Luke 16:25 - Yak'usda Ooghuni

²⁵ ꞋEt hoontsꞌi Abraham ꞌuyulhni, ‘Syeꞌ yinka sinda daꞌ whunailnih eh? Tsꞌiyaitsuk unzoo-i nghánkat. ꞋEt hoontsꞌi Lazarus hoontsiꞌ-un za oogha whunkat. ꞋEt ꞌawet hoonzoo-un ooghá whultsꞌut, ꞌinkꞌez nyun ꞌandit dzoh ninzut.

Luke 16:25 Iomraidhean Croise

Matthew 27:63

ꞋEt ꞌuhúyulhni, “Nemoodih ndun nenanꞌa-un ꞌawhuz khuna whe daja neúlhni la, ꞌet whunatsꞌilnih ‘Tat dzin inleꞌ de dunádutásdalh,’ ni.

Mark 9:45

ꞋEt nke ꞌi gha lubeshi ꞌinla de, kꞌunintꞌas! Nke kꞌuz za ꞌintꞌi whe yakꞌuz whénya de whuz ꞌilhiz khutanalh, ꞌukꞌenus mba hootázooꞌ. Lhchꞌaz nke bulh kwuncho yo tsꞌe whénya de ꞌukꞌenus mba hootátsiꞌ, whuz kwun nalhnusne whe ꞌuntꞌoh.

Luke 16:20

ꞋInkꞌez ꞌilhoghun dune telꞌen-un, Lazarus huyulhni, ooyustꞌe ndulcho whe ooka whulhjut. ꞋInkꞌez dune hoonzooꞌ ꞌuntꞌoh-un yudati ꞌet huyulhti.

Luke 16:23

ꞋInkꞌez yaidlane toh usda ꞌinkꞌez tube dzoh nuzut. ꞋEt ndo yútanꞌen whe nilhdzaꞌ ꞌet Lazarus, Abraham yuzih usda whe ꞌubutilhꞌen.

Luke 16:26

ꞋInkꞌez ꞌaw ꞌet za iloh, nyun ꞌinkꞌez wheni neulh eguz tube yádalhdzaꞌ wheꞌ hoontꞌoh. ꞋEt huwa njan whutsꞌun ꞌaw ntsꞌun hutooyaꞌ ꞌaitꞌoh kꞌus nyun nyooz de cha ꞌaw diz hutooyaꞌ ꞌaitꞌoh.’

Luke 6:24

“ꞋEt hoontsꞌi nohni hoonzooꞌ ꞌuntꞌohne soo cho howahli! Be hoonahtꞌiꞌ-i be ꞌudaꞌ tsꞌiyawh nohba ꞌukꞌelha whuzdliꞌ.

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Romans 8:7

Njan huwaꞌ dusni, mbene la ꞌahoolhyiz lubeshi ghu nuní nuzutne, ꞌenne Yakꞌusda chꞌaz ditnine hinli ꞌinkꞌez Yakꞌusda ookꞌoh tsꞌe kꞌúneꞌ hootꞌen-un whutlꞌa lhéꞌhududulhti, Yakꞌusda kꞌúneꞌ hutitꞌen ꞌaw ꞌúhóoneh ꞌaítꞌoh ꞌet huwa.

Philippians 3:19

Ooba ꞌalhaꞌ lheꞌhootꞌohne nintaꞌhutitꞌelh. Bubut ꞌi buba Yakꞌusda unli. Ndi yun kꞌut yooya tsꞌiyawh hiyulh ꞌuntꞌoh ꞌinkꞌez ꞌi za hiba whudílhtiꞌ. Ndi yun kꞌut hoonli-i, ꞌi za ghu nuni hunudeh.

1 Thessalonians 3:3

ꞋEt njan dune dzoh nuneulhdeh-un whe nohba dzoh ooleꞌ junih. Nohnichꞌoh tꞌeoonahzin njan nebaꞌ hóolya wheꞌ hoontꞌoh.

Hebrews 11:25

ꞋEt kꞌus Yakꞌusda ooduneꞌne, ꞌenne bulh lhat-un hoontsiꞌ-un dzoh nutizut, ꞌet whuz unꞌa Moses ꞌutahahónꞌai. ꞋAtsulyaz lubeshi be hootátꞌeꞌ-un, ꞌaw ꞌet iloh ꞌutahahónꞌai.

1 John 2:15

Ndi yun kꞌut tankꞌus ꞌuwhutꞌen-un ꞌinkꞌez ndi yun kꞌut hoonli, ꞌi cha, whutsꞌu nóohtꞌi junih. Mbe la ndi yun kꞌut tankꞌus neꞌwhutꞌen ndóohoontꞌoh-un whutsꞌu nintꞌi de, ꞌaw neBá ye nékꞌensiꞌ-i ooghu whe yooloh whe ꞌuntꞌoh.

Revelation 7:14

ꞋEt ꞌudúsni, “SMoodih nyun tꞌeoonínzun.” ꞋEt ꞌusúlhni, “ꞋOh de soo ꞌukꞌenus dune dzoh nuhutidoh, whutoh tehudulya. ꞋInkꞌez ꞌusbaiyaz buzkaiꞌ be dunaih tunáhuyuzguz ꞌinkꞌez ꞌulhyul suliꞌ.