Luke 16:16 - Yak'usda Ooghuni

¹⁶ Moses be ꞌudustlꞌus cha ꞌinkꞌez nus hooꞌenne bubeꞌ ꞌudustlꞌus cha ndet whutsꞌun la John dune too be ꞌulhꞌen-un khuna daꞌ, ꞌet whutsꞌun dune hikꞌuneꞌ ootꞌen hubaꞌ hoontꞌoh. ꞋEt whutsꞌun whudutizut Yakꞌusda whe lerwe unli-un, ꞌet huwun khuni unzoo-i dune bulh yahulhduk. ꞋInkꞌez tsꞌiyanne whuz unꞌa húkwaꞌ hutꞌen.

Luke 16:16 Iomraidhean Croise

Matthew 10:7

ꞋAhdulh whe ꞌet budóhni, ‘Ntsꞌenꞌa la yakꞌuz kꞌúneꞌ whulꞌen-un ꞌawet nilhdukw.’

Matthew 15:11

Dune buza yúkat-i, ꞌet whe íloh hintsiꞌ hulhih. Khuni ꞌaw lhizooꞌ-i ye yalhduk-i, ꞌi be dune hintsiꞌ lhih.”

Matthew 21:32

ꞋEt be tsꞌihꞌun unꞌa ꞌuhoontꞌoh-i, ꞌi be John dune too be ꞌulhꞌen-un nohtsꞌó whusainya, ꞌinkꞌez ꞌaw nohba ꞌalha lheꞌhootꞌoh. ꞋEt hoontsꞌi sooniya nalhdzoohne ꞌinkꞌez tsꞌekoo ꞌulꞌenne, tsꞌiyawh buba ꞌalha ꞌuhoontꞌoh ꞌet huwa. ꞋEt nohni whunulhꞌen ꞌet hoontsꞌi ꞌaw noheni kꞌoh nálheꞌuhlel. Whuz unꞌa za nohba ꞌalha lheꞌhootꞌoh.”

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Mark 1:14

ꞋEt John dune too be ꞌulhꞌen-un, ꞌahúyanꞌai hukwꞌelhꞌaz, Jesus Galilee tsꞌe oozya ꞌinkꞌez bubulh yálhduk Yakꞌusda ookꞌúneꞌ whutꞌen-un, ooghuni ghun.

Mark 1:45

ꞋEt hoontsꞌi dune whenája ꞌinkꞌez tsꞌiyanne dániꞌ ꞌon nus huweꞌ yalhduk kꞌet Jesus ꞌaw keyoh dune tunóyaꞌ ꞌaitꞌoh. ꞋInka nꞌawh dune lhuhóotꞌi ꞌoh dune unli. Lhelhtsꞌiz de whutꞌenne whuz highu lhkꞌesúdil.

Luke 10:11

‘Nohkeyoh whulez neke ghu hoonli-i, nohchꞌa búnaꞌtsꞌalhde. ꞋEt hoontsꞌi tꞌewhunóhzin Yakꞌusda whulerwe-un nohenghoh ꞌuhoontꞌoh,’ budóhniꞌ.

Luke 10:9

ꞋEt mbe la ꞌet yoh ndudane cha soo naꞌboohle ꞌinkꞌez ꞌubudóhniꞌ, ‘Yakꞌusda lerwe unli-un, ꞌawet nohenghoh ꞌuhoontꞌoh.’

Luke 16:29

ꞋEt Abraham ꞌuyulhni, ‘Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha hutꞌi. ꞋI huyoozólhtsꞌaiꞌ da.’

Luke 16:31

ꞋInkꞌez ꞌuyulhni, ‘Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌaw huyoozólhtsꞌai hukwa lheꞌhunizun de, ntsꞌenꞌa ꞌilhughun dazsai-un yaidlane tuz ha naja-un hoontsꞌi ꞌaw bubeni ꞌutsꞌun náꞌyooleh ꞌaitꞌoh.’”

Luke 9:2

Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

John 1:45

ꞋEt Philip ꞌen Nathanael huyúlhni, ꞌen nayilhti, “Ndun mbe be la Moses dude ꞌudustlꞌus kꞌut yughun ꞌukꞌunéꞌ ꞌuzguz-un, ꞌinkꞌez Yakꞌusda be nus hóoꞌenne highun ꞌukꞌuneꞌ ꞌúzguz-un, ꞌen natsꞌilhti. ꞋEn ꞌuntꞌoh Jesus, Joseph ooyeꞌ unli. Keyoh Nazareth huwhútni, ꞌet whutꞌi,” yúlhni.

John 11:48

Whute ꞌutꞌen tsꞌilhꞌi de, tsꞌiyanne la buba ꞌalha ꞌootꞌeꞌ ꞌinkꞌez Romanne whusahándil whe la nelugliz whucho ꞌinkꞌez neyun kꞌut cha negha ha hólhchoot, ꞌinkꞌez la tsꞌiyawh yatsꞌódilh.”

John 12:19

ꞋEt Phariseene dichꞌoh ꞌulhodutni, “Nulhꞌen! ꞋAw hoonli-unyaz lheꞌwhahlel! Ndi yun kꞌut dune, tsꞌiyawh huyúntizdil!”

John 5:4

Soo nenaóodudzuk leꞌ whutꞌih totsuk la, lizas ndus de ha dúdoh ꞌinkꞌez tadizꞌaí-un, ꞌet too nunáhuyilnaih. Mbe la soo ꞌudechoo toot tayaih-un, ntsꞌoh dantꞌi-i dada be nduda, ꞌet hoontsꞌi soo naꞌutꞌih.

Acts 3:18

ꞋEt ꞌudaꞌ whe Yakꞌusda daniꞌ ꞌet ndunne Yakꞌusda be nus hóoꞌenne ꞌet la, Christ dzoh nutizut, hutni. ꞋEt whuz unꞌa ꞌuhóoja whúlhtsi.