Luke 16:23 - Yak'usda Ooghuni

²³ ꞋInkꞌez yaidlane toh usda ꞌinkꞌez tube dzoh nuzut. ꞋEt ndo yútanꞌen whe nilhdzaꞌ ꞌet Lazarus, Abraham yuzih usda whe ꞌubutilhꞌen.

Luke 16:23 Iomraidhean Croise

Matthew 11:23

ꞋInkꞌez nohni Capernaum whutꞌenne yakꞌuz huba soo ꞌáhtꞌoh kwuncho yo tsꞌu nohotilhdulh! ꞌalha ꞌudaꞌ hoolhtus-un nohnat neꞌwhustꞌen, Sodom whutꞌenne, bunat ꞌet ndúhooja de, dudzi nahondunizdla de, ꞌawhuz daꞌ bukeyoh ꞌet whuzdla ooleꞌ daꞌ.

Matthew 18:9

ꞋInkꞌez nyuna be tankꞌus nintꞌi de, nyuna ha nínꞌaih ꞌinkꞌez ꞌun ntilhꞌis! ꞋEt nyuna ꞌilho bulh za, ꞌet whuz unꞌa ꞌilhiz be tsꞌukhuna-i ngha nínzut de, ꞌukꞌenus mba hootazooꞌ. ꞋEt hoontsꞌi nyuna nankultꞌoh bulh kwun nalhnusne-i tanyoníno de, ꞌukꞌenus mba hootatsiꞌ.”

Matthew 23:33

Tlꞌughus lubezo buzkehke léꞌahtꞌoh! Kwuncho yo wheni nohba nahutideh-un, ntsꞌenꞌa ꞌutihnelh whenghoh táhdulh? Soo gak!

Matthew 5:22

ꞋEt hoontsꞌi sichꞌoh ꞌunohdusni, mbe la ꞌantsꞌet dulh dune bulh hunilchꞌe de, ꞌenne buba nahutideh wheꞌ hoontꞌoh. ꞋEt mbe la dudulh dunene ‘Raca!’ ꞌulhníne de, ꞌet ndi khuni dakelh kꞌunꞌa ‘Ntsiꞌ’, ni whe ꞌutni, ꞌi gha nahiyilh-un but hutiyin. ꞋInkꞌez cha za mbe la dune, ‘Whuzini dune inli!’ yulhni de, mbe la ndutnine, ꞌenne tube whe whúnujut-un kwuncho yo tsꞌe buhutinoh.

Matthew 5:29

ꞋEt nailhni tsꞌe nyuna ꞌi be lubeshi ꞌinla de, ha nónꞌalh ꞌinkꞌez ꞌun ntolhꞌis. ꞋEt ꞌon nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.

Matthew 8:29

Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Luke 16:24

ꞋEt ꞌultus-un yutsꞌu huyih ꞌinkꞌez ꞌuyulhni, ‘ꞋUbá, Abraham, sgha teꞌninzeh! Lazarus ꞌen stsꞌilhꞌalh! Dzoh tsulyaz dulasga be toot nudoolga ꞌinkꞌez ꞌi be stsoola kꞌut nawhunoolhtsul! Ndi kwun be dzoh nuszut!’ yulhni.

Luke 16:28

Kwulane sulhutsinke hooni. Khun tilah khuni bugha óoꞌalh. Doo ka si ndiz dune dzoh nudeh tsꞌe hutoodilh.’

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

1 Corinthians 15:55

ꞋEt huwa ꞌutsꞌutni, bé datsꞌutsah-i ꞌaw ꞌon ꞌat be datsꞌootsah ꞌaítꞌoh. ꞋInkꞌez be datsꞌutsai-i, ꞌaw oochꞌaꞌ ninde.

2 Peter 2:4

ꞋOh daꞌ whuz unꞌa za njan dúhooja, nyoonne lizasne lubeshi inlane, ꞌenne Yakꞌusda ꞌaw buba whula lhdítnel. ꞋEt huwa tsa kꞌet whutlꞌah hooloh-un, Tartarus tsꞌutni, whuz tsꞌe whébalhdil. ꞋInkꞌez whuz tsꞌe tsalhgus yo buba nahutiyeh whutsꞌun lhuztih tlꞌool be whénubudizguz.

Revelation 20:10

ꞋEt ndi kwun, sulphur be dizkꞌun-un bunghun ndúwhulcho-un, ꞌet khuna-iti ntsiꞌ-i ꞌinkꞌez whutsꞌit-i be nus hooꞌen-un ꞌet huzke, ꞌet netsudule, dune nanaꞌah-un, ꞌen cha ꞌet tsu hídano. ꞋEt dzenis ꞌinkꞌez ꞌulhdzis ibulh ꞌilhiz ꞌinkꞌez ꞌilhiz wheni dzoh nuhutideh.