Genesis 6:8

ꞋEt hoontsꞌi Nowe ꞌen Moodihti (Yahweh) oonalh ndi ye netsꞌun unzoo-i ꞌet nahoonꞌai.

Luke 17:22

ꞋInkꞌez ꞌet yugha hodulꞌehne ꞌubulhni, “ꞋEt ꞌoh dzin whusaóotikulh ꞌinkꞌez Yinka Dune Yeꞌ, ꞌilhoh dzin whutihꞌelh hukwaꞌ ntihzilh, ꞌet hoontsꞌi ꞌaw hoohꞌen ꞌaitꞌoh.

Luke 17:24

Ntsꞌenꞌa la ditni kwun oolhges te lheꞌwhulya whe dunukw, ꞌet whuz unꞌa Yinka Dune Yeꞌ, oodzin de ndulcho whe tsꞌiyanne ba be hoodutaltsilh.

Luke 17:27

ꞋEt tsꞌiyanne ꞌuhaꞌalh zaꞌ hutꞌen, ꞌinkꞌez tahunutnai. Dunene cha ꞌinkꞌez tsꞌekoo cha lhgho dilhtsꞌi. ꞋOh daꞌ Noah tsꞌi cho be ínya ꞌinkꞌez ꞌet too dudiltꞌo ꞌinkꞌez tsꞌiyanne too hubanghan.

Luke 17:7

ꞋInkꞌez nohni nohtoh ꞌilhoghun noheꞌulhna unli, ha níyeh kꞌet nawhulhchꞌul kꞌus ꞌusbai ghunli, ha núlhyeh tsꞌe ha nája. ꞋEt ꞌudóniꞌ, ‘Soo ꞌa! Natlꞌa dindaih ꞌinkꞌez naꞌintꞌalh!’

Luke 18:8

ꞋInkꞌez ꞌunohdusni, ꞌahoh buba kꞌutítnelh! ꞋEt hoontsꞌi Yinka Dune Yeꞌ ndi yun kꞌut whusanája de, soo eh dune ooba ꞌalha ꞌuhoontꞌohne naitálelh?”

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

2 Peter 2:5

ꞋInkꞌez yoo niz de haóodanzut daꞌ, ꞌudaꞌ yun kꞌut whutꞌenne, mbene la Yakꞌusda ghu nuni lhnuszutne ꞌinkꞌez ꞌaw lhahidilhtiꞌne, ꞌenne cha ꞌaw buba whula lhdítnel. ꞋEnne bugha ndi yun kꞌut ndulcho whe too didilhtꞌo ꞌinkꞌez too ꞌubanghan. ꞋOh daꞌ lhkꞌudine (8) ꞌaw ꞌenne za ꞌet whuchꞌa Yakꞌusda bubulhyih. Too didutálhtꞌo whutso Noah, ꞌen Yakꞌusda ye tsꞌihꞌun unꞌa ꞌuntꞌoh-i, ꞌi be dune ubulh yailhduk, ꞌen bubulh ꞌilhoghun ꞌuntꞌoh.

2 Peter 3:6

Yakꞌusda ooghuni ꞌi be too dudilhtꞌo. ꞋEt whe tsꞌiyawh gak whulhtsi.