Luke 16:2 - Yak'usda Ooghuni

² ꞋInka ꞌanih yudaniꞌ ꞌinkꞌez ꞌuyulhni, ‘Daja hutni wheꞌ hutni njan nyulh udustsꞌo? Ntsꞌenꞌa syoh whumoodih inli-un tsꞌiyawh sba ꞌukꞌehóonges. Syoh whumoodih inli-un ꞌetsul ꞌinja ꞌet huwa!’

Luke 16:2 Iomraidhean Croise

Matthew 12:36

ꞋEt nohdusni mbene la ꞌaw khuni lheꞌitꞌoh-i be yalhdukne, dune ba nahidilh-un dzin whusahóoltsꞌut de, ntsꞌenꞌa khuni ꞌi be yahalhduk, whuz unꞌa buba nahutideh.

Matthew 20:8

ꞋEt ꞌawet hulhgha tsꞌe dune ꞌetsul ꞌutꞌih-un whe tsꞌekoo tooꞌ mai chun ꞌutꞌi-un, ꞌen bughunli-un ꞌanih yudaniꞌ ꞌinkꞌez ꞌuyulhni, ‘ꞋItꞌenne tsꞌiyawh whusábinle, ꞌinkꞌez buba ꞌukꞌelha hoolhtsi. ꞋUdekꞌez wheꞌ ditꞌen-un, ꞌen cho ooba ꞌukꞌelha hoolhtsi.’

Luke 12:20

ꞋEt hoontsꞌi Yakꞌusda ꞌuyulhni, ‘Whusni-un inli! ꞋAndit ꞌúlhdzis nzul naitálchulh. ꞋInkꞌez di ꞌintꞌi-i, mbe tsꞌu tíkulh?’

Luke 12:42

ꞋInkꞌez neMoodihti ꞌutni, “Kꞌus mbe tsꞌihꞌun ꞌuntꞌoh ꞌinkꞌez whunih-un unli whe yoh huwunli? ꞋEn oomoodih duyoh whumoodih yutilhtselh. ꞋEt neooduzuk de, ꞌet de la ꞌonghohne hitiꞌulh-i bugha náꞌtitꞌaih?

Luke 16:1

ꞋInkꞌez njan cha yugha hodulꞌehne, bubulhni, “ꞋIlhoghun dune hoonzooꞌ ꞌuntꞌoh-un, ꞌen yoh whumoodih ꞌutꞌi. ꞋEt ꞌuyoonne huyudaniꞌ, ‘Nyoh whumoodih ꞌintꞌi-i, ye únzoodilꞌi.’

Luke 16:3

ꞋEt nyoh whumoodih dichꞌoh naꞌdudutni, ‘Daoosneh cha há la? Smoodih ꞌawet seꞌ ꞌutꞌen sghu nahootalhchoot. ꞋAw yun hooskah ꞌaitꞌoh. ꞋInkꞌez datisó cha hukwayá usdli.

Romans 14:12

ꞋEt huwa ꞌilhoghun tsꞌinli whe datsꞌitꞌen-un, ꞌet Yakꞌusda uzdutánelh.

1 Corinthians 1:11

Sulhutsinke Chloe ooyoh dilhtsꞌine, whulohne, ꞌenne bula toh tsꞌe nohni lhedahdulh-un whulh ꞌúdastsꞌo.

1 Corinthians 4:2

ꞋAw ꞌet za iloh, mbe la yutlꞌa honꞌai-un, ꞌet ndun dune hitꞌaninootan hubaꞌ hoontꞌoh.

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

2 Corinthians 5:10

ꞋEt ꞌilhone tsinli whe Christ ꞌen nahiyilh-un oobut néztiyalh. ꞋEt huwa ndi yun kꞌut datsꞌúltsiꞌ, kꞌus datsꞌúldzooꞌ la, ꞌet whuz unꞌa neba ꞌukꞌelha whutaleh.

1 Timothy 4:14

ꞋEt ꞌoh daꞌ ndunne ꞌutso whudilhdzulhne dula ntsi kꞌut hudalni. ꞋEt whe mba nus huhonꞌen ꞌinkꞌez ꞌi nghantꞌai-i ꞌantsꞌi mba ooleꞌ junih.

1 Timothy 5:24

Whulohne bulubeshi tsꞌiyanne yunilhꞌen, ꞌet huwa ndai la ye buba nahutideh whutso, ꞌi dahaja la, tsꞌiyanne tꞌehontazin. ꞋInkꞌez whulohne bulubeshi nahinuꞌiꞌ, ꞌet hukwꞌelhꞌaz ndai la ye nahizya-i, ꞌi dahaja la, tsꞌiyanne tꞌeyuntizeh wheꞌ hoontꞌoh.

1 Peter 4:10

ꞋIlhone ꞌahli ndi ndai la Ndoni nohgha íninꞌai-i, ꞌi be lhla oohtꞌen. Ndi Yakꞌusda ye unzoo-i lhat-un lhelhtsꞌun unꞌa nohghantꞌai. ꞋEt whe ꞌuyoonne whe bula whuz unꞌa oohtꞌen.

1 Peter 4:5

ꞋEt nahiyilh-un ꞌawet lhaduja. Mbene la yaidlane ꞌinkꞌez khunane cha, hibut netidulh buba nahutiyeh ha. Dahitꞌen-un, ꞌet tsꞌiyawh hidutánelh.

Revelation 20:12

ꞋInkꞌez yaidlane ntsoolne, nchane cha Yakꞌusda but nuhúdilhya hubutísꞌen. ꞋInkꞌez ꞌudustlꞌus lhai ookꞌu neꞌúsguz-i, ꞌi lhkꞌenankat. ꞋInkꞌez ꞌuyoo ꞌudustlꞌus ookꞌu neꞌúsguz-i, ꞌi tsꞌukhuna wheꞌ ꞌudustlꞌus, ꞌi cha lhkꞌenankat. ꞋInkꞌez yaidlane bube ꞌutꞌen kꞌoh huwa ndi ꞌudustlꞌus lhai ꞌukꞌu husguz-un, ꞌi gha buba nahisda.