Luke 16:24 - Yak'usda Ooghuni

²⁴ ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Luke 16:24 Iomraidhean Croise

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Matthew 3:9

ꞌinkꞌez khun njan dudohniꞌ junih, wheni Abraham ootsꞌu haindene tsinli. Nohdusni Yakꞌusda soo ꞌultus whe ꞌuntꞌoh, ndi tse hoontsꞌi ꞌi be Abraham ootsꞌu haindene ubutilhtselh whe ꞌuntꞌoh.

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Luke 16:30

ꞋInkꞌez ꞌuyulhni, ‘ꞋAwundooh ꞌubá Abraham. ꞋEt ꞌilhoghun yaidlane toh tsꞌe ha nája de ꞌinkꞌez butsꞌu tizya de, ꞌet huwa la dudeni nahondunooleh.’

Luke 19:9

ꞋEt Jesus ꞌuyulhni, “ꞋAndit dzin dune ye dujis-i whe njan yoh dilhtsꞌine bugha íyultsꞌut. Ndun ꞌen cha Abraham tsꞌu hainzut whe ꞌuntꞌoh ꞌet huwa.

Luke 3:8

ꞋEt huwa nohlubeshi chꞌa noheni náhandunoohleh de, ndahtꞌen-un tsꞌiyanne tꞌehonózin ndahtꞌoh la. ꞋInkꞌez khun njan ndunadudoohtniꞌ junih wheni Abraham ootsꞌu haindene ꞌutsꞌintꞌoh. ꞋAlhaꞌ tsꞌihꞌun unꞌa nohdusni, Yakꞌusda soo ꞌultus whe ꞌuntꞌoh, ndi tse ꞌi hoontsꞌi ꞌi Abraham ootsꞌu haindene yutilhtselh.

John 4:10

ꞋEt Jesus uyúlhni, “Yakꞌusda huwa íninꞌai-i, tꞌeninzun de, ꞌinkꞌez mbe ꞌutni nyulh yálhduk whe too ntsꞌu ha ꞌutni-un, ꞌen tꞌenínzun de, ꞌet de nyun daꞌ oodolhkut ꞌinkꞌez ndai la too oogha huye khuna-i, ꞌi daꞌ nghá yolhdzeh ooleꞌ,” yúlhni.

John 4:14

ꞌet hoontsꞌi mbene la too bugha ítasdzoh, ꞌi huyitnaiꞌ de, ꞌaw ꞌon ꞌat taꞌhódaꞌ ꞌaítꞌoh. Mbe la ndi too oogha ínusdzo-un, ꞌi too ꞌahoolhyiz ninli ndultꞌoh, ꞌi be ꞌahoolhyiz wheni huhutinalh,” yúlhni.

John 7:37

ꞋEt ꞌawet nuhwhújeh-un cho whutoh, ꞌudekꞌez dzin-un, ꞌet dzin ꞌukꞌenus hooncha. ꞋEt dzin ꞌet Jesus butoh usyin ꞌinkꞌez soo khuniti be bubulh yálhduk, “Mbene la taꞌóosdane stsꞌun túhdilh ꞌinkꞌez uhtnai!

Romans 4:12

ꞋInkꞌez whulohne Lizwifne, ꞌenne cha Abraham butso whudilhdzulh unli. Lizwifne tsꞌiyawh bubuhúztꞌus whe bube hóodatꞌen. ꞋEt hoontsꞌi mbe la Lizwifne Abraham kꞌunꞌa Yakꞌusda ooghuni buba ꞌalhaꞌ ꞌuntꞌohne, ꞌenne za Abraham butso whudilhdzulh-un unli.

2 Thessalonians 1:8

ꞋEt ꞌoh de ndunne Yakꞌusda tꞌenuszunne ꞌinkꞌez neMoodihti Jesus Christ ooghuni unzoo-i kꞌúnulheꞌustꞌenne, ꞌenne kwun tluk be buba ꞌukꞌelha whutaleh. ꞋEt whuz unꞌa ꞌenne butsꞌun kꞌutitnelh.

James 2:13

ꞋInka ndet dzin suba neba nahutideh-un whusaóotiltsꞌulh, mbene lhgha tꞌelhenízun-un, ꞌen oogha telheꞌwhunídzun whe Yakꞌusda buba nahutiyeh. ꞋEt mbe ꞌuyoon gha téꞌ ninzun-un, ꞌen Yakꞌusda yugha teꞌuntazeh whe yuba nahutiyeh.

James 3:6

Netsoola ꞌantsꞌi kwun leꞌ ꞌuntꞌoh. Ndai la khuni tsꞌihꞌun unꞌa lheꞌítꞌoh be yatsꞌulhduk-i, ꞌi be dubih. ꞋI be ndulcho neyustꞌe nintaꞌyulhꞌih. Ndi yun kꞌut neyustꞌe whutsꞌu nintꞌi-un, ꞌantsꞌi kwun kꞌunꞌa hoolhtus whulhtsih. ꞋInkꞌez netsoola ꞌi kwuncho yo whumoodih, ꞌen be dikꞌaih.

Revelation 19:20

ꞋEt ndi khuna-iti ntsiꞌ-i huyílhchoot. ꞋInkꞌez whutsꞌit whe nus hooꞌen-un, ꞌen cha huyílhchoot. ꞋEn ꞌuntꞌoh khuna-iti ntsiꞌ-i nalh huwa ꞌítꞌen te neꞌústꞌen. ꞋI be mbene khuna-iti ntsiꞌ-i oonutsi be bube hóodatꞌenne ꞌinkꞌez mbene ookꞌeyíltsi tsꞌun teniꞌ nalhdzinne, ꞌenne tsꞌiyawh nabunanꞌa. ꞋEt ndunne nahúltꞌoh hukhuna whe kwun sulphur be dízkꞌun-i bunghun dúwhulcho-un, ꞌet tsúbodano.

Revelation 20:15

ꞋInkꞌez mbene la tsꞌukhuna-i ꞌudustlꞌus kꞌut bubooziꞌ ꞌukꞌu lhíguzne, ꞌenne tsꞌiyawh ndi kwun bunghun dulcho-i ꞌet tsú buhudalhdil.

Revelation 22:1

ꞋInkꞌez ꞌukoh soo too unzoo-i, oogha tsꞌukhuna-i soo unzoo kꞌet teh ndulcho whe hootꞌen, ꞌet whusúnilhtan. Yakꞌusda ꞌinkꞌez ꞌusbaiyaz bukwꞌutsꞌuzda cho díztiꞌ-i, ꞌi ꞌukoh ootsꞌu ha yánli.