Luke 17:15 - Yak'usda Ooghuni

¹⁵ ꞋEt ꞌilhoghun soo naꞌuja tꞌewhunanzin whe ꞌet nahundunizya ꞌinkꞌez yutsꞌu naoosja. ꞋEt tube cho Yakꞌusda dálhtiꞌ.

Luke 17:15 Iomraidhean Croise

Matthew 9:8

ꞋIlhunaoodúlhne tsꞌiyawh buba hooncha ꞌinkꞌez Yakꞌusda hudálhtiꞌ, lheꞌultus dunne butlꞌa honꞌai ꞌet huwa.

Mark 2:12

ꞋAho dunadija, yukꞌusti-i yilhchoot ꞌinkꞌez tsꞌiyanne nalh whenája. Tsꞌiyawh buba hooncha ꞌinkꞌez Yakꞌusda hidálhtiꞌ ꞌinkꞌez ꞌuhútni, “ꞋAw whutsodaꞌ nduhoontꞌoh-un lhtsꞌuhoos̱ꞌen.”

John 5:14

Njan ꞌet ndúhooja-un hukwꞌelhꞌaz lugliz whucho ꞌet Jesus ndun nayilhti ꞌinkꞌez ꞌuyulhni, “Hadih, ꞌandit ꞌawet soo náꞌinja. Lubeshi ꞌilhꞌen-un ꞌetsul ꞌoneh, doo ka la ꞌon nus ꞌuwhultsiꞌ-un ꞌet nghá holtsꞌit!”

John 9:38

ꞋEt dune yubut nachániti ꞌinkꞌez, “SMoodihti, sba ꞌalhaꞌ ꞌintꞌoh!” yúlhni, ꞌinkꞌez yutsꞌun teniꞌ nalhdzin.