Luke 17:25 - Yak'usda Ooghuni

²⁵ ꞋEt hoontsꞌi ꞌudechoo lhat-un whe dzoh nutizut hubaꞌ hoontꞌoh. ꞋInkꞌez ꞌandit whudizulhne dune hikalheꞌuntiszil.

Luke 17:25 Iomraidhean Croise

Matthew 16:21

ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 21:42

ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

Mark 10:33

“Soo zúlhtsꞌai, Jerusalem tsꞌuztidil ꞌinkꞌez Yinka Dune Yeꞌ, Lizwif lubret moodihne ꞌinkꞌez Moses be ꞌudustlꞌus ꞌukꞌu nunáguzne butlꞌa ihítilhtelh. Datítsah wheni hiba nahutiyeh ꞌinkꞌez ꞌudun yun kꞌut whutꞌenne butlꞌa ihítilhtelh.

Mark 12:10

ꞋAw Yakꞌusda ooghuni ꞌukꞌu nusgúz-i ookꞌu yálhuzulhduk? ꞋEt ndutni, ‘Ndi tse yoh ꞌuwhulhꞌénne ꞌún hidutilhꞌuz-i, ꞌukꞌenus ooka dáhotni-i suliꞌ.

Mark 8:31

ꞋEt ꞌawet Jesus yugha hodulꞌehne whubodulhꞌeh ꞌinkꞌez ubúlhni, “Yinka Dune Yeꞌ lhat-un whe dzoh nuhítilhdzut. ꞋUtso whudilhdzúlhne, lubret moodihne ꞌinkꞌez Moses be ꞌudustlꞌus ꞌukꞌu nunáguzne cha tsꞌiyawh hika lheꞌuntszilh. Hituzilhghelh ꞌinkꞌez whulh tát dzin dunádutádalh.”

Mark 9:31

yugha hodulꞌehne hubodulhꞌeh ꞌet huwa. ꞋInkꞌez ubúlhni, “Yinka Dune Yeꞌ, ꞌuyoonne dune tlꞌa hitilhtelh ꞌinkꞌez hituzilhghelh. Hizilhghi hukwꞌelhꞌaz whulh tat dzin ꞌet dunadutádalh.”

Luke 18:31

ꞋEt ndunne whunizyane ꞌon ꞌat nane, ꞌudun nebuninla ꞌinkꞌez ꞌubulhni, “Soo zulhtsꞌai, Jerusalem tsꞌuztidulh ꞌinkꞌez Yinka Dune Yeꞌ, nus hooꞌenne, ꞌen ghun ꞌukꞌehuyanguz-i, ꞌi tsꞌiyawh lhawhudutatneh.

Luke 18:33

Huyootalhtsus ꞌinkꞌez hituzilhghelh. ꞋInkꞌez whulh tat dzin dunadutádalh.”

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

Luke 9:22

ꞋInkꞌez ꞌubulhni, “Yinka Dune Yeꞌ lhat-un whé dzoh nutizut oobaꞌ hoontꞌoh. ꞋInkꞌez ꞌutso whudilhdzulhne cha, ꞌudedo lubretne cha, ꞌinkꞌez Moses be ꞌudustlꞌus ꞌukꞌu nunáguzne cha, tsꞌiyawh hichꞌaz dútatni ꞌinkꞌez hituzilhghelh. ꞋInkꞌez whulh tat dzin dunadutádalh.”

John 1:11

Dulh whútꞌenne ꞌutahábanlane, butaninya whe ꞌaw lhuhuyílhchulh.

John 12:38

ꞋEt nus hóoꞌen-un Isaiah ꞌukꞌu néyuzguz-i, ꞌi gha whuz unꞌa ꞌoh te neꞌwhustꞌen. Njan ndutni whe ꞌukꞌuneꞌ ꞌúzguz, “Moodihti ndi khuni whutlꞌazdanꞌai-i mbe za ooba ꞌalhaꞌ yintꞌoh? NeMoodihti yé ulhtus-i mbe tsꞌun yunaꞌdunilhtan?”