Luke 17:1 - Yak'usda Ooghuni

¹ ꞋInkꞌez Jesus yugha hodulꞌehne ꞌet ndubulhni, “Whe tankꞌus uznintꞌi-un ꞌahoolhyiz ꞌet whuzdla wheꞌ hoontꞌoh. ꞋEt hoontsꞌi dune oogha tankꞌus ꞌúwhutꞌen-un, ꞌet dawhultsiꞌ-un ootsꞌu hóoltsꞌulh.

Luke 17:1 Iomraidhean Croise

Matthew 16:23

Peter yutsꞌu nálhꞌa ꞌinkꞌez ꞌuyulhni, “Satan stꞌa nenínyaih! Sba dzoh ꞌudini! Yakꞌusda datꞌen-un, ꞌaw howu nuni lhnuzinzut. Ndi yun kꞌut dune neꞌhutꞌen-un, huwun nuni ninzut!”

Matthew 18:7

Ndi yun kꞌut dilhtsꞌine, hukwaya hoonli tuneꞌ ꞌutꞌenne, ꞌ dawhultsiꞌ-un, butsꞌu hóoltsꞌulh wheꞌ hintꞌoh. Hukwaya hoonli tuneꞌ whutitꞌen wheꞌ hoontꞌoh. ꞋInkꞌez mbe la oogha ꞌet ndúhooja-un, dawhultsiꞌ-un, hotiꞌelh wheꞌ hoontꞌoh!

Luke 16:31

ꞋInkꞌez ꞌuyulhni, ‘Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌaw huyoozólhtsꞌai hukwa lheꞌhunizun de, ntsꞌenꞌa ꞌilhughun dazsai-un yaidlane tuz ha naja-un hoontsꞌi ꞌaw bubeni ꞌutsꞌun náꞌyooleh ꞌaitꞌoh.’”

Romans 14:13

ꞋEt huwa ꞌandit whutsꞌun ꞌaw ꞌuyoonne ba nalhtsꞌuhoosye. Tsꞌiyawh whuz unꞌa za ꞌuznoozin, ꞌaw ꞌon ꞌat neyulhutsinke Jesus Christ hichꞌaz naóolꞌah ha whuz lhubuznoolhtꞌi, kꞌus buba dzoh ꞌuzdooniꞌ junih.

Romans 16:17

Sulhutsinke njan huwun nohgha dúsni, nohtoh mbene la whunohodalhꞌeꞌ whuchꞌaz yálhdukne, ꞌenne bugha lhchꞌaz nedutahdulh ꞌinkꞌez nohba hoontsiꞌ tileh. ꞋEt nduntꞌóhne buka huwolhleꞌ ꞌinkꞌez buchꞌaz naóolhꞌah.

1 Corinthians 10:32

ꞋEt huwa Lizwifne ꞌinkꞌez ꞌudun yun kꞌut whutꞌenne cha, ꞌinkꞌez Yakꞌusda ba ꞌilhunaoodúlhne, ꞌenne cha, mbene hinli hoontsꞌi, ꞌet hoonli whe tankꞌus uboolhtselh junih.

1 Corinthians 11:19

ꞋEt nohtoh lhelhtsꞌun unꞌa didohne hinli ꞌet whuz unꞌa ꞌet dó tanelh. ꞋEt whe la mbene nohtoh Yakꞌusda ba unzoone, ꞌenne tsꞌiyanne tꞌebuntizeh wheꞌ hoontꞌoh.

1 Corinthians 8:13

ꞋEt huwa ndi ꞌutꞌalh-i huwa tꞌaih-i, ꞌi gha sulhutsin tankꞌus óoneh de, ꞌet de ꞌaw ꞌon ꞌat ꞌutsung óosꞌalh ꞌaitꞌoh, doo ka la si sgha sulhutsin tankꞌus óoneh.

1 Timothy 4:1

ꞋEt Ndoni soo tsꞌihꞌun unꞌa tsꞌet gaih yalhduk whe ndutni, kꞌat le ntsiꞌ-i nududehne whulohne dune nabuntiꞌah. ꞋEt huwa ndet la whubodutilhꞌeh-un, ꞌet za huhootuzalhtsꞌilh. ꞋInkꞌez ndi be ꞌalha ꞌuhoontꞌoh-i, ꞌi hila dutitnih wheꞌ hoontꞌoh,

Revelation 2:14

ꞋEt hoontsꞌi oolohkhun ꞌutsꞌun unꞌa sba ꞌahtꞌoh. Whulohne nohtoh Balaam ooghuni ꞌi huyoontun ꞌet huwa. ꞋEn ꞌuntꞌoh Balak hodalhꞌeꞌ. ꞋEn ꞌuja Israel ootsꞌu haindene whubodalhꞌeꞌ but ꞌukꞌeltsi gha tꞌaih-i, ꞌi huyooꞌalh ꞌinkꞌez ꞌuyoonne tsꞌekoo ꞌinkꞌez ꞌuyoonne dune bulh cha nintaꞌhootꞌih whe uboolhgooh hukwaꞌ ꞌutꞌen.

Revelation 2:20

ꞋEt hoontsꞌi hoontsool-unyaz whe sba ꞌutsꞌun unꞌa ꞌahtꞌoh. Nyoon tsꞌeke Jezebel nus hóoꞌen naꞌdudútni. Hubodulhꞌeh ꞌinkꞌez seꞌ ꞌulhnane tankꞌus úbunilhtꞌi. ꞋUyoonne dune ꞌinkꞌez ꞌuyoonne tsꞌekoo bulh nintaꞌhootꞌih. ꞋInkꞌez ꞌukꞌeltsi gha tꞌaih-i huyooꞌalh hukwaꞌ bulhꞌen. ꞋEn tsꞌeke ꞌaw whuchꞌa lhnuzáhyoot.