Luke 17:16 - Yak'usda Ooghuni

¹⁶ ꞋEt Jesus yubut yun ꞌet nachániti, ꞌinkꞌez lhkꞌuz te musi yulhni. ꞋEn dune Samaria whutꞌen-un ꞌuntꞌoh.

Luke 17:16 Iomraidhean Croise

Genesis 17:3

ꞋEt Abram yubut nachanitno ꞌinkꞌez Yakꞌusda (Elohim) ꞌen yulh yalhduk, njan ꞌuyulhni,

Matthew 10:5

ꞋEt ꞌawet ndunne whunizyane ꞌon ꞌat nane, ntsꞌe ꞌuhutitꞌelh Jesus whuz ubutilhꞌah. Khuni butlꞌa danꞌai ndubulhni, “ꞋUdun yun kꞌut whutꞌenne buti tsꞌe ti toohdilh junih. ꞋInkꞌez Samaritan bukeyoh tsꞌu ti whuz te toohyaꞌ junih.

Matthew 2:11

ꞋEt yoh dahunindil whe tsꞌoodun hitilhꞌen. Ooloo Mary ꞌen bulh. Hibut nachánilya ꞌinkꞌez hitsꞌun teniꞌ nalhdzun. Huye ꞌúzdla-i hidah lhchꞌaz hiyilhchoot hiyé ha háyanla-i ꞌinkꞌez hitsꞌu hítilhdil. Gold, yoo sooltsun-i frankencense huyulhni, ꞌinkꞌez yoo Myrrh huyulhni ꞌi cha, ꞌi hitsꞌu hítilhdil.

Mark 5:33

ꞋEt tsꞌeke daja whe soo náꞌuja tꞌeoonanzin whe butahaínya nuljut kꞌet dutlut ꞌinkꞌez Jesus yubut nachániti ꞌinkꞌez khuni ꞌalhaꞌ ꞌuntꞌoh-i be tsꞌiyawh yulh náhoolnuk.

Luke 17:17

ꞋEt Jesus uyúlhni, “Whunizyane lakw eh soo naꞌhuja? Ndunne ꞌilho hoolohne ntsꞌe whe hándil?

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

John 4:9

ꞋEt ndun Samaria tsꞌekeꞌ ꞌen yúlhni, “Nyun Lizwif ꞌintꞌoh ꞌinkꞌez si Samaria tsꞌekeꞌ ꞌustꞌoh, ꞌinkꞌez di haꞌ dini too stsꞌu haꞌ dini?” Lizwifne ꞌaw Samaria whutꞌenne ꞌaw buka lheꞌhunízun.

John 5:23

ꞋEt huwa la ooYeꞌ dune tsꞌiyanne ꞌen hidólhtiꞌ ntsꞌenꞌa la ooBá hidílhtiꞌ hukwꞌunꞌa. Mbe la ooYeꞌ lhidílhtiꞌne ꞌaw ooBá ꞌen cha lhuhidílhtiꞌ, ꞌinkꞌez ꞌen ꞌuyinla duYeꞌ whusayálhꞌaꞌ inleꞌ.”

John 8:48

ꞋEt Lizwifne ꞌuhuyúlhni, “Ꞌalha ꞌi be ntsꞌuyútni nyun Samaria whutꞌen-un ꞌintꞌoh ꞌinkꞌez ntsiꞌ-i nudúdeh-i nyudínda!”

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

1 Corinthians 14:25

ꞋEt whe la dudzi yo whe yuntilhꞌi-i, ꞌi tsꞌiyanne nalhtsꞌet ha óotiltsꞌulh wheꞌ hoontꞌoh. ꞋEt huwa nachánitno, Yakꞌusda tsꞌun teniꞌ untilhdzilh, ꞌinkꞌez ꞌalhaꞌ Yakꞌusda nohtoh ꞌúntꞌoh dutinelh.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”

Revelation 4:10

ꞌet ndunne nat whunizyane ꞌon ꞌat dine dune ꞌutso whudilhdzulhne, mbe kwꞌutsꞌuzda cho diztiꞌ-i kꞌut usda-un, ꞌilhiz ꞌinkꞌez ꞌilhiz wheni khuna-un, ꞌen hibut nacháhunuldulh, hitsꞌu téniꞌ hunilhdzun chaꞌ hutꞌen. ꞋInkꞌez butsi kꞌéyuzdla-i hibut nehíninla, ꞌinkꞌez ꞌuhutni,

Revelation 5:14

ꞋEt nyoo dunghi ꞌusjiz-i, ꞌi ꞌutni, “ꞋEt ndo honeh!” ꞋInkꞌez nat whunizyat ꞌon ꞌat dine ꞌutso whudilhdzulhne, hibut nacháhunildil ꞌinkꞌez ndun ꞌilhiz wheni khuna-un hitsꞌu teniꞌ nalhdzin.