Luke 16:9 - Yak'usda Ooghuni

⁹ ꞋInkꞌez nohdusni, ndi sooniya, ꞌi be kꞌeke nahultsih. ꞋInkꞌez datíhtsah de, ꞌet de si, ꞌilhiz ꞌuhoontꞌoh tsꞌe, whuz la danóhoholelh.

Luke 16:9 Iomraidhean Croise

Matthew 19:21

Jesus ndúyulhni, “Lhadulya-un tanlelh hukwaꞌ ninzun de, ndai la ꞌintꞌi-i, ꞌi tsꞌiyawh beꞌ oonket, ꞌinkꞌez telꞌenne butainínle. ꞋEt de la ndo yakꞌuz ndai ꞌilhoozanla-i, ꞌet mba tilalh. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Matthew 6:19

“Ndi yun kꞌut uhtꞌiꞌ-i ꞌilhoozáhle iloh. ꞋUkꞌenaditsih ꞌinkꞌez musdziyaz cha gak yutilhtselh. ꞋUndunutꞌihne nohghu dáꞌ hutiyus ꞌinkꞌez hiduntitꞌih.

Matthew 6:24

“ꞋAw ꞌilhoghun dune nane moodih ba ootꞌen ꞌaitꞌoh. ꞋIlhoghun ꞌen yutsꞌu dutitni ꞌinkꞌez ꞌilhoghun yukꞌetisiꞌ. Kꞌus ꞌilhoghun yukꞌúneꞌtitꞌen ꞌinkꞌez ꞌilhoghun yuchꞌaz dútatni. ꞋAw Yakꞌusda kꞌuneꞌ ꞌintꞌen ꞌinkꞌez sooniya cha kꞌuneꞌ ꞌontꞌen ꞌaitꞌoh.”

Luke 11:41

ꞋEt hoontsꞌi ndai la ahtꞌi-i, ꞌi be ꞌi ooloh telꞌenne be la oohtꞌen. ꞋEt tsꞌiyaitsuk nohba whunaꞌoodeh.

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 14:14

ꞋEt nyun ꞌukꞌenus hoonzoo-un nyulh ꞌúhoneh, ꞌaw mba kꞌelha hoohoolhtselh ꞌaitꞌoh. ꞋInkꞌez nyun tsꞌihꞌun ꞌuntꞌohne dunahudidil de, ꞌet de mba kꞌelha whutaleh.”

Luke 16:11

ꞋEt huwa sooniya, be tsꞌihꞌun nulhéꞌzahtꞌen de, ntsꞌenꞌa suba be hoonzooꞌ hoontꞌoh-i, nohtlꞌa ookat?

Luke 16:13

ꞋAw ꞌilhoghun ꞌustlé-un nane moodih ba ootꞌen ꞌaitꞌoh. ꞋEt ꞌilhoghun yutsꞌu dutitni ꞌinkꞌez ꞌilhoghun yukꞌetitsiꞌ. Kꞌus ꞌilhoghun yukꞌúneꞌtitꞌen ꞌinkꞌez ꞌilhoghun yuchꞌaz dútatni. ꞋAw Yakꞌusda kꞌuneꞌintꞌen ꞌinkꞌez sooniya cha kꞌuneꞌontꞌen ꞌaitꞌoh.”

Luke 16:4

Datísnelh-un howu nuni níszut. Seꞌ ꞌutꞌen ninta nusꞌai de, dunene duyoh la dasóholhtelh.’

Acts 10:31

sbut usyin ꞌinkꞌez ꞌusúlhni, ‘Cornelius, Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda yunalni.

Acts 10:4

Tube oogha ꞌúnjaz whe lizas yunilhꞌen ꞌinkꞌez, “Dáhooja?” yúlhni. ꞋEt lizas ꞌutni, “Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda nyunalni.

2 Corinthians 4:17

ꞋEt ndet la hóontsiꞌ-un neghá whunkat-un, ꞌet ꞌatsulyaz za neba ꞌuwhutꞌih ꞌet huwa. ꞋEt neba ꞌantsꞌi leꞌ ꞌuhoontꞌoh. ꞋEt kꞌus ndi be hóontsiꞌ-un neghá whunkat, ꞌet ꞌi be ꞌon nus neba be óodiztiꞌ-i neba yulhtsi. ꞋInkꞌez ndi be óodiztiꞌ-i, ꞌilhiz wheni ꞌuyínla.

Jude 1:21

Yakꞌusda ye nékꞌensiꞌ-i, ꞌi za bulh óohtꞌeꞌ. NeMoodihti Jesus Christ ye teꞌ ninzun-i, ꞌi be ꞌilhiz tsꞌukhoonaꞌ-un tsꞌuwhutꞌi, ꞌet za hukwa itóhꞌen.