Luke 16:28 - Yak'usda Ooghuni

²⁸ Kwulane sulhutsinke hooni. Khun tilah khuni bugha óoꞌalh. Doo ka si ndiz dune dzoh nudeh tsꞌe hutoodilh.’

Luke 16:28 Iomraidhean Croise

Luke 16:27

ꞋEt uyúlhni, ‘ꞋUbá Abraham ntsꞌu tedusdli, Lazarus ꞌubá ooyoh tsꞌe ꞌilhꞌalh.

Acts 10:42

ꞋInkꞌez ndi khuni unzoo-i dune be bubulh yátsꞌoolhduk, huwa néulhꞌa ꞌinkꞌez ꞌet ꞌuzdooniꞌ Yakꞌusda Jesus ꞌen ꞌutahayálhti dune yaidlane ꞌinkꞌez khunane cha huba nahooyeh ha.

Acts 18:5

ꞋEt Silas Timothy bulh Macedonia tsꞌe ha náhitꞌaz. ꞋEt Paul Ndoni yula ꞌutꞌen whe ndunne Lizwifne soo cho whúbunulhtun Jesus, ꞌen Christ, ꞌen ꞌuntꞌoh.

Acts 2:40

ꞋEt Peter saꞌ whe bubulh yálhduk ꞌinkꞌez buba nus whúnilhtꞌi ꞌinkꞌez ubúlhni, “ꞋUdudúlhyis! Ndunne ntsiꞌne buchꞌaz nálhꞌah, ꞌinkꞌez bubulh ꞌahtꞌen iloh, Yakꞌusda dzoh nubutilhdeh wheꞌ hoontꞌoh.”

Acts 20:21

Lizwifne ꞌinkꞌez ꞌudun yun kꞌut whutꞌenne ꞌalhgoh tube cho bugha dísniꞌ Yakꞌusda tsꞌun dudeni nahondunooleh, ꞌinkꞌez Jesus Christ neMoodihti ꞌen buba ꞌalhaꞌ yotꞌeꞌ.

Acts 20:23

ꞋEt za tꞌéoonúszun, keyoh totsuk Ndoni sgha khuni ꞌaꞌaih, ‘Dzoh nutánzut ꞌinkꞌez ꞌataltsꞌulh ꞌet mba whuzꞌai,’ súlhni.

Acts 20:24

ꞋEt hoontsꞌi ꞌet ꞌantsꞌiꞌ ꞌuhoontꞌoh, ꞌinkꞌez si be khúsna-i cha sba ꞌantsꞌi unli, khun si ndi ꞌutꞌen sghaltsꞌút-i ꞌinkꞌez Jesus Christ neMoodihti ꞌutꞌen kꞌoh stlꞌa hónꞌai-un cha, hoonústꞌiꞌ whe lhaóodoosdleh khuni unzoo-i be Yakꞌusda ye únzoo-i ghun whúbunoostun ha.

Acts 23:11

ꞋEt ꞌulhdzis za neMoodihti Paul yuzih usyin ꞌinkꞌez uyúlhni, “Ndo ꞌuduniltꞌi. Njan Jerusalem ntsꞌenꞌa la si sghun tsꞌihꞌun ubudániꞌ ꞌet Rome cha whuz unꞌa za ꞌudutánelh.”

Acts 26:22

ꞋEt ꞌoh daꞌ ꞌandit dzin whutsꞌun Yakꞌusda sla ꞌítꞌen. ꞋInkꞌez ꞌandit njan nohbut susyin tsꞌiyanne dósniꞌ ha, telꞌenne cha ꞌinkꞌez díztiꞌne cha. ꞋInkꞌez daja dusni-un Yakꞌusda be nus hóoꞌenne ꞌinkꞌez Moses cha daóotanelh hutni-un, ꞌet za ꞌuwhudúsni.

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Acts 8:25

ꞋEt whe bughuni ulhtus whe neMoodihti ooghuni ghu yáhálhduk hukwꞌelhꞌaz John ꞌinkꞌez Peter bulh Jerusalem tsꞌe nahoostꞌas. Hiꞌus whe Samaria whutoh keyoh whuyaz totsuk khuni unzoo-i be dune bubulh yáhulhduk.

Galatians 5:3

Doo cha za whunoh untistun. Mbe la dune yuka dune unli-i kꞌut huyuztꞌus de, ꞌet nduntꞌoh dune, ꞌen Moses be ꞌudustlꞌus, ꞌi tsꞌiyawh yukꞌuneꞌ ootꞌen hubaꞌ hoontꞌoh.

Ephesians 4:17

ꞋEt huwa njan huwun nohdusni, neMoodihti nalh ꞌudusni, ꞌudun yun kꞌut whutꞌenne ꞌaw lahootꞌoh hukwꞌunꞌa nuni hunudeh. ꞋEnne bukꞌunꞌa oohtꞌeꞌ junih.

1 Thessalonians 2:11

Tꞌeoonuhzun ntsꞌenꞌa la nohbáke nohkꞌentsiꞌ whe nohgha hanleꞌ, ꞌet whuz unꞌa nohbulh ꞌutsꞌintꞌoh. ꞋEt huwa khuni ulhtus-i be nohbulh yatsꞌulhduk, ꞌinkꞌez kꞌenánohtsꞌuniꞌa. Datihtꞌelh-un, ꞌet whunoh uznulhtun.

1 Thessalonians 4:6

Khun te neulhutsin unline neghá whunistꞌen whe buꞌat bulh nintaꞌtsꞌootꞌen junih. ꞋEt whuz unꞌa za whutsodaꞌ nohdasniꞌ. ꞋInkꞌez doo cha za nohdusni, neMoodihti ꞌen za ndóohoontꞌoh-un huwun kꞌútneh-un ꞌuntꞌoh.