Luke 17:21 - Yak'usda Ooghuni

²¹ ꞋAw ꞌilhoghun hoontsꞌi dooniꞌ ꞌaitꞌoh, ‘Njan whunulhꞌen ꞌet ꞌuhoontꞌoh,’ kꞌus, ‘Nghut ꞌuhoontꞌoh.’ ꞋEt Yakꞌusda whulerwe unli-un ꞌudaꞌ nohbulh ꞌoohoontꞌoh wheꞌ hoontꞌoh.”

Luke 17:21 Iomraidhean Croise

Matthew 12:28

ꞋEt hoontsꞌi Yakꞌusda ooyughi be ntsiꞌ-i nududeh-un dune tsꞌu ha nánusyukw de, ꞌalha ꞌuhoontꞌoh whe Yakꞌusda whe lerwe unli-un, ꞌawet nohgha whultsꞌut wheꞌ hoontꞌoh.

Mark 13:21

ꞋOh de dune ndunóhohutni de, ‘Nulhꞌen Christ njan usda!’ Kꞌus, ‘Ngut usda!’ nohoútni de, nohba ꞌalhaꞌ ꞌuhudooniꞌ junih.

Luke 17:23

ꞋEt ꞌonghohne dune ndunóhodoniꞌ, ‘ꞋOn ꞌun whunulhꞌen!’ kꞌus ‘Njan whunulhꞌen!’ Khun butsꞌu toohdilh junih ꞌinkꞌez bubun toohdilh junih!

Luke 21:8

ꞋInkꞌez ꞌubulhni, “Soo cho howahli. Khun te dune nanohonooꞌah junih. Lhane sooziꞌ gha whusahútidulh ꞌinkꞌez ꞌuhudutinelh, ‘Si ꞌen ꞌustꞌoh,’ ꞌinkꞌez ꞌawet whusawhútikulh, hutni de, khun te ubuntoohyaꞌ junih.

John 1:26

ꞋEt John ubúlhni, “Si too be dune too be ꞌusꞌen ꞌet hoontsꞌi nohtoh ꞌilhoghun dune hoonli, ꞌen ꞌaw tꞌenuzáhzun.

John 18:36

ꞋEt Jesus ꞌuyulhni, “Ntsꞌe la lerwe usdli-un ꞌaw ndi yun kꞌut iloh ꞌuhoontꞌoh. ꞋEt ndi yun kꞌut whulerwe usdli de, sunidulhne ꞌaw daꞌ Lizwifne tlꞌa sulhoohoolhtel ooleꞌ daꞌ. ꞋAwundooh, whulerwe usdli-un ꞌaw ndi yun kꞌut iloh ꞌuhoontꞌoh.”

Romans 14:17

Yakꞌusda dune kꞌúneꞌ bulꞌen-un huwun, ꞌaw tsꞌaꞌálh-i kꞌus tsꞌutnai-i, ꞌi ghun íloh ꞌuhoontꞌoh. Ndoni neyudíltsꞌut ꞌet huwa Yakꞌusda nalh tsꞌihꞌun ꞌútsꞌutꞌen, ꞌen gha nedzi dóghel, ꞌinkꞌez tsꞌohótꞌeꞌ.

Colossians 1:27

Ndi wheꞌ hoontꞌoh hooyoh-un, ꞌet tꞌetsꞌontizeh ꞌet netsꞌu hukwaꞌ ninzun. Dawhuldzooꞌ ꞌinkꞌez dawhulcho ꞌuhoontꞌoh ꞌinkꞌez ꞌudun yun kꞌut whutꞌenne, ꞌenne bubaꞌ hoontꞌoh. Christ ꞌen nohyudinda, ꞌet huwa Yakꞌusda ye diztiꞌ-i, ꞌi ooka tse hoohli.