Luke 16:17 - Yak'usda Ooghuni

¹⁷ ꞋEt howa lhoohoolnaꞌ whe yatꞌah ꞌinkꞌez ndi yun cha hooloh whutaleh. ꞋEt hoontsꞌi ꞌon nus howa whulnaꞌ whe Moses be ꞌudustlꞌus kꞌut hoontsool-unyaz ꞌukꞌehóoguz-un, ꞌaw hooloh hóleꞌ ꞌaitꞌoh.

Luke 16:17 Iomraidhean Croise

Matthew 5:18

ꞋAlhaꞌ dusni, Moses be ꞌudustlꞌus Hebrew bughuni kꞌunꞌa hoontꞌum-unyaz whe ꞌukꞌeguz-un ꞌinkꞌez hoontꞌum-unyaz usgus-un, ndet ꞌuwhulhni, ꞌet tsꞌiyawh ꞌet ndúhooja de, ꞌet whutsꞌun ꞌaw ndi yun ꞌinkꞌez yakꞌuz cha ꞌetsul ꞌuhóneh ꞌaitꞌoh.

Luke 21:33

Yat ꞌinkꞌez ndi yun kꞌut cha tsꞌiyawh gak whutáleh, ꞌet hoontsꞌi sghuni ꞌaw hooloh lhtisdle.”

Romans 3:31

ꞋEt whula gha tsꞌe, wheni Yakꞌusda ooba ꞌalhaꞌ tsꞌintꞌoh tsꞌihꞌun unꞌa naꞌtsꞌuja, ꞌet ndutsꞌíntꞌoh de, Moses be ꞌudustlꞌus oonatsꞌodutilnoh nuhzun eh? ꞋAwundooh! ꞋAwhuz ꞌet dizꞌai. ꞋI cha Yakꞌusda ooghuni ꞌuntꞌoh.

1 Peter 1:25

ꞋEt hoontsꞌi neMoodihti ooghuni ꞌilhiz wheni ꞌet dizꞌai.” Ndi khuni ꞌi khuni unzoo-i be nohbulh yainduk, ꞌi ꞌuntꞌoh.

2 Peter 3:10

ꞋEt ooka tse lhúhoodli whe dune ꞌundunutꞌih-un ꞌulhdzis whusayaih, ꞌen kꞌunꞌa ooka tse lhúhoodli whe neMoodihti oodzin whusaóotiltsꞌulh. Ndet ndúhooja de, ꞌet ndo yat ꞌusdla-i kwun dilhtulh hukwꞌunꞌa gak whutaleh. ꞋInkꞌez ndai ꞌulya-i, tsꞌiyawh kwun ulhtus-i be tsꞌiyaitsuk natilgheh. Ndi yun ꞌinkꞌez ndai ookꞌeyuzdla-i, ꞌi bulh tsꞌiyawh dutákꞌun.

Revelation 20:11

ꞋEt ꞌawet ulhyul-i kwꞌutsꞌuzda ncha-i cho diztiꞌ-i, ꞌinkꞌez mbe yukusda-un tísꞌen. Ndi yun kꞌut ꞌinkꞌez yatꞌah cha Yakꞌusda usda-un, ꞌet oochꞌa whúzkat, ꞌi ꞌinkꞌez tsꞌiyawh gak whuzdliꞌ.

Revelation 21:1

ꞋEt ꞌawhundidi yatꞌah ꞌinkꞌez yun cha ꞌawhundidi-un, ꞌet whutísꞌen. ꞋUdechoo yatꞌah yakꞌuz ꞌinkꞌez ꞌudechoo yun ꞌet whehónkat ꞌet huwa. ꞋInkꞌez ꞌaw yatoo cha hooloh suliꞌ.

Revelation 21:4

ꞋInkꞌez Yakꞌusda bunatsul tooꞌ buna kꞌet whunaitilhdoh. Yatsꞌadlah-un cha ꞌetsul ꞌuwhutanelh. Tsꞌodi tsinli-un ꞌinkꞌez tsꞌutso-un cha ꞌetsul ꞌuwhutanelh. ꞋAw ꞌon ꞌun hukwꞌe tsꞌunduda-un cha hootáloh. Whutsꞌo daꞌ ꞌuhoontꞌoh-un tsꞌiyawh gak whuzdliꞌ ꞌet huwa.”