Luke 16:15 - Yak'usda Ooghuni

¹⁵ ꞋInka ꞌubulhni, “Dune toh tsꞌihꞌun ꞌuntꞌohne naꞌdudulhꞌi, ꞌet hoontsꞌi Yakꞌusda nohdzi dantꞌoh la tꞌeooninzun. Di la dune ba díztiꞌ-i, ꞌi Yakꞌusda yutsꞌu dutni whe ꞌuntꞌoh.

Luke 16:15 Iomraidhean Croise

Matthew 23:5

ꞋUtꞌen ꞌuhuyulhꞌen-i, ꞌi hiyoonne yunoolhꞌen huba za ꞌuhuyulhꞌen. ꞋInkꞌez Yakꞌusda ooghuni zus, Phylacteries huyulhni, ꞌon nus ncha huyilhꞌi tsꞌiyanne hinoolhꞌen ha. ꞋInkꞌez luglok tenahududli te nahuyitsꞌuz-i, ꞌi cha ootso ꞌon nus ꞌudilyiz nahuyulhtsih.

Matthew 6:16

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh.

Matthew 6:2

ꞋEt huwa telꞌenne ghaꞌ tihꞌalh de, khun tsꞌiyanne nalh ꞌududolhtiꞌ junih. Duba naꞌudzooꞌne, ꞌenne whuz unꞌa ꞌet nduhútꞌen. Lizwif bulugliz kꞌus ti whulheguz-un ꞌet tsꞌiyanne ubunoolhꞌen ha, ꞌet nduhutꞌen. ꞋAlhaꞌ dusni, ooba kꞌelha whutalehne, ꞌudaꞌ buba nkꞌelha whuzdliꞌ whe ꞌuhintꞌoh.

Matthew 6:5

“Tenadahdli de, khun duba naꞌudzooꞌne kꞌoh tsꞌe tenadoohdli junih. Whuz unꞌa lizwif bulugliz cha nódilhya, kꞌus ti whulheto huhóontꞌiꞌ whe whuz unꞌa tenahududli tsꞌiyanne ubunoolhꞌen ha. Nohdúsni, ꞌudaꞌ buba ꞌukꞌelha whuzdliꞌ wheꞌ hintꞌoh.

Luke 10:29

ꞋEt hoontsꞌi ndun tsꞌihꞌun ꞌuntꞌoh-un naꞌdudilꞌi. ꞋEt huwun Jesus yoodulhkut, “Mbe la senghoh whutꞌi-un?”

Luke 11:39

ꞋInkꞌez neMoodihti ꞌuyulhni, “Nohni Phariseene nohlusyet ꞌinkꞌez lubot bulh, ooka za tunáwhahgus. ꞋEt hoontsꞌi nohdzi yo whe dátni-i cha ꞌinkꞌez ꞌutꞌen ntsiꞌ-i bulh be nohyo tsꞌe whudizbun.

Luke 18:11

Ndun Pharisee ꞌen dichꞌoh usyin ꞌinkꞌez tenadudli whe njan ndutni, ‘Yakꞌusda musi nyudusni. ꞋAw ꞌuyoonne dune dúlhuztꞌoh. ꞋUyoonne eꞌwhuhalhtsꞌit sooniya be, ꞌenne ꞌaw tsꞌihꞌun lheꞌitꞌohne ꞌuhintꞌoh, ꞌinkꞌez tsꞌekoo kꞌus dunene bulh níntaꞌ ꞌutꞌihne. ꞋInkꞌez ndun sooniya ꞌilhunaoosꞌaih-un, ꞌen cha bundúlh uztꞌoh.

Luke 18:14

ꞋEt Jesus ꞌubulhni, “Nohdusni ndun sooniya ꞌilhunaoosꞌaih-un, ꞌen Yakꞌusda nalh tsꞌihꞌun naꞌuja whe duyoh tsꞌe naoosja. ꞋEt ꞌilhoghun ꞌaw ndúlhinel. ꞋInkꞌez mbe la duba naꞌudzooꞌ-un, ꞌen yooya yutilhtselh. ꞋInkꞌez mbe la yo ꞌúdudildzun-un, ꞌen Yakꞌusda yudutalhtiꞌ.”

Luke 18:21

ꞋEt ꞌuyulhni, “Usool daꞌ whutsꞌun, ndi tsꞌiyawh ookꞌuneꞌ zustꞌen.”

Luke 18:9

Whulohne tsꞌihꞌun unꞌa ꞌustꞌoh naꞌhundunúdzun, ꞌinkꞌez ꞌonghohne, hintsiꞌ ubunínzun. ꞋEt huwa Jesus ꞌenne nawhutnuk ꞌi be whútsꞌodulꞌeh ꞌi be bubulh yalhduk whe njan ndúbulhni,

Luke 20:20

ꞋInkꞌez highunli, ꞌinkꞌez tsꞌihꞌun ꞌuntꞌoh naꞌdudilꞌi nunúlꞌiꞌne, ꞌenne hitsꞌun whílhꞌaꞌ. Khun tilah Jesus ye yalhduk-i, ꞌi gha la huyoolhgooh. ꞋEt de la yun kꞌut whutꞌenne bumoodih yutlꞌa húyoolhtelh. ꞋEn ꞌuntꞌoh hoolhtus te neꞌutꞌen, ꞌinkꞌez tsꞌiyanne kꞌuneꞌ ꞌulꞌen.

Luke 20:47

Tsandilhne buyoh bugha ha hódunitꞌah ꞌinkꞌez bughu huhoolhchuk. ꞋInkꞌez ꞌonilha saꞌ cho tenahududli hoohoolhꞌi. ꞋEnne ꞌon nus ꞌuwhulcho whe buba nahutideh.”

John 2:25

ꞋInkꞌez ꞌaw ꞌuyoonne dune dahíntꞌoh la ꞌet hidóniꞌ ꞌaítꞌoh, didutchꞌoh dunene dahíntꞌoh la tꞌewhunínzun ꞌet huwa.

John 21:17

Whulh tat yoodulhkut, “Simon Jonas ooyeꞌ ꞌalhaꞌ eh syadan inli?” ꞋEt Peter tube ooba dzoh suliꞌ, Jesus whulh tat-un yoodulhkut whe uyúlhni, “Syadan inli eh?” uyúlhni. ꞋEt Peter uyúlhni, “SMoodihti, nyunchꞌoh tsꞌiyantsuk tꞌéwhúnínzun. ꞋInkꞌez nyunchꞌoh tꞌéwhunínzun nyadan usdli.” ꞋEt doo cha Jesus uyúlhni, “Se ꞌusbaine bube ꞌilhꞌalh!

Acts 1:18

(Ndi sooniya Judas oogha íninkat nintaꞌantꞌen huwa ꞌi be yun lhadíntꞌoh-i ꞌonket. ꞋEt Judas nadílduz ꞌinkꞌez ooyustꞌe ndulcho bé ha hooltal.

Acts 1:24

ꞋEt tenahudidli whe nduhútni, “NeMoodihti nyun tsꞌiyanne dune budzi yo tꞌéoonínzun. ꞋEt huwa whunénilhtun kꞌus umbe ꞌen neba ꞌutuhaílhti.

Acts 15:8

ꞋInkꞌez Yakꞌusda dune dahíntꞌoh la tꞌebunínzun, ꞌet huwa ꞌudun yun kꞌut whutꞌenne, ꞌenne cha bukꞌentsiꞌ whe wheni danéinla daꞌ whuz unꞌa ndunne cha Ndoni buyudíltsꞌut wheꞌ hoontꞌoh.

Romans 3:20

Mbene la Moses be ꞌudustlꞌus kꞌúneꞌ ꞌutꞌenne ꞌaw ꞌet huwa lubeshi ꞌuhulhꞌen-un huba gak hoolhtselh ꞌaítꞌoh. Moses be ꞌudustlꞌus ꞌi gha lubeshi ꞌuhulhꞌenne ꞌuhintꞌoh tꞌehonínzun.

Romans 8:27

Mbe la nedzi yo nunúta-un, ꞌet Ndoni dája ninzun-un tꞌéwhunínzun. Yakꞌusda hukwaꞌ ninzun hukwꞌunꞌa. Ndoni Yakꞌusda oochꞌeꞌne, buba tedudli ꞌet huwa.

1 Corinthians 4:5

ꞋEt huwa ndet dzin whusaootiltsꞌulh whutsꞌun, ꞌaw hoonliyaz buba nahoohyeh-un hooloh. NeMoodihti whusatiyalh whutsꞌun huba sulhꞌi whe tsalhgus yo tsꞌe nunuꞌiꞌ-i, ꞌi tsꞌiyawh tsꞌet ha naítilelh. ꞋInkꞌez dune budzi yo tsꞌe ꞌuhuninzun-un, tsꞌiyawh tsꞌiyanne bunalhtsꞌet ha óotilelh. ꞋEt Yakꞌusda ꞌilhone hinli whe hoonzoo whe bubulh whudutalhtiꞌ.

1 Peter 3:4

ꞋEt hoontsꞌi nohdzi yo dáhoontꞌoh la, nohyo tsꞌe tꞌewhudusnih ꞌinkꞌez soo neꞌahtꞌen, ꞌet ꞌi be soo nadahtꞌih leꞌ hoontꞌoh. ꞋOhwhi Yakꞌusda oonalh whudíztiꞌ wheꞌ hoontꞌoh.

1 Peter 5:5

ꞋEt whuz unꞌa za nohni niyilhne mbene yoo ꞌun udohne, ꞌenne butlꞌaꞌ dudoolhyelh. ꞋAlhaꞌ nohni cha tsꞌiyawh whuz unꞌa lhtlꞌaꞌ dudoolhyelh. Be yo úzdudildzun-i, ꞌantsꞌi naih kꞌunꞌa bé dolhtsꞌiꞌ. ꞋUkꞌehonguz whe njan ndutni, “Ndunne ꞌududíltiꞌne, ꞌenne Yakꞌusda buchꞌaz ditni. ꞋEt hoontsꞌi mbene la yo údudildzunne, ꞌenne ye unzoo-i bugha yúꞌaih.”

Revelation 2:23

ꞋInkꞌez ndun tsꞌeke buzkeh cha ubutisghan. ꞋInkꞌez Yakꞌusda ba ꞌilhunaoodulhne, tsꞌiyawh tꞌehontázin, si ꞌustꞌoh dune bubeni toh ꞌinkꞌez budzi bet cha hoonli hukwꞌu nústa. ꞋInkꞌez ꞌilhughun ꞌahli whe nohꞌeꞌutꞌen kꞌoh huwa nohba ꞌukꞌelha whutiselh.